Posted inଫୁରସତ

ପରିବର୍ତ୍ତନର ନାଁ ବାଇଡେନ୍‌

ଆମେରିକାରେ ରାଷ୍ଟ୍ରପତି ନିର୍ବାଚନ ହେଲା। ରାଷ୍ଟ୍ରପତି ଟ୍ରମ୍ପ୍‌ ହାରିିଗଲେ ଓ ପୂର୍ବତନ ଉପରାଷ୍ଟ୍ରପତି ବାଇଡେନ୍‌ ଜିତିଲେ। ଏମିତି ଦେଖିଲେ ସାଧା କଥା। ନିର୍ବାଚନ ଏକ ସ୍ବାଭାବିକ ଗଣତାନ୍ତ୍ରିକ ପ୍ରକ୍ରିୟା। ପୂର୍ବରୁ ମଧ୍ୟ ଅନେକ ଶାସକ ପରାଜିତ ହୋଇଛନ୍ତି। କିନ୍ତୁ ସାମଗ୍ରିକ ଭାବେ ବିଚାର କଲେ ଅହଂକାରୀ ରିପବ୍ଲିକାନ୍‌ ଡୋନାଲ୍ଡ ଟ୍ରମ୍ପ୍‌ଙ୍କ ପରାଜୟ ଓ ଅନୁଭବୀ ଡେମୋକ୍ରାଟ୍‌ ଜୋ ବାଇଡେନ୍‌ଙ୍କ ପୁନଃ ଅଭ୍ୟୁଦୟ ଭୂ-ରାଜନୈତିକ ପ୍ରେକ୍ଷାପଟରେ ଅନେକ ପରିବର୍ତ୍ତନର ସଙ୍କେତ ଦିଏ। ୭୪ ବର୍ଷୀୟ ଶକ୍ତିଶାଳୀ ନେତା ଟ୍ରମ୍ପ୍‌ଙ୍କୁ ତାଙ୍କ ପାର୍ଟିର ଗୋଟିଏ ପରେ ଗୋଟିଏ ଦୁର୍ଗରେ ଧରାଶାୟୀ କରିବା ସହଜ କି ସମ୍ଭବ ନ ଥିଲା। ହେଲେ ଏହି ଅସମ୍ଭବକୁ ବାସ୍ତବର ରୂପ ଦେଇଛନ୍ତି ୭୭ ବର୍ଷୀୟ ରାଜନେତା ବାଇଡେନ୍‌।
ଆମେରିକାର ମଙ୍ଗ ଜୋ ବାଇଡେନ୍‌ଙ୍କ ହାତକୁ ଏମିତି ସମୟରେ ଆସିଛି ଯେତେବେଳେ କରୋନା ମହାମାରୀ ଯୋଗୁ ଏହି ପାଶ୍ଚାତ୍ୟ ଦେଶ ସର୍ବାଧିକ କ୍ଷତିଗ୍ରସ୍ତ ହୋଇଛି। ଅବଶିଷ୍ଟ ପୃଥିବୀ ସବୁ କଥାରେ ଆମେରିକାକୁ ଦେଖୁଥିବାବେଳେ ଘାତକ କୋଭିଡ୍‌ ମାଡ଼ରେ ସବୁଠୁ ଶକ୍ତିଶାଳୀ ରାଷ୍ଟ୍ରର ଅଣ୍ଟା ନଇଁ ଯାଇଛି। କୁଢ଼ କୁଢ଼ ଶବ, ଭଣ ଭଣ ସଂକ୍ରମଣ, ମୃତ୍ୟୁର ଆତଙ୍କ ଓ ପରିଜନଙ୍କ ଚିତ୍କାର ସହ ବଢ଼ିଚାଲିଥିବା କବର ସଂଖ୍ୟା କହିଦେଉଛି ଯେ, ସ୍ଥିତି ଆଦୌ ଭଲ ନାହିଁ। କୋଭିଡ୍‌-୧୯ ଭୂତାଣୁଜନିତ କଟକଣା ଦେଶର ଅର୍ଥନୀତିକୁ ରସାତଳଗାମୀ କରିଛି। ମାନ୍ଦାବସ୍ଥା ଓ ବେକାରି ସମସ୍ୟା ଦିନକୁ ଦିନ ଉତ୍କଟ ହେବାରେ ଲାଗିଥିବାବେଳେ ଭଙ୍ଗାଘର ସଜାଡ଼ିବା ବଡ଼ ଚ୍ୟାଲେଞ୍ଜ ସାଜିଛି।
