ଅନ୍ତର୍ଜାତୀୟ ବ୍ରାଣ୍ଡ୍‌ର ଚାହିଦା ବଢ଼ୁଛି

ଜାତୀୟ ତଥା ଅନ୍ତର୍ଜାତୀୟ ବ୍ରାଣ୍ଡ୍‌ଗୁଡ଼ିକର ଆଦର ଆମ ରାଜ୍ୟରେ ବଢ଼ିଚାଲିଛି। ଗ୍ରାହକମାନେ ନିଜ ରୁଚିର ପୋଷାକ ବାଛିବାରେ ମନ ବଳାଉଛନ୍ତି। ଏହି ପରିପ୍ରେକ୍ଷୀରେ ବିଭିନ୍ନ ସହରରେ ସ୍ବତନ୍ତ୍ର ବ୍ରାଣ୍ଡେଡ୍‌ ଶୋ’ରୁମ୍‌ ପ୍ରତିଷ୍ଠା କରିଥିବା ରିଦ୍ଧିସିଦ୍ଧିର ନିର୍ଦ୍ଦେଶକ ଅମିତ୍‌ ଅଗରଓ୍ବାଲ୍‌ ସାମ୍ପ୍ରତିକ ବ୍ରାଣ୍ଡ୍‌ ବ୍ୟବସାୟକୁ ନେଇ ଧରିତ୍ରୀ ସହ ସାକ୍ଷାତ୍‌କାର ବେଳେ ଅନେକ କଥା ଶେୟାର କରିଛନ୍ତି।

