ଟୋକିଓ, ୧୪ା୭(ଏପି)- ଜରୁରିକାଳୀନ ପରିସ୍ଥିତି ମଧ୍ୟରେ ଅଲିମ୍ପିକ୍ସ ଭିଲେଜ ମଙ୍ଗଳବାର ଖୋଲାଯାଇଛି। ଆଥ୍ଲେଟମାନଙ୍କର ଦୈନିକ କୋଭିଡ୍ ଟେଷ୍ଟ ହେବ। ଘର ଛାଡ଼ିବା ପୂର୍ବରୁ ଦୁଇଥର ଏବଂ ପୁଣି ପହଞ୍ଚତ୍ବା ପରେ ଆଉଥରେ ସେମାନଙ୍କର ଟେଷ୍ଟ ହେବ। ଭିଲେଜରେ ସେମାନଙ୍କୁ ମାସ୍କ ପରିଧାନ କରିବାକୁ ହେବ। କରୋନା ଟିକା ନେଇଥଲେ ମଧ୍ୟ ସାମାଜିକ ଦୂରତ୍ୱ ବଜାୟ ରଖିବାକୁ ହେବ। ନିୟମିତ ଭାବେ ହାତକୁ ଧୋଇବାକୁ ପଡ଼ିବ। ସେମାନେ ଅବସ୍ଥାନ କରୁଥିବା ରୁମ୍ରେ ଯେପରି ଅବାଧ ବାୟୁ ଚଳାଚଳ ରୁହେ ସେଥିପ୍ରତି ଧ୍ୟାନ ଦେବାକୁ ପଡ଼ିବ। ଅଲିମ୍ପିକ୍ସ ଜୁଲାଇ ୨୩ରୁ ଆରମ୍ଭ ହେବ। ଏଥିରେ ୧୧,୦୦୦ ଆଥଲେଟ ଭାଗ ନେବେ ବୋଲି ଆଶା କରାଯାଉଛି। ସେହିପରି ଅଗଷ୍ଟ ୨୪ରୁ ଆରମ୍ଭ ହେବାକୁଥିବା ପାରାଲିମ୍ପିକ୍ସରେ ୪,୪୦୦ ପ୍ରତିଯୋଗୀ ଅଂଶଗ୍ରହଣ କରିବେ ବୋଲି ଆଶା କରାଯାଉଛି। ଅନ୍ତର୍ଜାତୀୟ ଅଲିମ୍ପିକ କମିଟିର କହିବା ଅନୁସାରେ ଭିଲେଜରେ ଅବସ୍ଥାନ କରିବାକୁ ଥିବା ୮୦% ଊର୍ଦ୍ଧ୍ୱଙ୍କ ଟିକାକରଣ ସମ୍ପୂର୍ଣ୍ଣ ହୋଇସାରିଥିବ।
