ନୂଆଦିଲ୍ଲୀ,୧।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କର୍ନାଟକ ବିଧାନସଭା ନିର୍ବାଚନର ପ୍ରାୟ ଏକ ମାସ ପୂର୍ବରୁ ଏପ୍ରିଲ ୯ ରେ କର୍ନାଟକ ଗସ୍ତ କରିବାର କାର୍ଯ୍ୟକ୍ରମ ରହିଛି। ଏହି ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦି ବାନ୍ଦିପୁର ଟାଇଗର ରିଜର୍ଭରେ ମଧ୍ୟ ଏକ ସଫାରି ଯାତ୍ରା କରିବେ। ଏକ ସୂତ୍ରରୁ ପ୍ରକାଶ ଯେ, ପ୍ରୋଜେକ୍ଟ ଟାଇଗରର ୫୦ବର୍ଷ ପୂର୍ତ୍ତି ଅବସରରେ ମୈଶୁର ଏବଂ ଚାମରାଜନଗର ଜିଲାରେ ତିନି ଦିନିଆ ମେଗା କାର୍ଯ୍ୟକ୍ରମକୁ ଉଦ୍ଘାଟନ କରିବେ ବୋଲି ଜଣାପଡିଛି।
ସୂଚାଯୋଗ୍ୟ, ମେ’୧୦ରେ କର୍ନାଟକରେ ବିଧାନସଭା ନିର୍ବାଚନ ଅନୁଷ୍ଠିତ ହେବ, ଯେଉଁଥିରେ ପ୍ରଧାନମନ୍ତ୍ରୀ ମୋଦି ଭାଜପା ନେତା ଓ କର୍ମୀଙ୍କ ସହ ଏକ ବୈଠକ କରିବେ। କର୍ନାଟକ ବିଧାନସଭା ନିର୍ବାଚନ ପାଇଁ ଭାଜପା ସମେତ ସମସ୍ତ ଦଳ ଜୋରଦାର ପ୍ରସ୍ତୁତି ଚଳାଇଛନ୍ତି। ମେ’ ୧୩ରେ ବିଧାନସଭା ନିର୍ବାଚନ ଫଳାଫଳ ଘୋଷଣା କରାଯିବ।