ବ୍ୟବସାୟିକ ଜୀବନ କିପରି ଆରମ୍ଭ ହୋଇଥିଲା?
ମୋ ବାପା ବିଜୟ କୁମାର ଅଗ୍ରଓ୍ବାଲ୍‌ଙ୍କର କଟକ ମାଲ୍‌ଗୋଦାମରେ ଖାଇବା ତେଲ ଓ ଚିନି ବ୍ୟବସାୟ ରହିଛି। ମୁଁ କଲେଜ ପାଠ ପଢ଼ିବା ସହିତ ତାଙ୍କୁ ବ୍ୟବସାୟରେ ସହଯୋଗ କରୁଥିଲି। ବି.କମ୍‌ ପାସ୍‌ ପରେ ନିଜସ୍ବ ଷ୍ଟେଶନାରି ସରଞ୍ଜାମ ବିଭିନ୍ନ ସରକାରୀ ବିଭାଗକୁ ଯୋଗାଉଥିଲି। ପରେ ଏଫ୍‌ଏମ୍‌ସିଜି ବିତରକ ଭାବେ ବ୍ୟବସାୟ ଆରମ୍ଭ କରିଥିଲି। ମାତ୍ର ମହାବାତ୍ୟାରେ ଗୋଦାମ ଘରେ ପାଣି ପଶିଯିବାରୁ ବହୁ କ୍ଷତି ସହିବାକୁ ପଡ଼ିଥିଲା। ଏହାପରେ ଭିଡିଓକନ୍‌ କମ୍ପାନୀର ଏକ ଶୋ’ରୁମ୍‌ ଖୋଲିବା ସୁଯୋଗ ମିଳିଲା।
ଇଲେକ୍ଟ୍ରୋନିକ୍‌ ଛାଡ଼ି ପୋଷାକପତ୍ର ବ୍ୟବସାୟ କାହିଁକି ଆପଣେଇଲେ?
୨୦୦୦ ମସିହାରେ ପ୍ରଥମେ ଭିଡିଓକନ୍‌ର ଏକ ସ୍ବତନ୍ତ୍ର ଶୋ’ରୁମ୍‌ ରାଣୀହାଟଠାରେ ଖୋଲିଥିଲି। ବ୍ୟବସାୟ ଠିକ୍‌ଠାକ୍‌ ଥିଲା କିନ୍ତୁ, ପରବର୍ତ୍ତୀ ସମୟରେ କମ୍ପାନୀ ନୀତିରେ ପରିବର୍ତ୍ତନ ହୋଇ ଶୋ’ରୁମ୍‌ଗୁଡ଼ିକ ବନ୍ଦ ହୋଇଗଲା। ପରେ ମୁଁ ଏହାକୁୁ ମଲ୍ଟିବ୍ରାଣ୍ଡ୍‌ ଶୋ’ରୁମ୍‌ରେ ପରିବର୍ତ୍ତନ କଲି। ପ୍ରତିଯୋଗିତାମୂଳକ ବଜାରରେ ପ୍ରାଇସ୍‌ ଅଣ୍ଡର୍‌କଟିଂ କରି ବିକ୍ରି ହେବାରୁ ମୁଁ ଅତିଷ୍ଠ ହୋଇ ଏହି ବିଜ୍‌ନେସକୁ ବନ୍ଦ କରିବାକୁ ମନସ୍ଥ କଲି ଏବଂ ପୋଷାକପତ୍ର ବ୍ୟବସାୟ ପ୍ରତି ମନ ବଳାଇଲି।
ବ୍ରାଣ୍ଡେଡ୍‌ ପୋଷାକର ବ୍ୟବସାୟ ଯାତ୍ରା କିପରି ଅଛି?
୨୦୦୫ ମସିହାରେ ପିଲାମାନଙ୍କ ପୋଷାକପତ୍ର ଖୁଚୁରା ଦୋକାନ ‘ପ୍ଲାନେଟ୍‌ କିଡ୍ସ’ କଟକ ମାତାମଠରେ ଆରମ୍ଭ କଲି। ଏହି ସମୟରେ ଦେଶର ବଡ଼ବଡ଼ ସହରଗୁଡ଼ିକରେ ବୁଲିବା ବେଳେ ଓଡ଼ିଶାରେ ବ୍ରାଣ୍ଡେଡ୍‌ ଖୁଚୁରା ଶୋ’ରୁମ୍‌ ପ୍ରତିଷ୍ଠା କରିବାର ଆଇଡିଆ ଆସିଥିଲା। କମ୍ପାନୀଗୁଡ଼ିକ ସହିତ ଯୋଗାଯୋଗ ପରେ ବ୍ଲାକ୍‌ବେରି, ଲିଭାଇସ୍‌, ଆଡିଡାସ୍‌ ପରି ପ୍ରତିଷ୍ଠିତ କମ୍ପାନୀର ଫ୍ରାଞ୍ଚାଇଜ୍‌ ମିଳିଲା। ଗ୍ରାହକଙ୍କ ଚାହିଦା ଓ ଆଗ୍ରହକୁ ଦେଖି ବିବା, ଟର୍‌ଟଲ୍‌, ମଣ୍ଟେକାର୍ଲୋ, ଟୁଇଲ୍‌ସ, ରେମଣ୍ଡ୍‌ସ, ଆରୋ, ଲିନେନ୍‌ କ୍ଲବ୍‌, ମାନ୍ୟବର, ପୁମା ୟୁସିବି ଆଦି ବ୍ରାଣ୍ଡ୍‌କୁ ନେଇ ଅନେକ ଶୋ’ରୁମ୍‌ କରିବାର ଯୋଜନା ସଫଳ ହେଲା। ଏଥିସହିତ ଭୁବନେଶ୍ୱର, ଅନୁଗୋଳ, ଢେଙ୍କାନାଳ, ଯାଜପୁର, ସମ୍ବଲପୁର ଆଦି ସହରରେ ଏକାଧିକ ଶୋ’ରୁମ୍‌ ପ୍ରତିଷ୍ଠା କରି ଲୋକଙ୍କୁ ସେବା ଯୋଗାଉଛି।
ବ୍ୟବସାୟରେ ଥିବା ଅସୁବିଧାର ସମାଧାନ କିପରି କରୁଛନ୍ତି?
