ଆଜିକାଲି ସୋସିଆଲ ମିଡିଆ ଜରିଆରେ ଅନେକ ଲୋକ ରାତାରାତି ଷ୍ଟାର ପାଲଟିବା ନଜିର ରହିଛି। ରାନୁ ମଣ୍ଡଳ, ଡ୍ୟାନ୍ସ ଓ୍ବାଲେ ଡବୁ ଅଙ୍କଲ କିମ୍ବା ସହଦେବ ଡିରଡୋ ଭଳି କଳାକାର ସୋସିଆଲ ମିଡିଆ ମାଧ୍ୟମରେ ପରିଚୟ ପାଇଛନ୍ତି। ନିକଟରେ ସେମିତି ଏକ ଗୀତ ‘କଚ୍ଚା ବାଦାମ୍’କୁ ଚର୍ଚ୍ଚା ହେଉଛି। ଏହି ଗୀତ ଗାଇଥିବା ଗାୟକ ଭୁବନ ବାଦ୍ୟକର ମଧ୍ୟ ବହୁତ ଲୋକପ୍ରିୟ ହେବାରେ ଲାଗିଛନ୍ତି।
ବଙ୍ଗାଳୀ ଭାଷାରେ, କଚ୍ଚା ବାଦାମ୍ର ଅର୍ଥ କଞ୍ଚା ବାଦାମ୍। ଭୁବନ ତାଙ୍କ ବାଦାମ୍ ବିକ୍ରୟ ପାଇଁ ଗୀତ ଗାଇ ଗ୍ରାହକଙ୍କ ଦୃଷ୍ଟି ଆକର୍ଷଣ କରନ୍ତି। ଲୋକମାନେ ତାଙ୍କ ଶୈଳୀକୁ ପସନ୍ଦ କରିଛନ୍ତି। ତାଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।
ପଶ୍ଚିମବଙ୍ଗର ବାଦାମ ବିକ୍ରେତା ଭୁବନ ନିଜେ ‘କଚ୍ଚା ବାଦାମ୍’ ଗୀତ ରଚନା କରିଥିଲେ। ଭୁବନ ବୀରଭୂମ ଜଲାର ଦୁବରାଜପୁର ବ୍ଲକ ଅନ୍ତର୍ଗତ କୁରାଲଜୁରୀ ଗାଁର ବାସିନ୍ଦା। ତାଙ୍କ ପରିବାରରେ ସ୍ତ୍ରୀ, ୨ ପୁଅ ଏବଂ ଗୋଟିଏ ଝିଅ ସମେତ ମୋଟ ୫ ଜଣ ସଦସ୍ୟ ଅଛନ୍ତି। ବିଶେଷ କଥା ହେଉଛି ଭୁବନ ପାଉଁଜି, ଭଙ୍ଗା ମୋବାଇଲ୍, ଘରର ଅନ୍ୟ ଭଙ୍ଗା ଜିନିଷ ବଦଳରେ ବାଦାମ ଦିଅନ୍ତି। ସେ ପ୍ରତିଦିନ ୩-୪ କିଲୋଗ୍ରାମ ବାଦାମ ବିକ୍ରି କରି ୨୦୦-୨୫୦ ଟଙ୍କା ପର୍ଯ୍ୟନ୍ତ ରୋଜଗାର କରନ୍ତି ।କିନ୍ତୁ ଏବେ ତାଙ୍କ ଗୀତ ଭାଇରାଲ ହେବା ପରେ ତାଙ୍କର ବିକ୍ରି ବୃଦ୍ଧି ପାଇଛି।
ଭୁବନର ସ୍ବରକୁ ନେଇ ସାରା ଦେଶ ର୍ଚ୍ଚା ହେଉଛି। ତାଙ୍କ ଗୀତରେ ବିଶ୍ୱର ବିଭିନ୍ନ ସ୍ଥାନରୁ ଲୋକମାନେ ରିଲ ତିଆରି କରୁଛନ୍ତି। କିନ୍ତୁ ଭୁବନଙ୍କର ଆର୍ଥିକ ଅବସ୍ଥା ଭଲ ନୁହେଁ। ସେ ଏକ ସାକ୍ଷାତକାରରେ କହିଛନ୍ତି, ମୁଁ ଚାହୁଁଛି ଲୋକମାନେ ମୋ ଗୀତ ପସନ୍ଦ କରୁଛନ୍ତି। ମୋ ପରିବାର ବଞ୍ଚିବା ପାଇଁ ସରକାର କିଛି ସ୍ଥାୟୀ ବ୍ୟବସ୍ଥା କରିବା ଉଚିତ୍। ମୁଁ ମୋ ପରିବାର ସଦସ୍ୟଙ୍କୁ ଭଲ ଖାଦ୍ୟ ଏବଂ ସୁନ୍ଦର ପୋଷାକର ବ୍ୟବସ୍ଥା କରିବାକୁ ଚାହୁଁଛି। ସରକାର ତାଙ୍କୁ ସାହାଯ୍ୟ କରିବେ ବୋଲି ସେ ଆଶାବାଦୀ ଅଛନ୍ତି।
