ଦୁନିଆରେ ଏପରି ଅନେକ ଦେଶ ରହିଛି, ଯେଉଁଠାରେ ବନ୍ୟା ପରିସ୍ଥିତି ଏକ ବଡ଼ ସମସ୍ୟା ଅଟେ। ବର୍ଷା ଆସିବା ମାତ୍ରେ ଏହି ଦେଶର ସହରଗୁଡ଼ିକ ପାଣିରେ ବୁଡ଼ିଯାଇଥାନ୍ତି। ବିଶେଷକରି କେତେକ ଏସୀୟ ଦେଶରେ ଏହି ସମସ୍ୟା ଏକ ଭୟଙ୍କର ରୂପ ନେଇଥାଏ। ବନ୍ୟା ପ୍ରବଣ ଦେଶମାନଙ୍କ ମଧ୍ୟରୁ ଜାପାନର ଏକ ଘର ବିକାଶକାରୀ କମ୍ପାନୀ (ଇଚିଜୋ କୋମୁଟେନ) ଏହି ସମସ୍ୟାର ଏକ ଭଲ ସମାଧାନ ଖୋଜିପାଇଛି।
ଜାପାନର ହାଉସ ଡେଭଲପର୍ ଇଚିଜୋ କୋମୁଟେନ ଏକ ନିଆରା ଘର ଡିଜାଇନ କରିଛନ୍ତି, ଯାହା ଓ୍ବାଟର ପ୍ରୁଫ। ଅର୍ଥାତ୍ ବର୍ଷା ଓ ବନ୍ୟା ଆସିବା ମାତ୍ରେ ଘର ନଷ୍ଟ ନ ହୋଇ ଭାସିବ। ଯାହା ଏବେ ଚର୍ଚ୍ଚାରେ ରହିଛି।
ଜାପାନର ଏକ ଲୋକପ୍ରିୟ ଟିଭି ଶୋ’ରେ ଏହା ପ୍ରଦର୍ଶିତ ହୋଇଥିଲା। ଏହାକୁ ନେଇ ସାରା ଦେଶରେ ଅନେକ ଆଲୋଚନା କରାଯାଉଛି। ଏହାର ଡେମୋ ମଧ୍ୟ ପ୍ରଦର୍ଶିତ ହୋଇଛି। ଘରଟି ସାଧାରଣ ଘର ପରି ଦେଖାଯାଉଥିଲେ ମଧ୍ୟ ଏହାର ଚାରିପାଖରେ ପାଣି ପଶି ଯାଇଥିଲା। ଘର ଧିରେ ଧିରେ ଉପରକୁ ଉଠିବାକୁ ଲାଗିଲା।
ଇଚିଜୋ କୋମୁଟେନର ନୂତନ ଉଦ୍ଭାବନ ଅଧୀନରେ ନିର୍ମିତ ଏହି ଘରଟି ମୋଟା ଲୁହା ରଡ୍ ଦ୍ୱାରା ସଂଯୁକ୍ତ। ଏହା ମୋଟା କେବୁଲ ଦ୍ୱାରା ଭୂମି ସହିତ ସଂଯୁକ୍ତ, ଯାହା ବନ୍ୟା ଆସିବା ସମୟରେ ଘରକୁ ଉପରକୁ ଛାଡ଼ିଦିଏ ଏବଂ ବନ୍ୟା ଛାଡ଼ିଯିବା ଏହାକୁ ପୁନର୍ବାର ଭୂମିରେ ଲଗାଇଥାଏ। ପାଣି କମ୍ ହେବା ସହିତ ଘରଟି ପୂର୍ବ ଅବସ୍ଥାକୁ ଫେରି ଆସେ। ଘରେ ଏହି ପ୍ରକାରର ପ୍ଲମ୍ବିଂ ସ୍ବତନ୍ତ୍ର ଭାବରେ କରାଯାଇଛି। ଫଳରେ ଘରେ ପାଣି ପଶିପାରେ ନାହିଁ। ବୈଦ୍ୟୁତିକ ଜିନିଷଗୁଡ଼ିକ ଉପରେ ରହିଛି। ଯଦ୍ଦ୍ବାରା ସେଠାରେ ପାଣି ପହଞ୍ଚିପାରିବ ନାହିଁ। ଘରଟି ୫ ମିଟର ଉଚ୍ଚତାରେ ଭାସିବ।