ଅନ୍‌ଲାଇନ୍‌ରେ ପୋଷାକ ଆଦି ବ୍ୟବସାୟ ଆମ ପାଇଁ ଏକ ଆହ୍ବାନ ସୃଷ୍ଟି କରିଛି। ଡେଡ୍‌ ଷ୍ଟକ୍‌ ରିହାତି ଏହି ସମସ୍ୟାକୁ ବଢ଼ାଇ ଦେଉଛି। ଆମେ ଗ୍ରାହକମାନଙ୍କ ପାଇଁ ପ୍ରତ୍ୟକ୍ଷ ଭାବରେ କପଡ଼ା, ଡିଜାଇନ୍‌, ରଙ୍ଗ ଆଦିର ଅନୁଭବ ପ୍ରଦାନ କରିଥାଉ। ଏହାଛଡ଼ା କମ୍ପାନୀର ସଦ୍ୟ ପ୍ରସ୍ତୁତ ସାମଗ୍ରୀଗୁଡ଼ିକ ଋତୁ ଅନୁଯାୟୀ ଶୋ’ରୁମ୍‌ରେ ଉପଲବ୍ଧ କରାଇଥାଉ। ଏହାଛଡ଼ା ପର୍ବପର୍ବାଣି, ବାହାଘର ଆଦି ବିଭିନ୍ନ ଉତ୍ସବ ସମୟରେ ଅଫର ଯୋଜନା କାର୍ଯ୍ୟକାରୀ କରିଥାଉ। ବର୍ଷରେ ଦୁଇଥର ଷ୍ଟକ୍‌ କ୍ଲିୟରାନ୍ସ ସେଲ୍ସ ଯୋଜନା କରିଥାଉ।
ଆଗାମୀ ଦିନ ପାଇଁ କି ଯୋଜନା ରହିଛି?
ଆଗକୁ ଜାତୀୟ ଓ ଅନ୍ତର୍ଜାତୀୟ ବ୍ରାଣ୍ଡ୍‌ଗୁଡ଼ିକ ସହ ଅଧିକ ଜଡ଼ିତ ହେବୁ। ଓଡ଼ିଶାର ଆହୁରି ଅନେକ ସହରରେ ଆମ ବ୍ୟବସାୟ ବଢ଼ାଇବାକୁ ପ୍ରୟାସ କରିବୁ। ଏଥିସହିତ ମହିଳା ଓ ପିଲାମାନଙ୍କ ପୋଷାକର ସ୍ବତନ୍ତ୍ର ଶୋ’ରୁମ୍‌ ଖୋଲିବା ଯୋଜନା ମଧ୍ୟ ରହିଛି।
ମାନ୍ଦାବସ୍ଥା ଓ କୋଭିଡ୍‌ ଭଳି ସ୍ଥିତିର ମୁକାବିଲା କିଭଳି କରିଥିଲେ?
ମାନ୍ଦାବସ୍ଥାରେ ବ୍ୟବସାୟ କମିଗଲା। ସେଥିରୁ ଉଦ୍ଧାର ପାଇଁ ଭିନ୍ନ ଭିନ୍ନ ରିହାତି ଅଫର୍‌ ଦେଇ ବ୍ୟବସାୟ ଚଳାଇଥିଲୁ। ମାତ୍ର କୋଭିଡ୍‌ ସମୟରେ ଲକ୍‌ଡାଉନ୍‌, ଶଟ୍‌ଡାଉନ୍‌ ଓ ସାମାଜିକ ଉତ୍ସବ ଉପରେ କଟକଣା ଯୋଗୁ ବ୍ୟବସାୟ ସମ୍ପୂର୍ଣ୍ଣ ଠପ୍‌ ହୋଇଯାଇଥିଲା। ପରେ ସମସ୍ତଙ୍କ ସହଯୋଗ ପାଇ ଆଗକୁ ବଢ଼ିଲି। ଆର୍ଥିକ ସ୍ଥିତିରେ ସୁଧାର ଆଣିବା ପାଇଁ ବ୍ୟାଙ୍କ୍‌, କମ୍ପାନୀ ଓ କର୍ମଚାରୀଙ୍କ ଅକୁଣ୍ଠ ସହଯୋଗ ମନୋବଳ ବଢ଼ାଇ ଦେଇଥିଲା।
ବ୍ରାଣ୍ଡେଡ୍‌ ଶୋ’ରୁମ୍‌ରେ କାରବାର କିଭଳି ଚାଲିଛି?
ଆମ ରାଜ୍ୟରେ ବ୍ରାଣ୍ଡ୍‌ ସଚେତନତା କ୍ରମଶଃ ବଢ଼ୁଛି। ଗ୍ରାହକମାନେ ବହୁ ସଂଖ୍ୟାରେ ସ୍ବତନ୍ତ୍ର ଶୋ’ରୁମ୍‌କୁ ଆସିଗଲେଣି। କୋଭିଡ୍‌ ଯୋଗୁ ବଡ଼ ସହରରେ ରହି କାମ କରୁଥିବା ଲୋକେ ଘରକୁ ଫେରିଲେ। ସେମାନଙ୍କ ଚାହିଦା ପୂରଣ କରିବାକୁ ଆମ ଶୋ’ରୁମ୍‌ ସମର୍ଥ ହେଲା। ଏପରି କି ସହର ନିକଟବର୍ତ୍ତୀ ଅଞ୍ଚଳରୁ ମଧ୍ୟ ଗ୍ରାହକମାନେ ଆସୁଛନ୍ତି।
ବର୍ତ୍ତମାନ ସ୍ଥିତିରେ ବହୁ ମଲ୍‌ ଖୋଲିଗଲାଣି। ଖୁଚୁରା ଶୋ’ରୁମ୍‌କୁ ଏହା କ୍ଷତି ପହଞ୍ଚାଇବ କି?
ସ୍ବତନ୍ତ୍ର ଶୋ’ରୁମ୍‌ଗୁଡ଼ିକରେ କମ୍ପାନୀ ଉତ୍ପାଦିତ ସମସ୍ତ ଉତ୍ପାଦ ଉପଲବ୍ଧ ହୋଇଥାଏ। ଗ୍ରାହକମାନଙ୍କୁ ସଦ୍ୟ ପ୍ରସ୍ତୁତ ନୂଆ ଡିଜାଇନ୍‌ ଆକର୍ଷିତ କରିଥାଏ। ପ୍ରାୟତଃ ଯୁବଗୋଷ୍ଠୀ ବ୍ରାଣ୍ଡେଡ୍‌ ଖୁଚୁରା ଷ୍ଟୋର୍‌ରୁ କ୍ରୟ କରିଥାଆନ୍ତି। ତେଣୁ କେତେକ ଡିସ୍‌କାଉଣ୍ଟରେ ରୁଚି ରଖୁଥିବା ଗ୍ରାହକଙ୍କୁ ଛାଡ଼ିଦେଲେ ଗୁଣବତ୍ତା ଦେଖୁଥିବା ଗ୍ରାହକମାନେ ବ୍ୟବସାୟ ଅବ୍ୟାହତ ରଖିବେ।


