କୁହାଯାଏ, ପ୍ରେମ ଅନ୍ଧ। ଏହା ଧନୀ, ଦରିଦ୍ର, ଜାତି, ଧର୍ମ, ବର୍ଣ୍ଣ ଦେଖେ ନାହିଁ। ତଥାପି ପ୍ରେମ ଏବଂ ବିବାହ ପାଇଁ କିଛି ସୀମା ସରହଦ ରହିଛି। ଯାହାକୁ କେହି ଉଲ୍ଲଂଘନ କରିବାକୁ ଚାହିଁବେ ନାହିଁ। ଉଦାହରଣ ସ୍ବରୂପ, ଜଣେ ରକ୍ତ ସମ୍ପର୍କରେ ବିବାହ ବିଷୟରେ କେବେ ଚିନ୍ତା ବି କରିପାରିବେ ନାହିଁ। ଭାବନ୍ତୁ ଯଦି ଏହା ଅଜାଣତରେ ଘଟେ ତେବେ କେମିତି ଅନୁଭବ କରିବେ। ନିଶ୍ଚିତ ପାଦତଳୁ ମାଟି ଖସିଯିବ।
ଜଣେ ଯୁବତୀଙ୍କ ସହ ଏମିତି ଘଟଣା ଘଟିଥିଲା। ଯେତେବେଳେ ସେ ତାଙ୍କର ୬ ବର୍ଷର ସମ୍ପର୍କ ବିଷୟରେ ଜାଣିବାକୁ ପାଇଲେ, ଯାହା ହଜମ କରିବା କଷ୍ଟକର ଥିଲା। ସୋସିଆଲ ମିଡିଆରେ ସେ ଏହି କଥା ଶେୟାର କରିଛନ୍ତି। ସେ କହିଛନ୍ତି, ୬ ବର୍ଷ ଧରି ମୁଁ ଯାହାକୁ ଡେଟ୍ କରୁଥିଲି ସେ ପ୍ରକୃତରେ ମୋ’ ନିଜ ଭାଇ ଥିଲେ। ଯେତେବେଳେ ସେ ତାଙ୍କ ସାଥୀଙ୍କ ଡିଏନ୍ଏ ପରୀକ୍ଷା କରାଇଲେ ସେତେବେଳେ ସେ ଏହି ଆଶ୍ଚର୍ଯ୍ୟଜନକ ସତ୍ୟ ଜାଣିବାକୁ ପାଇଲେ।
ଅନ୍ଲାଇନ୍ ପ୍ଲାଟ୍ଫର୍ମରେ ଯୁବତୀ ଜଣକ କହିଥିଲେ, ସେ ଗତ ୬ ବର୍ଷ ଧରି ଜଣେ ପୁଅ ସହିତ ରିଲେସନଶିପ୍ରେ ଥିଲେ। ତାଙ୍କର ସାଥୀ ଏକ ପୋଷ୍ୟ ସନ୍ତାନ ଥିଲେ। ସେମାନଙ୍କର ଜୀବନ ଭଲ ଚାଲିଥିଲା ଏବଂ ସେମାନେ ପରସ୍ପରକୁ ବହୁତ ଭଲ ଭାବରେ ବୁଝିଥିଲେ। ସେମାନଙ୍କ ମଧ୍ୟରେ ଏକ ଭିନ୍ନ ସଂଯୋଗ ଥିଲା। ଏହି ସମୟରେ ଦୁହେଁ ଡିଏନ୍ଏ ପରୀକ୍ଷା କରିବାକୁ ଚିନ୍ତା କଲେ। ଯେତେବେଳେ ଏହି ପରୀକ୍ଷା ରିପୋର୍ଟ ଆସିଲା ତାହା ଜାଣି ତାଙ୍କ ପାଦତଳୁ ମାଟି ଖସିପଡ଼ିଲା।
ବର୍ତ୍ତମାନ ପର୍ଯ୍ୟନ୍ତ ପ୍ରେମିକ ମଧ୍ୟ ସତ କଥା ଜାଣିନାହାନ୍ତି। ଏହା ଜାଣିବା ପରେ ଯୁବତୀ ତାଙ୍କ ପ୍ରେମିକଙ୍କୁ ଏ ବିଷୟରେ କହି ନ ଥିଲେ। ସମ୍ପର୍କ ଭାଙ୍ଗିବା ପରେ ମଧ୍ୟ ସେମାନେ ଗୋଟିଏ ଘରେ ରହୁଛନ୍ତି। ଯୁବତୀ କହିଛନ୍ତି, ଏହି ପରୀକ୍ଷା ବୋଧେ ମିଥ୍ୟା। ସେ ଆଉ କିଛି ପ୍ରମାଣ ଖୋଜୁଛନ୍ତି।
