‘ସ୍ତ୍ରୀ-ସ୍ବାମୀ ଏବଂ ସିଏ’ ସମ୍ପର୍କରେ ବହୁତ ଶୁଣିଥିବେ। ମାତ୍ର ଯୁକ୍ତରାଷ୍ଟ୍ର ଆମେରିକାର ସିଏଟଲରେ ଏମିତି ଏକ ଘଟଣା ସାମ୍ନାକୁ ଆସିଛି, ଯାହା ଶୁଣିଲେ ଆଶ୍ଚର୍ଯ୍ୟ ହେବେ। ବିବାହ ପରେ ସ୍ବାମୀ ଜାଣିବାକୁ ପାଇଲେ ଯେ, ତାଙ୍କ ସ୍ତ୍ରୀ ଉଭୟଲିଙ୍ଗୀ । ଯେଉଁଥିପାଇଁ ସେ ତାଙ୍କ ସ୍ତ୍ରୀଙ୍କୁ ତାଙ୍କ ପ୍ରେମ ଗିଫ୍ଟ ଦେଇଥିଲେ। ତାଙ୍କ ସ୍ତ୍ରୀ ଯେଉଁ ଝିଅକୁ ଭଲ ପାଉଥିଲେ ସ୍ବାମୀ ତାଙ୍କୁ ଘରକୁ ନେଇଆସିଲେ। ଏହା ପରେ ତିନିଜଣଙ୍କ ଜୀବନ ଏକ ପରି ଚାଲିଲା।
ଏହି କପଲଙ୍କ ପ୍ରେମକାହାଣୀ କଲେଜ ସମୟରୁ ଆରମ୍ଭ ହୋଇଥିଲା। ସ୍ବାମୀ ଜଷ୍ଟିନ୍ ପେସାରେ ଜଣେ କମେଡିଆନ। ସେ କହିଛନ୍ତି, ୨୦୦୬ରେ ଏକ କମେଡି ଶୋ’ରେ କ୍ୟାଟିଙ୍କ ସହ ତାଙ୍କର ସାକ୍ଷାତ ହୋଇଥିଲା। ପରେ ଏହା ପ୍ରେମରେ ରୂପାନ୍ତରିତ ହୋଇଥିଲା। କିଛିବର୍ଷ ଧରି ଦୁହେଁ ଦୁହିଁଙ୍କୁ ଡେଟ୍ କରୁଥିଲେ। ୨୦୧୩ରେ କ୍ୟାଟି ଏବଂ ଜଷ୍ଟିନ୍ଙ୍କ ବିବାହ ହୋଇଥିଲା। କୁହାଯାଏ ବିବାହ ପରେ ସ୍ବାମୀ-ସ୍ତ୍ରୀଙ୍କ ମଧ୍ୟରେ କିଛି ଲୁଚାଛପା ରହେ ନାହିଁ। ଏମିତି ଏକ ସିକ୍ରେଟ ସ୍ବାମୀଙ୍କୁ କହିଥିଲେ କ୍ୟାଟି। ଯାହା ଶୁଣି ସ୍ବାମୀ ଆଶ୍ଚର୍ଯ୍ୟ ହୋଇଥିଲେ।
କ୍ୟାଟି କହିଥିଲେ, ସେ ଉଭୟଲିଙ୍ଗୀ। ଏହାକୁ ସେ ଜଣାଇବାକୁ ଚାହାନ୍ତି। ଏହା ପରେ ଜଷ୍ଟିନ୍ଙ୍କୁ ତାଙ୍କ ବନ୍ଧୁ କ୍ଲେୟରଙ୍କ ସମ୍ପର୍କରେ କହିଥିଲେ। କ୍ଲେୟରଙ୍କୁ ସେ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଦେଖିଥିଲେ। ପରେ ତାଙ୍କ ପ୍ରତି ଆକର୍ଷିତ ହୋଇଥିଲେ। ଜଷ୍ଟିନ୍ କୁହନ୍ତି, ୩୬ ବର୍ଷୀୟା କ୍ଲେୟର ଥୋର୍ନହିଲ୍ ତାଙ୍କ କଲେଜ ବେଳର ସାଙ୍ଗ। ଯେତେବେଳେ ସେ ଜାଣିଲେ ତାଙ୍କ ସ୍ତ୍ରୀ କ୍ୟାଟି ତାଙ୍କରି ବନ୍ଧୁ କ୍ଲେୟରଙ୍କୁ ହିଁ ପ୍ରେମ କରୁଛନ୍ତି ସେ କ୍ଲେୟରଙ୍କ ସହ ଏ ସମ୍ପର୍କରେ କଥା ହୋଇଥିଲେ। କ୍ଲେୟର କୁହନ୍ତି, ଜଷ୍ଟିନ୍ ଏବଂ ସ୍ତ୍ରୀ ଯେତେବେଳେ ତାଙ୍କୁ ସମ୍ପର୍କରେ କହିଥିଲେ ତାଙ୍କୁ ଆଶ୍ଚର୍ଯ୍ୟ ଲାଗିଥିଲା। ଏହା ପୂର୍ବରୁ ସେ ବି କ୍ୟାଟିଙ୍କ ପ୍ରେମରେ ପଡ଼ିସାରିଥିଲେ। ତେଣୁ ୩ ଜଣ ଏକାଠି ରହିବାକୁ ନିଷ୍ପତ୍ତି ନେଲେ। ସେମାନେ କହିଛନ୍ତି, ଆମ ତିନିଜଣଙ୍କ ମଧ୍ୟରେ କୌଣସି କଥାକୁ ନେଇ କିଛି ସମସ୍ୟା ଉପୁଜିଲେ ଆମେ ଏକାଠି ବସି ସମାଧାନ କରୁ। ଆମେ ବହୁତ ଖୁସିରେ ଅଛୁ। ଜଣେ ଜଣଙ୍କୁ ପାଇଁ ଖୁବ୍ ଭାଗ୍ୟଶାଳୀ ବୋଲି କୁହନ୍ତି।
