ନୂଆପଡ଼ା,୯।୭(ମକାରୁ ବେମାଲ)ନୂଆପଡା ଜିଲା କୋମନା ବ୍ଲକ ଅନ୍ତର୍ଗତ ଜଟଗଡ ପଞ୍ଚାୟତ ଗଡଗଡବାହାଲି ଗାଁରେ ଥିବା ଅଙ୍ଗନୱାଡି କେନ୍ଦ୍ର ବିପଦସଙ୍କୁଳ ଅବସ୍ଥାରେ ରହିଛି। ଏହି ଭଙ୍ଗା ଦଦରା କେନ୍ଦ୍ରରେ ପାଠ ପଢୁଛନ୍ତି କୋମଳମତି ଶିଶୁମାନେ। ଅଙ୍ଗନୱାଡି କେନ୍ଦ୍ର ନିର୍ମାଣ ହେବାର ଆଜକୁ ପ୍ରାୟ ୪୦ ବର୍ଷ ହେବ। ଏହି କେନ୍ଦ୍ର ଉପରେ ୩୪ଜଣ କୁନି ଶିଶୁମାନେ ଅଧ୍ୟୟନ କରୁଥିବା ବେଳେ ୨ଜଣ ପ୍ରସ୍ତୁତି, ୫ଜଣ ଗର୍ଭବତୀ ଓ ୫୭ଜଣ କିଶୋରୀ ନର୍ଭର କରିଥାନ୍ତ। ଅଙ୍ଗନୱାଡି କେନ୍ଦ୍ରର ଛାତରୁ ବର୍ଷା ଦିନରେ ପାଣି ଗଳୁଛି। ଛାତରୁ ସିମେଣ୍ଟ ଅତଡା ଖସୁଛି। ଛାତର ସିମେଣ୍ଟ ଖସି ରଡ ସବୁ ବାହାରି ଗଲାଣି। ଛାତ ମଧ୍ୟ ପଡିବା ଉପରେ ହୋଇ ଗଲାଣି। ଅନ୍ୟ କୌଣସି ସୁବିଧା ନ ଥିବାରୁ ବାଧ୍ୟ ହୋଇ ବିପଦସଙ୍କୁଳ ଅବସ୍ଥାରେ କୋମଳମତି ଶିଶୁମାନଙ୍କ ଭବିଷ୍ୟତ ଗଢା ଚାଲିଛି। କେତେବେଳେ କ’ଣ ହୋଇଯିବ ସ୍ବୟଂ ଭଗବାନ ମଧ୍ୟ ଜାଣି ପାରିବେ ନାହିଁ। ରୋଷେଇ ଘର ନ ଥିବାରୁ ବାଣ୍ଡାରେ ରନ୍ଧା ଚାଲିଛି। ଶିକ୍ଷାଦାନ ପାଖରେ ରୋଷେଇ କରାଯାଉଥିବାରୁ କେନ୍ଦ୍ର ସବୁବେଳେ ଧୂଆଁମୟ ହୋଇ ଥାଏ। ଧୂଆଁ ଯୋଗୁ ଶିଶୁମାନଙ୍କୁ ଚକ୍ଷୁ ରୋଗ ହେବାର ସମ୍ଭାବନା ରହିଛି। ମୁଖ୍ୟ ରାସ୍ତାକୁ ଲାଗି କେନ୍ଦ୍ର ରହିଛି। ପାଚେରି ନ ଥିବାରୁ ସମୟ ସମୟେ ଛୋଟ ଛୋଟ ଦୁର୍ଘଟଣା ଘଟି ଯାଉଛ। ଅଙ୍ଗନୱାଡି କେନ୍ଦ୍ର କେତେ ବେଳେ ଭାଙ୍ଗି ଯାଇ ପରେ ବୋଲି ଆମେ ଭୟ କରି ଆମ ଛୁଆକୁ ଛାଡୁନାହୁଁ। ୩୪ ପିଲାରୁ କାଁ ଭଁା ୧୦ଟା ଭିତରେ ପିଲା କେନ୍ଦ୍ରକୁ ଆସୁଛନ୍ତି। ନୂତନ ଅଙ୍ଗନୱାଡି କେନ୍ଦ୍ର ନିର୍ମାଣ ହେଲେ ୩୪ ପିଲା କ’ଣ ୫୦ ପିଲା ହୋଇଯିବେ। ଲୋକେ ଭୟରେ ପିଲାକୁ ଛାଡୁ ନାହାନ୍ତି ବୋଲି ଗ୍ରାମର ହେମଲାଲ ରଣା କହିଛନ୍ତ। ଏ ବିଷୟରେ ସ୍ଥାନୀୟ ସରପଞ୍ଚ, ସୁପରଭାଇଜର, ସିଡିପିଓ, ବିଡିଓଙ୍କୁ ଅନେକ ଥର ଗ୍ରାମବାସୀ ଲିଖିତ ଭାବେ ଜଣାଇଥିଲେ ମଧ୍ୟ କୌଣସି ସୁଫଳ ମିଳୁ ନାହିଁ। ଏ ସଂକ୍ରାନ୍ତରେ ଜିଲା ସାମାଜିକ ମଙ୍ଗଳ ଅଧିକାରୀ ମନ କୁମାରୀ ଲମ୍ବୁଙ୍କୁ ପଚାରିବାରୁ ବର୍ଷା ଦିନ ଆସିବା ପୂର୍ବରୁ ବିପଦସଙ୍କୁଳ ଅବସ୍ଥାରେ ଥିବା କେନ୍ଦ୍ରକୁ ଛାଡି ଦିଅ। ଘର ଭଡା ନେଇ ପିଲାମାନଙ୍କୁ ରଖନ୍ତୁ ବୋଲି ସମସ୍ତ ସିଡିପିଓମାନଙ୍କୁ ନିର୍ଦ୍ଦେଶ ଦେଇଛୁ ବୋଲି କହିଥିଲେ। ଗ୍ରାମବାସୀ ଅନେକ ଥର ଅଭିଯୋଗ ପରେ ମଧ୍ୟ କେହି ଶୁଣୁନାହାନ୍ତ। ସବୁ ପିଲାଙ୍କୁ ପଢିଯିବା ବନ୍ଦ କରି ମା’ମାନେ ଯାଇ ରାସ୍ତା ଉପରେ ବସିବୁ ବୋଲି ୱାର୍ଡ ସଭ୍ୟା ଯୋଗେସିନି ରଣା, ବନିତା ଶବର, ରେମତି ରଣା, ଭୂମିସୁତା ରଣା, କୁମୁଦିନି ଶବର, ଉତ୍ରା ଅହିର, ଜାନକି ମାଝି, କୋଶଲ୍ୟା ଶବର, କୁମାରୀ ଶବର, ସୁରତି ରଣା ପ୍ରମୁଖ ପ୍ରକାଶ କରିଛନ୍ତି।
