ତାସକେଣ୍ଟ,୨।୨: ଜଣେ ମା’ ପାଇଁ, ତାଙ୍କ ଶିଶୁଠାରୁ ଅଧିକ କିଛି ଗୁରୁତ୍ୱପୂର୍ଣ୍ଣ ନୁହେଁ। ପିଲାମାନଙ୍କର ଅସୁବିଧା ସାମ୍ନାରେ, ମା’ ନିଜ ଜୀବନକୁ ମଧ୍ୟ ବଳି ଦେବାକୁ କୁଣ୍ଠାବୋଧ କରନ୍ତି ନାହିଁ। କିନ୍ତୁ ଜଣେ ମା’ ନିଜ ପିଲାକୁ ମୃତ୍ୟୁ ମୁଖକୁ ଠେଲି ଦେବା ନିହାତି ଆଶ୍ଚର୍ଯ୍ୟର ବିଷୟ। ଏମିତି ଏକ ହୃଦୟ ବିଦାରକ ଘଟଣା ଉଜବେକିସ୍ତାନର ରାଜଧାନୀ ତାସକେଣ୍ଟରେ ଘଟିଛି। ଜଣେ ମା’ ନିଜ ତିନି ବର୍ଷର ନିରୀହ ଝିଅକୁ ଭାଲୁ ଗୁମ୍ଫାରେ ମୃତ୍ୟୁ ପାଇଁ ଫିଙ୍ଗିଦେଇଥିଲେ। ଏହି ଭୟାନକ ମୁହୂର୍ତ୍ତକୁ ସିସିଟିଭିରେ ଦେଖିବାକୁ ମିଳେ। ମା’ ଝିଅକୁ ଭାଲୁ ଭାଲୁ ଏନକ୍ଲୋଜର ସମ୍ମୁଖରେ ରେଲିଂ ଉପରେ ଧରିଛନ୍ତି। ତା’ପରେ ହଠାତ୍ ସେ ଝିଅଟିକୁ ଭାଲୁ ଗୁମ୍ଫାରେ ପକାଇଦେଇଛନ୍ତି। ଜୁଜୁ ନାମକ ଏକ ଭାଲୁ ଝିଅକୁ ଶୁଂଘି ଥାଏ କିନ୍ତୁ ସଙ୍ଗେ ସଙ୍ଗେ ସେଠାରେ ଉପସ୍ଥିତ ପ୍ରାଣୀ ଉଦ୍ୟାନର କର୍ମଚାରୀମାନେ ଉଦ୍ଧାର କାର୍ଯ୍ୟରେ ଲାଗିଲେ। ପ୍ରାୟ ୬ ଜଣ କର୍ମଚାରୀ ଗୁମ୍ଫାରେ ପ୍ରବେଶ କରି ଭାଲୁକୁ ଗୋଡ଼ାଇ ପିଲାଟିକୁ ନିଜ କୋଳରେ ଉଠାନ୍ତି।
ଏହି ଆଶ୍ଚର୍ଯ୍ୟଜନକ ଘଟଣା ଦେଖି ସେଠାରେ ଉପସ୍ଥିତ ଥିବା ଅନ୍ୟମାନଙ୍କ ଆଖିରେ ଲୁହ ଆସିଗଲା, କିନ୍ତୁ ମା’ର ହୃଦୟ ତରଳି ନ ଥିଲା। ସୌଭାଗ୍ୟବଶତଃ, ସେଠାରେ ଉପସ୍ଥିତ କର୍ମଚାରୀମାନେ ଝିଅଟିକୁ ଭାଲୁ ଗୁମ୍ଫାରୁ ଉଦ୍ଧାର କରିଥିଲେ। ସମ୍ପୃକ୍ତ ମହିଳାଙ୍କ ବିରୋଧରେ ଏକ ଅପରାଧିକ ମାମଲା ରୁଜୁ ହୋଇଛି।