ଗୋଟି ଗୋଟି କରି ଅନେକ ଆନ୍ତର୍ଜାତିକ ଚୁକ୍ତିରୁ ଆମେରିକା ଓହରିଯିବା ଟ୍ରମ୍ପ୍‌ଙ୍କ ଅସହିଷ୍ଣୁ ତଥା ଏକଚ୍ଛତ୍ରବାଦୀ ବିଚାରଧାରାକୁ ପଦାରେ ପକାଇଥିଲା। ଶରଣାର୍ଥୀ ସମସ୍ୟା ଓ ବର୍ଣ୍ଣଭେଦ ଆନ୍ଦୋଳନ ଟ୍ରମ୍ପ୍‌ ପ୍ରଶାସନକୁ ସବୁଠି ନିନ୍ଦିତ କରିଥିଲା। ଏସବୁ ବିଫଳତାକୁ ଟ୍ରମ୍ପ୍‌ଙ୍କ ପରାଜୟର ପ୍ରମୁଖ କାରଣ କୁହାଯାଉଥିବାବେଳେ ସବୁକିଛିର ସମାଧାନ ସମ୍ଭବ। ଏକତାରୁ ପରିବର୍ତ୍ତନ ସମ୍ଭବ ବୋଲି ନାରା ଦେଇ ନିର୍ବାଚନ ଜିତିଛନ୍ତି ବାଇଡେନ୍‌।
ହେଲେ ବିଦାୟୀ ରାଷ୍ଟ୍ରପତି ଟ୍ରମ୍ପ୍‌ ନିଜ ପରାଜୟକୁ ସ୍ବୀକାର ନ କରିବା ହ୍ବାଇଟ୍‌ ହାଉସ୍‌ ପରମ୍ପରାରେ କଳଙ୍କିତ ଅଧ୍ୟାୟ ସୃଷ୍ଟି କରିଛି। ବର୍ତ୍ତମାନର ଅଭୂତପୂର୍ବ ରାଜନୈତିକ ସ୍ଥିତି ଆମେରିକାକୁ ଦୋଛକିରେ ଛଡ଼ା କରାଇଛି। କାରଣ ଆମେରିକାରେ ଏବେ ବସ୍ତୁତଃ ଦୁଇଜଣ ରାଷ୍ଟ୍ରପତି। ଜଣେ ଚୌକିରେ ବସିବାକୁ ଯାଉଛନ୍ତି ଏବଂ ତାଙ୍କ ପୂର୍ବସୁରୀ ଚୌକି ଛାଡ଼ୁନାହାନ୍ତି। ନିର୍ବାଚନ ଜିତିବାର ୬ ଦିନ ପରେ ବାଇଡେନ୍‌ଙ୍କୁ ଅଭିନନ୍ଦନ ଜଣାଇ ଆମେରିକା ପ୍ରତି ଚାଇନା ନିଜ ପୂର୍ବ ଆଭିମୁଖ୍ୟକୁ ଦୋହରାଇଛି କହିଲେ ଚଳେ। ତଥାପି ବେଜିଂ ସହ ଟ୍ରେଡ୍‌ ୱାର୍‌ ପରେ କରୋନା ଭୂତାଣୁକୁ ଚାଇନା ଭାଇରସ୍‌ର ଆଖ୍ୟା ଦେଇଥିବା ବ୍ୟବସାୟୀ ଟ୍ରମ୍ପ୍‌ଙ୍କ ତୁଳନାରେ ବୁଦ୍ଧିଜୀବୀ ବାଇଡେନ୍‌ ଦ୍ୱିପାକ୍ଷିକ ସମ୍ପର୍କକୁ ସୁଧାରିବାରେ ସଫଳ ହୋଇପାରନ୍ତି।