Enter your email to get our daily news in your inbox.

All Right Reserved By Dharitri.Com

ବିଏମ୍‌ସି କମିଶନରଙ୍କ ଗିରଫ ଦାବି ତେଜିଲା

ଭୁବନେଶ୍ୱର, ୨୧।୯ (ବ୍ୟୁରୋ):ସ୍ମାର୍ଟସିଟିର ମୁକୁଳା ଡ୍ରେନ୍‌ରେ ଭାସିଯାଇ ଦଶମ ଶ୍ରେଣୀର ଛାତ୍ର ଜ୍ୟୋତିପ୍ରକାଶ ବେହେରାଙ୍କ ମୃତ୍ୟୁ ପାଇଁ ଭୁବନେଶ୍ୱର ମହାନଗର ନିଗମ (ବିଏମ୍‌ସି)କୁ ଦାୟୀ କରିଛି...

ହୀରାକୁଦରେ ହେବ ନୂତନ ସ୍ପିଲଓ୍ବେ

ଭୁବନେଶ୍ୱର,୨୫।୧୧(ବ୍ୟୁରୋ): ହୀରାକୁଦ ବନ୍ଧର ଦୀର୍ଘ ମିଆଦୀ ନିରାପତ୍ତା ପାଇଁ ରାଜ୍ୟ ସରକାର ସ୍ପିଲଓ୍ବେ ନିର୍ମାଣ କରୁଛନ୍ତି। ସମାନଭାବେ ଆଉ ଏକ ସ୍ପିଲଓ୍ବେ ନିର୍ମାଣ କାର୍ଯ୍ୟ ତ୍ୱରାନ୍ବିତ...

