ମାନବ ସଭ୍ୟତାର ମୂକସାକ୍ଷୀ ଭାବେ ପର୍ବତ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ପର୍ବତ ସମ୍ପର୍କରେ ସଚେତନତା ସୃଷ୍ଟି ଲାଗି ପ୍ରତିବର୍ଷ ଡିସେମ୍ବର ୧୧ରେ ଅନ୍ତର୍ଜାତୀୟ ପର୍ବତ ଦିବସ ପାଳନ କରାଯାଇଥାଏ। ମାଉଣ୍ଟେନ ଡେ ୨୦୦୩ରେ ଜାତିସଂଘ ସାଧାରଣ ସଭା ଦ୍ୱାରା ପର୍ବତରେ ସ୍ଥାୟୀ ବିକାଶକୁ ଉତ୍ସାହିତ କରିବା ପାଇଁ ଏହି ଦିବସ ପାଳନ ପାଇଁ ନିଷ୍ପତ୍ତି ଗ୍ରହଣ କରାଯାଇଥିଲା। ସାଧାରଣ ସଭା ନିରନ୍ତର ପର୍ବତ ବିକାଶର ମହତ୍ତ୍ୱକୁ ହୃଦୟଙ୍ଗମ କରି ଏହି ଦିବସ ପାଳନ ଅବସରରେ ସମସ୍ତ ସ୍ତରରେ ଇଭେଣ୍ଟ ଆୟୋଜନ କରିବାକୁ ଅନ୍ତର୍ଜାତୀୟ ସମୁଦାୟକୁ ଉତ୍ସାହିତ କରିଥିଲା। ୧୮୩୮ ମସିହା ଅଗଷ୍ଟ ୧୧ରେ ପ୍ରଥମେ ପର୍ବତ ଦିବସ ପାଳନ ଆରମ୍ଭ ହୋଇଥିଲା। ମାଉଣ୍ଟ ହୋଲିଓକ କଲେଜର ଛାତ୍ରୀଛାତ୍ରମାନେ ହୋଲିଓକ ପର୍ବତ ଅଭିମୁଖେ ଯାତ୍ରା କରିଥିଲେ। ସ୍ମିଥ୍ କଲେଜ ୧୮୭୭ରେ ଏହାର ପର୍ବତ ଦିବସ ଘୋଷଣା କରିଥିଲା। ଜୁନିଟା କଲେଜ ୧୮୯୬ରେ ଏହାର ପର୍ବତ ଦିବସ ପ୍ରତିଷ୍ଠା କରିଥିଲା। ସେହିପରି ୱିଲିୟମ୍ସ କଲେଜ ଛାତ୍ରମାନେ ୧୮୦୦ ଦଶକରୁ ପର୍ବତ ପାଳନ କରିବା ପାଇଁ ମାସାଚ୍ୟୁସେଟ୍ସର ସର୍ବୋଚ୍ଚ ପର୍ବତ ଗ୍ରେଲକ ଉପରକୁ ଚଢ଼ିଥିଲେ। କଲବି-ସାୱେର୍ କଲେଜର ପର୍ବତ ଦିବସ ୧୮୫୦ ଦଶକରେ ଆରମ୍ଭ ହୋଇଥିଲା। ଏହି ଦିବସ ପାଳନ ଅବସରରେ ଅନ୍ତର୍ଜାତୀୟ ସ୍ତରରେ ବିଭିନ୍ନ କାର୍ଯ୍ୟକ୍ରମମାନ ଅନୁଷ୍ଠିତ ହୋଇଥାଏ। ଏନେଇ ଲୋକଙ୍କ ମଧ୍ୟରେ ସଚେତନତା ସୃଷ୍ଟିର ଉଦ୍ୟମ କରାଯାଇଥାଏ।
