ପୃଥିବୀରେ ଏପରି କିଛି ସୁନ୍ଦର ସ୍ଥାନ ଅଛି, ଯାହା ସ୍ବର୍ଗଠାରୁ ବି କମ୍ ନୁହେଁ। ଏବେ ସେମିତି ଏକ ଭିଡିଓ ସାମ୍ନାକୁ ଆସିଛି। ଯାହା ରେଳ ମନ୍ତ୍ରଣାଳୟର ଅଫିସିଆଲ ଟୁଇଟର ହ୍ୟାଣ୍ଡେଲରେ ଶେୟାର କରାଯାଇଛି। ଯେଉଁଥିରେ ତୁଷାରପାତ ଉପତ୍ୟକା ଦେଇ ଯାଉଥିବା ଟ୍ରେନ୍ ସମସ୍ତଙ୍କ ହୃଦୟ ଜିତୁଛି।
A picturesque view of train pulling through the snow laden valley from Banihal to Badgam, Jammu & Kashmir. pic.twitter.com/Gs7mOX80cv
— Ministry of Railways (@RailMinIndia) January 5, 2023
ଭିଡିଓରେ ଏକ ବରଫରେ ଆଚ୍ଛାଦିତ ରେଳ ଲାଇନ୍ ଦେଇ ଯାଉଥିବା ଏକ ଟ୍ରେନ୍ ଦେଖିବାକୁ ମିଳିଛି। ଯାହା ଦେଖି ଆପଣଙ୍କ ହୃଦୟ ମଧ୍ୟ ଖୁସି ହୋଇଯିବ। ଦିନକୁ ଦିନ ଭିଡିଓଟି ଖୁବ୍ ଭାଇରାଲ ହେଉଛି।
ଆଜିକାଲି ଥଣ୍ଡା ପ୍ରବଳ ହେଉଛି। ଏଥି ସହିତ କଶ୍ମୀରର ସମତଳ ଅଞ୍ଚଳରେ ପାହାଡ଼ିଆ ଅଞ୍ଚଳରେ ତୁଷାରପାତ ଆରମ୍ଭ ହୋଇଛି। ଏଠାକୁ ପର୍ଯ୍ୟଟକମାନେ ବହୁ ସଂଖ୍ୟାରେ ଆସୁଛନ୍ତି। ବରଫରେ ଆଚ୍ଛାଦିତ ଏହି ସୁନ୍ଦର ଉପତ୍ୟକା ସମସ୍ତଙ୍କୁ ଆନନ୍ଦ ଦିଏ।
ଏହି ଭିଡିଓଟି ରେଳ ମନ୍ତ୍ରଣାଳୟର ଅଫିସିଆଲ ଟୁଇଟର ପେଜ୍ରେ ଶେୟାର କରାଯାଇଛି। ଭିଡିଓ ଶେୟାର କରି କ୍ୟାପଶନ ଲେଖାଅଛି, ‘ଜମ୍ମୁ-କଶ୍ମୀରର ବନିହାଲରୁ ବଡ଼ଗାମ ପର୍ଯ୍ୟନ୍ତ ବରଫାବୃତ୍ତ ଘାଟିରେ ଟ୍ରେନ୍ର ମନୋରମ ଦୃଶ୍ୟ’। ଏହି ୩୫ ସେକେଣ୍ଡର ଭିଡିଓ ଏପର୍ଯ୍ୟନ୍ତ ୧୪୦.୩K ଭ୍ୟୁ ପାଇଥିବାବେଳେ ୫ ହଜାରରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି। ଏକ ହଜାରରୁ ଅଧିକ ଲୋକ ଏହି ଭିଡିଓକୁ ରିଟୁଇଟ୍ କରିଛନ୍ତି। ୟୁଜରମାନେ ଏହା ଉପରେ ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି। ଅନେକ ୟୁଜର ଏହାକୁ ବହୁତ ସୁନ୍ଦର ବୋଲି କହିଛନ୍ତି।
