ଟୋକିଓ,୧୮।୭(ଏପି): ଟୋକିଓ ଅଲିମ୍ପିକ୍ସର କାର୍ଯ୍ୟସୂଚୀ ପ୍ରାୟ ଅପରିବର୍ତ୍ତତ ରହିବ। ଆସନ୍ତାବର୍ଷ ଆୟୋଜନ ହେବାକୁ ଥିବା ଏହି ବିଳମ୍ବିତ ମେଗା ଇଭେଣ୍ଟର ୪୨ଟି ଭେନ୍ୟୁକୁ ସୁରକ୍ଷିତ ରଖାଯାଇଛି। ସେହିପରି ଆଥଲେଟ୍ସ ଭିଲେଜ୍ ଓ ମୁଖ୍ୟ ପ୍ରେସ୍ ସେଣ୍ଟରକୁ ମଧ୍ୟ ବ୍ୟବସ୍ଥିତ କରାଯାଇଛି ଅଲିମ୍ପିକ୍ସ ଆୟୋଜକ କମିଟି ତରଫରୁ କୁହାଯାଇଛି। ଏ ନେଇ କମିଟି ଅଧ୍ୟକ୍ଷ ୟୋଶିରୋ ମୋରି ଓ ମୁଖ୍ୟ କାର୍ଯ୍ୟନିର୍ବାହୀ ତୋଶିରୋ ମୁଟୋ ଅନ୍ତର୍ଜାତୀୟ ଅଲିମ୍ପିକ କମିଟି (ଆଇଓସି) ସଦସ୍ୟମାନଙ୍କୁ ଅବଗତ କରାଯାଇଛି। ଅନ୍ଲାଇନ୍ ମାଧ୍ୟମରେ ହୋଇଥିବା ବୈଠକରେ ଏହି ଦୁଇଜଣ ଜାପାନରୁ ବାର୍ତ୍ତା ସଦସ୍ୟମାନଙ୍କୁ ବାର୍ତ୍ତା ପଠାଇଥିଲେ।
କୋଭିଡ୍-୧୯ ମହାମାରୀ କାରଣରୁ ଅଲିମ୍ପିକ ଗୋଟିଏ ବର୍ଷ ଘୁଞ୍ଚାଇ ଦିଆଯାଇଥିବାରୁ ୨ରୁ ୬ ବିଲିୟନ ଆମେରିକୀୟ ଡଲାର କ୍ଷତି ହେବ ବୋଲି କୁହାଯାଇଛି। ଅଲିମ୍ପିକ୍ସର ଉଦ୍ଘାଟନୀ ଉତ୍ସବ ୨୦୨୧ ଜୁଲାଇ ୨୩ରେ ଆୟୋଜନ ହେବ। ୨୪ ତାରିଖରେ କାର୍ଯ୍ୟସୂଚୀ ଅନୁଯାୟୀ ପୂରା ଦିନ ବିଭିନ୍ନ ଇଭେଣ୍ଟ ଆୟୋଜନ ହେବ। ଫାଙ୍କା ଷ୍ଟାଡିୟମରେ ଆମେ ଅଲିମ୍ପିକ୍ସ ଆୟୋଜନ କରିବାକୁ ଚାହୁଁନାହୁଁ। ଖାଲି ଷ୍ଟାଡିୟମକୁ ପ୍ରାଥମିକତା ଦିଆଯିବ ନାହିଁ। ତେବେ ଏହା ଏକ ବଡ଼ ବିକଳ୍ପ ବୋଲି ଆଇଓସି ଅଧ୍ୟକ୍ଷ ଥୋମାସ୍ ବାକ୍ କହିଛନ୍ତି। ସ୍ବାସ୍ଥ୍ୟ ଓ ନିରାପତ୍ତାକୁ ଦୃଷ୍ଟିରେ ରଖି ଅଲିମ୍ପିକ୍ସର ସମାଧାନ ପାଇଁ ଆମେ କାର୍ଯ୍ୟ କରୁଛୁ ବୋଲି ସେ କହିଛନ୍ତି।
