କୋଲକାତା,୧୩।୯: ଲୋକସଭା ନିର୍ବାଚନ ୨୦୨୪ ପାଇଁ ଭାଜପା ସହଯୋଗୀ ଏନଡିଏ ଏବଂ ବିରୋଧୀ ଦଳ ‘ଇଣ୍ଡିଆ’ ମଧ୍ୟରେ ପ୍ରସ୍ତୁତି ଚାଲିଛି। ଏହି ସମୟରେ ‘ଇଣ୍ଡିଆ’ର ସମନ୍ବୟ କମିଟିର ପ୍ରଥମ ବୈଠକ ୧୩ ସେପ୍ଟେମ୍ବରରେ ଦିଲ୍ଲୀରେ ଅନୁଷ୍ଠିତ ହେଉଛି। ଏହି ବୈଠକର ଠିକ ପୂର୍ବରୁ ଶ୍ରୀଲଙ୍କା ରାଷ୍ଟ୍ରପତି ରାନିଲ ୱିକ୍ରମସିଂହ ଏବଂ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଦୁବାଇ ବିମାନବନ୍ଦରରେ ଭେଟ ହୋଇଥିଲା। ଏହି ଭେଟ ସମୟରେ ମମତା ବାନାର୍ଜୀ ଶ୍ରୀଲଙ୍କା ରାଷ୍ଟ୍ରପତି ମମତା ବାନାର୍ଜୀଙ୍କୁ ଯାହା ପଚାରିଥିଲେ ତାହା ସେ ବିଶ୍ୱାସ କରିପାରି ନ ଥିଲେ।
ୱିକ୍ରମସିଂହ ମମତା ବାନାର୍ଜୀଙ୍କୁ ପଚାରିଥିଲେ, ସେ ୨୦୨୪ ନିର୍ବାଚନରେ ‘ଇଣ୍ଡିଆ’ ମିଳିତ ମେଣ୍ଟର ନେତୃତ୍ୱ ନେବେ କି? ଏହି ପ୍ରଶ୍ନ ଶୁଣି ମମତା ବାନାର୍ଜୀ ଆଶ୍ଚର୍ଯ୍ୟ ହୋଇ ହସିଲେ ଏବଂ କହିଲେ – ଓଏମ୍ଜି! ଯଦି ଲୋକମାନେ ଚାହାଁନ୍ତି, ଆମେ ନିଶ୍ଚିତ ଭାବରେ କ୍ଷମତାକୁ ଆସିବୁ। କିଏ ଏହାର ନେତୃତ୍ୱ ନେବ,ତାହା ବିରୋଧୀଙ୍କ ନେତୃତ୍ୱ ଉପରେ ନିର୍ଭର କରିବ। ଏହି ବାର୍ତ୍ତାଳାପର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓରେ ଏହି ପ୍ରଶ୍ନ ପରେ ଉଭୟ ହସୁଥିବା ନଜର ଆସିଛନ୍ତି।