Enter your email to get our daily news in your inbox.

All Right Reserved By Dharitri.Com

ପୋଲିସ ନମ୍ବରରୁ ହ୍ବାଟ୍ସଆପ୍‌କୁ ଆସିବ କଲ୍‌, ମିଳିବ ଧମକ, ଭୟଭୀତ ହେଲେ ଆକାଉଣ୍ଟ ହୋଇଯିବ ଖାଲି…

ଦୁଇମାସ ତଳେ କେରଳର ଜଣେ ବାସିନ୍ଦା ପୋଲିସ ଅଧିକାରୀଙ୍କ ଡିପି ଥାଇ ଏକ ନମ୍ବରରୁ ହ୍ବାଟ୍ସଆପ୍‌କୁ କଲ୍‌ ଆସିଥିଲା। ସେ ଏହାକୁ ଉଠାଇବା ମାତ୍ରେ ଏକ...

ଅଜବ ଘର: ଦେଖିବାକୁ ବଙ୍କାତେଢ଼ା ମାତ୍ର ଆକର୍ଷଣୀୟ, ଜାଣନ୍ତୁ ଏହାର ସ୍ବତନ୍ତ୍ରତା…

ଦୁନିଆରେ ଅନେକ ଅଟ୍ଟାଳିକା ଅଛି, ଯାହା ଅନେକ କାରଣ ପାଇଁ ଲୋକଙ୍କୁ ଆକର୍ଷିତ କରିଥାଏ। କିଛି ଘର ଡିଜାଇନକୁ ନେଇ ବେଶ୍‌ ଆକର୍ଷଣୀୟ ହୋଇଥାଏ। ଆଜି...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଭାରତର ଏହି ସହରରେ ପ୍ରସ୍ତୁତ ହୁଏ ଆଇପିଏଲ୍‌ ବଲ୍‌, ବର୍ଷକୁ ୫୦୦ କୋଟି ଟଙ୍କା ରୋଜଗାର

ବର୍ତ୍ତମାନ ଆଇପିଏଲ ଚାଲିଛି। ଇଣ୍ଡିଆନ ପ୍ରିମିୟର ଲିଗ୍‌କୁ ନେଇ ଲୋକଙ୍କ ମଧ୍ୟରେ ଏକ ବଡ଼ କ୍ରେଜ୍‌ ରହିଛି। ଏହି ପ୍ରତିଯୋଗିତା ୬୬ ଦିନ ପର୍ଯ୍ୟନ୍ତ ଚାଲିବ।...

କଫି ସହ ମଣିଷ ରକ୍ତ ମିଶାଇ ପିଉଛନ୍ତି ଏହି ମହିଳା

ଦୁନିଆରେ,ପ୍ରତ୍ୟେକ ମଣିଷଙ୍କର ନିଜସ୍ବ ସଉକ ଅଛି। କିଏ ଭ୍ରମଣ କରିବାକୁ ଭଲ ପାଆନ୍ତି ତ ଆଉ କିଏ ଖାଇବାକୁ ଭଲ ପାଆନ୍ତି। କେତେକ ଗୀତ ଗାଇବାକୁ...

ପୃଥିବୀର ପଡୋଶୀରେ ଅଛନ୍ତି ଏଲିଏନ୍ସ, ୨୦୩୦ ସୁଦ୍ଧା ଖୋଜିଦେବ ନାସା!

ଓ୍ବାଶିଂଟନ,୨୫।୩: ଏଲିଲନ୍ସ ସତରେ ଅଛନ୍ତି କି। ଯଦି ଅଛନ୍ତି, ସେମାନେ କେଉଁଠାରେ ରୁହନ୍ତି? ଏହି ଦୁଇଟି ପ୍ରଶ୍ନର ଉତ୍ତର ଖୋଜିବାରେ ସାରା ବିଶ୍ୱର ସ୍ପେସ ଏଜେନ୍ସିମାନେ...

ଓଡ଼ିଆ ଜନଜୀବନରେ ଦୋଳଯାତ୍ରା

ଫାଲ୍‌ଗୁନ ଶୁକ୍ଳ ଦଶମୀ ତିଥିଠାରୁ ସାଧାରଣତଃ ଓଡ଼ିଆ ଜନଜୀବନରେ ଦୋଳଯାତ୍ରା ଆଧ୍ୟାତ୍ମିକ ଭକ୍ତିପୂତ ପରିବେଶରେ ଆରମ୍ଭ ହୋଇଥାଏ। ଏହି ପର୍ବର ମୁଖ୍ୟ ଆରାଧ୍ୟ ଠାକୁର ପ୍ରେମମୟ...

ବୋତଲ ଭିତରେ ଅଠା ଲାଖେ ନାହିଁ କାହିଁକି

ବିଜ୍ଞାପନରେ ଅନେକ ଅଠା କମ୍ପାନୀ ଦାବି କରନ୍ତି ଯେ, ତାଙ୍କର ସାମାନ୍ୟ ଟିକେ ଅଠା ଯେକୌଣସି ଜିନିଷକୁ ଯୋଡିପାରେ। ଆଉ ଏମିତି ଯୋଡିବ ଯେ ଯୋଡା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri