ମିଠା ଖାଇବାକୁ ପ୍ରାୟ ସମସ୍ତେ ପସନ୍ଦ କରନ୍ତି। କୌଣସି ପବପର୍ବାଣୀ ହେଉ କିମ୍ବା ନ ହେଉ, ମିଠାର ସବୁବେଳେ ଚାହିଦା ଥାଏ। ନିକଟରେ ସୋସିଆଲ ମିଡିଆରେ ଏକ ନିଆରା ମିଠାର ଭିଡିଓ ଭାଇରାଲ ହୋଇଛି। ଏହି ମିଠାର ବିଶେଷତା ହେଉଛି ଏହାର ମୂଲ୍ୟ। ଏହି ମିଠା ବେଶ୍ ମହଙ୍ଗା ରହିଛି। ମିଠା କିଲେ ୧୬ ହଜାର ଟଙ୍କା ରହିଛି॥ ଭାଇରାଲ ହେଉଥିବା ଏହି ଭିଡିଓରେ, ଜଣେ ବ୍ୟକ୍ତି ମିଠା ତିଆରି କରୁଥିବା ଦେଖିବାକୁ ମିଳେ, ଯାହା ଅତ୍ୟନ୍ତ ସ୍ବାଦିଷ୍ଟ ଦେଖାଯାଏ। ଦୋକାନୀ ମିଠା ଉପରେ ଚମତ୍କାର ସୁନା କାମ ପ୍ରୟୋଗ କରୁଥିବା ଦେଖିବାକୁ ମିଳିବ।
View this post on Instagram
ଭିଡିଓଟି ସୋସିଆଲ ମିଡିଆ ସାଇଟ ଇନଷ୍ଟାଗ୍ରାମରେ oye.foodieee ନାମକ ଏକ ଆକାଉଣ୍ଟ ଦ୍ୱାରା ଶେୟାର କରାଯାଇଛି। ଏହି ଭିଡିଓଟି ୮ ଲକ୍ଷ ୪୩ ହଜାରରୁ ଅଧିକ ଲାଇକ ଏବଂ ଭ୍ୟୁ ପାଇଛି। ସୋସିଆଲ ମିଡିଆରେ ଲୋକମାନେ ଏହି ମୂଲ୍ୟବାନ ମିଠା ଦେଖିବା ପରେ ନିଜର ମତାମତ ଦେଉଛନ୍ତି। ଭିଡିଓ ଉପରେ ମନ୍ତବ୍ୟ ଦେଇ ଜଣେ ୟୁଜର୍ସ ଲେଖିଛନ୍ତି – ମୂଲ୍ୟ ଯାହା ହେଉନା କାହିଁକି, ମିଠା ଦେଖିବା ଏବଂ ସ୍ବାଦ ଅନୁଭବ କରିବା। ଅନ୍ୟ ଜଣେ ୟୁଜର୍ସ ମଜାଳିଆ କମେଣ୍ଟ ଦେଇଲେଖିଛନ୍ତି – ଏହାକୁ କିଣିବା ପାଇଁ ଏକ ମାସର ଦରମା ଲାଗିବ।
