ନୂଆଦିଲ୍ଲୀ,୧୧।୯: କେନ୍ଦ୍ରୀୟ ସଡ଼କ ପରିବହନ ମନ୍ତ୍ରୀ ନୀତିନ ଗଡକରୀ ସମ୍ପ୍ରତି ସୋସିଆଲ ମିଡିଆରେ E20 ଇନ୍ଧନର ସମାଲୋଚନା ଉପରେ ଏକ ବଡ଼ ବୟାନ ଦେଇଛନ୍ତି। ଗଡକରୀ କହିଛନ୍ତ, ଏହି ସମାଲୋଚନା କୌଣସି ଯାନ୍ତ୍ରିକ ସମସ୍ୟା ଯୋଗୁ ନୁହେଁ, ବରଂ ଧନୀ ଏବଂ ଶକ୍ତିଶାଳୀ ପେଟ୍ରୋଲ ଲବି ଦ୍ୱାରା ପ୍ରସାରିତ ଏକ ପ୍ରଚାର। ମୋ ବିରୋଧରେ ଏକ ଦେୟଯୁକ୍ତ ଅଭିଯାନ ମଧ୍ୟ ଚାଲିଛି।
E20 ଇନ୍ଧନ ପେଟ୍ରୋଲ ଏବଂ ଇଥାନଲର ମିଶ୍ରଣ। ଏଥିରେ ୮୦ ପ୍ରତିଶତ ପେଟ୍ରୋଲ ଏବଂ ୨୦ ପ୍ରତିଶତ ଇଥାନଲ ଥାଏ। ସରକାର ଏହାକୁ ସବୁଜ ଶକ୍ତି ପରିବର୍ତ୍ତନ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ବିବେଚନା କରନ୍ତି। କିନ୍ତୁ ସୋସିଆଲ ମିଡିଆରେ କିଛି ୟୁଜର୍ସ କହିଛନ୍ତି, ଏହା ଯାନର ମାଇଲେଜ ହ୍ରାସ କରିପାରେ ଏବଂ ଇଞ୍ଜିନକୁ ପ୍ରଭାବିତ କରିପାରେ।
ଫେଡେରେସନ ଅଫ ଅଟୋମୋବାଇଲ ଡିଲର୍ସ ଆସୋସିଏସନ (FADA) ଦ୍ୱାରା ଆୟୋଜିତ ଅଟୋ ରିଟେଲ କନକ୍ଲେଭରେ ଭାଷଣ ଦେଇ ଗଡକରୀ କହିଛନ୍ତି,ସବୁଠି ଲବି ଅଛି। କିନ୍ତୁ E20 ଇନ୍ଧନ ସମ୍ପର୍କରେ ସୋସିଆଲ ମିଡିଆରେ ଯେଉଁ ଗୁଜବ ପ୍ରଚାର କରାଯାଉଛି, ତାହା ପେଟ୍ରୋଲ ଲବି ଦ୍ୱାରା ପ୍ରସାରିତ ହେଉଛି। ଏହି ପ୍ରଯୁକ୍ତିବିଦ୍ୟା ଭାରତକୁ ଶକ୍ତି ସ୍ବାବଲମ୍ବନ ଆଡ଼କୁ ନେଇଯିବ ଏବଂ ପ୍ରଦୂଷଣ ହ୍ରାସ କରିବାରେ ସାହାଯ୍ୟ କରିବ।
ଏହା ସମ୍ପର୍କରେ, ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରଣାଳୟ ପୂର୍ବରୁ ସ୍ପଷ୍ଟ କରିସାରିଛି ଯେ, ମାଇଲେଜ ଉପରେ E20 ଇନ୍ଧନର ପ୍ରଭାବକୁ ଅତିରଞ୍ଜିତ କରାଯାଉଛି। E-0 କୁ ଫେରିବାର ବିକଳ୍ପ ପ୍ରଦୂଷଣ ଏବଂ ଶକ୍ତି ପରିବର୍ତ୍ତନ ସମ୍ବନ୍ଧୀୟ ଭାରତର ଏପର୍ଯ୍ୟନ୍ତର ସଫଳତାକୁ ପଛରେ ପକାଇବ।