ପର୍ଯ୍ୟଟକଙ୍କ ପାଇଁ ଖୋଲିଲା ଶିମିଳିପାଳ

ବାରିପଦା ଅଫିସ,୧ା୧୧: ସୋମବାରଠାରୁ ପର୍ଯ୍ୟଟକଙ୍କ ପାଇଁ ଖୋଲିଛି ଶିମିଳିପାଳ ଅଭୟାରଣ୍ୟ। ପର୍ଯ୍ୟଟକମାନେ ସକାଳ ୬ରୁ ୯ଟା ମଧ୍ୟରେ ନିଜ ଗାଡ଼ି ଏବଂ ନାଁ ଠିକଣା ଗେଟ୍‌ରେ...

ପାଣିଘେରରେ ବସ୍ତା ଥାନା,କୋର୍ଟ

ରୂପ୍‌ସା/ବସ୍ତା,୨୩ା୯(ଡି.ଏନ.ଏ.):  ଲଗାଣ ବର୍ଷା ଯୋଗୁ ବାଲେଶ୍ୱର ଜିଲା ଜଳକା ନଦୀରେ ବନ୍ୟା ସ୍ଥିତି ଗମ୍ଭୀର ହୋଇପଡ଼ିଛି। ବସ୍ତା ବ୍ଲକର ୧୩ ଓ ସଦର ବ୍ଲକର ୨ଟି...

ନନ୍ଦନକାନନକୁ ଆସିଲା ଉଦ୍ଧାର ବଜ୍ରକାପ୍ତା

ବାରଙ୍ଗ,୩୧ା୮(ଡି.ଏନ୍‌.ଏ.): ପ୍ରାଣୀ ଉଦ୍ୟାନ ନନ୍ଦନକାନନକୁ ଶୁକ୍ରବାର ଏକ ଉଦ୍ଧାର ହୋଇଥିବା ବଜ୍ରକାପ୍ତା ଆସିଛି। ଆଠଗଡ଼ ବଡମ୍ବା ରେଞ୍ଜ ତାଳଚନ୍ଦ୍ରଗିରି ଜଙ୍ଗଲରୁ ଖାରୋଡ ଗ୍ରାମକୁ ୩ବର୍ଷର ମାଈ...

ତୃଷାର୍ତ୍ତ ପକ୍ଷୀଙ୍କ ସେବାରେ କିନ୍ନର ଚିନ୍ମୟୀ

ଛେଣ୍ଡିପଦା, ୪।୪(ସ୍ବ.ପ୍ର.)- ଆତଙ୍କର ଅନ୍ୟନାମ ପାଲଟିଛି କରୋନା। ସଂକ୍ରମଣରୁ ରକ୍ଷା ପାଇବା ପାଇଁ ସାରା ଦେଶ ଏବେ ଲକଡ଼ାଉନରେ। ଏହାପରେ ଅସ୍ୱାଭାବିକ ହୋଇପଡିଛି ଜୀବନଯାତ୍ରା। ଗରିବ,...

ଅପରେଶନ ବେଳେ ଛତ୍ରଭଙ୍ଗ ଦେଲେ ମାଓବାଦୀ: ବିପୁଳ ପରିମାଣର ସାମଗ୍ରୀ ଜବତ

ଫୁଲବାଣୀ ଅଫିସ, ୧୯।: କିଛି ଦିନର ନୀରବତା ପରେ କନ୍ଧମାଳ ଜିଲାରେ ପୁଣି ମାଓବାଦୀ ସକ୍ରିୟ ହୋଇଛନ୍ତି। କୋମ୍ବିଂ ଅପରେଶନ୍‌ ବେଳେ ବାଲିଗୁଡ଼ା ଥାନା ସୁଡ୍ରା...

ପାର୍ବଣରେ ବଢିବ ଗାଡି ବିକ୍ରି

ନୂଆଦିଲ୍ଲୀ,୯।୮: ଚଳିତ ବର୍ଷର ପାର୍ବଣକୁ ଆଖି ଆଗରେ ରଖି ଦେଶର ପ୍ରମୁଖ ଅଟୋମୋବାଇଲ୍ସ କମ୍ପାନୀଗୁଡିକ ସେମାନଙ୍କର ନୂଆ ନୂଆ ମଡେଲ୍‌ର ଉନ୍ମୋଚନ କରାଉଛନ୍ତି। ଫଳରେ ଆଗାମୀ...

Advertisement
Archives

Model This Week