ଭୁବନେଶ୍ୱର,୩୦।୧(ବ୍ୟୁରୋ):ରାଜ୍ୟ ସରକାରଙ୍କ ସ୍ବାସ୍ଥ୍ୟ ମନ୍ତ୍ରୀ ତଥା ଝାରସୁଗୁଡା ବିଧାୟକ ନବ କିଶୋର ଦାସଙ୍କୁ ଜଣେ ପୋଲିସ କର୍ମଚାରୀ ସର୍ଭିସ ବନ୍ଧୁକରେ ଗୁଳି କରି ସର୍ବସମ୍ମୁଖରେ ହତ୍ୟା କରିଛନ୍ତି। ଏହା ଦୁଃଖଦ ଘଟଣା। ଏହି ଘଟଣାରେ ବ୍ୟକ୍ତିଗତ ଭାବେ ଶୋକବ୍ୟକ୍ତ କରିବା ସହ ପରିବାରକୁ ସମବେଦନା ଜଣାଉଛି। ଅନ୍ୟପକ୍ଷେ ରାଜ୍ୟ ସରକାର ନିଜ ମନ୍ତ୍ରୀଙ୍କୁ ସୁରକ୍ଷା ଦେଇ ପାରୁ ନ ଥିବାବେଳେ ଜନସାଧାରଣଙ୍କୁ କିଭଳି ସୁରକ୍ଷା ଦେବେ। ଜଣେ ପୋଲିସ କର୍ମଚାରୀଙ୍କୁ ନିୟୋଜିତ କରି ଯୋଜନା ବଦ୍ଧ ଭାବେ ମନ୍ତ୍ରୀଙ୍କୁ ହତ୍ୟା କରାଯାଇଛି। ଏବେ ଗୁଳି କରିଥିବା ପୋଲିସକୁ ପାଗଳ କହିବା ଓ ପ୍ରମାଣ କରିବାରେ ସମସ୍ତେ ପୂରାଦମ୍ରେ ଲାଗିପଡ଼ିଛନ୍ତି। ଯଦି ପୋଲିସ ପୂର୍ବରୁ ପାଗଳ ଥାଇ ମେଡିସିନ ଖାଉଥିଲେ ତାହା ହେଲେ ତାଙ୍କୁ ସର୍ଭିସ ବନ୍ଧୁକ ଦେଲା କିଏ। କିଭଳି ଭାବେ କାମ କରିବାକୁ ତାଙ୍କୁ ଅନୁମତି ଦିଆଯାଇଥିଲା। ପୋଲିସକୁ ପାଗଳ କହି ଯୋଜନାବଦ୍ଧ ଷଡଯନ୍ତ୍ର କରି ହତ୍ୟାକୁ ସରକାର ଚପାଇ ଦେବାକୁ ଉଦ୍ୟମ କରୁଛନ୍ତି। ଏଥିରେ ବଡ ବଡ ମୁଣ୍ଡଙ୍କ ସମ୍ପୃକ୍ତି ରହିଛି। ମୁଖ୍ୟମନ୍ତ୍ରୀ କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଇଛନ୍ତି। ଯାହା ରାଜ୍ୟ ସରକାର ଅଧୀନରେ କାମ କରେ। ଯେଉଁ ଅଧିକାରୀଙ୍କୁ ତଦନ୍ତ ଦାୟିତ୍ୱ ଦିଆଯାଇଛି ସେ ବିଜେଡି କର୍ମୀମାନଙ୍କ ଭଳି କାମ କରନ୍ତି। ପୂର୍ବରୁ ଅନେକ ଉଦାହରଣ ରହିଛି। ଏହି ଘଟଣାର ସିବିଆଇ ତଦନ୍ତ କରାଯାଉ। ନିଶ୍ଚିତ ଭାବେ ସବୁ ସତ୍ୟାସତ୍ୟ ସାମ୍ନାକୁ ଆସିଯିବ ଏବଂ ବଡ ମୁଣ୍ଡ ଗିରଫ ହେବେ।
– ଜୟନାରାୟଣ ମିଶ୍ର, ବିରୋଧୀ ଦଳ ନେତା ତଥା ସମ୍ବଲପୁର ବିଧାୟକ