ଗଡକାରୀ ତାଙ୍କ ଅଭିଭାଷଣରେ କହିଥିଲେ. ଭାରତ ପୂର୍ବରୁ ନୂତନ ବ୍ୟାଟେରୀ ପ୍ରଯୁକ୍ତିବିଦ୍ୟା ଉପରେ କାମ କରୁଛି। ଦେଶର ଷ୍ଟାର୍ଟଅପ୍ଗୁଡ଼ିକ ସୋଡିୟମ ଆୟନ, ଲିଥିୟମ ଆୟନ, ଜିଙ୍କ ଆୟନ ଏବଂ ଆଲୁମିନିୟମ ଆୟନ ବ୍ୟାଟେରୀ ଉପରେ ଗବେଷଣା କରୁଛନ୍ତି। ଏହା ସହିତ, ପୁରୁଣା ଯାନବାହାନର ସ୍କ୍ରାପ କରିବାରୁ ବିରଳ ଧାତୁ ଏବଂ ଅନ୍ୟାନ୍ୟ ଧାତୁ ବାହାର କରାଯାଇପାରିବ।
କିଛି ବର୍ଷ ପୂର୍ବେ, ଭାରତ ସେମିକଣ୍ଡକ୍ଟର ଚିପ୍ସ ପାଇଁ ସମ୍ପୂର୍ଣ୍ଣ ଭାବରେ ଚାଇନା ଉପରେ ନିର୍ଭରଶୀଳ ଥିଲା, ଯାହା ଯୋଗୁ ଅଟୋମୋବାଇଲ ଶିଳ୍ପକୁ ବହୁତ ଅସୁବିଧାର ସମ୍ମୁଖୀନ ହେବାକୁ ପଡୁଥିଲା। କିନ୍ତୁ ବର୍ତ୍ତମାନ ଭାରତରେ ହିଁ ଚିପ ଉତ୍ପାଦନ ଆରମ୍ଭ ହୋଇଛି। ଗଡକରିଙ୍କ ଅନୁସାରେ, ଏହି ଆତ୍ମନିର୍ଭରଶୀଳତା ଭବିଷ୍ୟତରେ ଇନ୍ଧନ ଏବଂ ବ୍ୟାଟେରୀ କ୍ଷେତ୍ରରେ ମଧ୍ୟ ଦେଖାଯିବ।
ଗଡକାରୀ ଏହି ଅବସରରେ ଏହା ମଧ୍ୟ କହିଥିଲେ, ପେଟ୍ରୋଲ ଏବଂ ଡିଜେଲ ଯାନର ଚାହିଦା ଏବେ ହ୍ରାସ ପାଇବାକୁ ଯାଉନାହିଁ। ପ୍ରତିବର୍ଷ ଅଟୋମୋବାଇଲ ଉତ୍ପାଦନ ୧୫-୨୦ ପ୍ରତିଶତ ବୃଦ୍ଧି ପାଉଛି ଏବଂ ଅନ୍ତର୍ଜାତୀୟ ବଜାର ମଧ୍ୟ ବହୁତ ବଡ଼। ଅର୍ଥାତ୍ ବର୍ତ୍ତମାନ ପାଇଁ ପେଟ୍ରୋଲ ଏବଂ ଡିଜେଲ ଯାନ ବିକ୍ରି ଜାରି ରହିବ, କିନ୍ତୁ ବିକଳ୍ପ ଇନ୍ଧନ ଏବଂ ପ୍ରଯୁକ୍ତିବିଦ୍ୟା ଧୀରେ ଧୀରେ ସେମାନଙ୍କର ସ୍ଥିତିକୁ ମଜଭୁତ କରିବ।
ଗଡକରୀ କହିଛନ୍ତି,ଯେତେବେଳେ ସେ ମନ୍ତ୍ରୀ ପଦ ଗ୍ରହଣ କରିଥିଲେ, ସେତେବେଳେ ଭାରତର ଅଟୋମୋବାଇଲ ଶିଳ୍ପର ଆକାର ୧୪ ଲକ୍ଷ କୋଟି ଥିଲା। ଆଜି ୨୨ ଲକ୍ଷ କୋଟିକୁ ବୃଦ୍ଧି ପାଇଛି। ବିଶ୍ୱ ସ୍ତରରେ, ଆମେରିକା ୭୮ ଲକ୍ଷ କୋଟି ସହିତ ପ୍ରଥମ ଏବଂ ଦ୍ୱିତୀୟ ସ୍ଥାନରେ ଅଛି ଏବଂ ଚାଇନା ୪୭ ଲକ୍ଷ କୋଟି ସହିତ ତୃତୀୟ ସ୍ଥାନରେ ଅଛି। ଭାରତ ତୃତୀୟ ସ୍ଥାନରେ ଅଛି।
