ଇଟାଲୀର ଜଣେ ବ୍ୟକ୍ତି ସ୍ତ୍ରୀଙ୍କ ସହ ଝଗଡ଼ା କରିବା ପରେ ନିଜ ମନକୁ ଶାନ୍ତ କରିବା ପାଇଁ ଘରୁ ବାହାରି ଚାଲିଗଲେ। ସେ ଏତେ ରାଗି ଯାଇଥିଲେ ଯେ କୌଣସି ଗାଡ଼ି ମୋଟରରେ କେଉଁଆଡ଼େ ନ ଯାଇ ସିଧା ୪୫୦ କିଲୋମିଟର ପାଦରେ ଚାଲିଚାଲି ଗଲେ। ଏହି ବ୍ୟକ୍ତିଙ୍କ ଏପରି ପଦକ୍ଷେପ ଲୋକଙ୍କୁ ଯେତିକି ଆଶ୍ଚର୍ଯ୍ୟ କରିଛି ସେତିକି ହସର ଖୋରାକ ମଧ୍ୟ ଯୋଗାଇଛି।
ଇଟାଲୀର ସୋସିଆଲ ମିଡିଆରେ ଏହି ଘଟଣା ଏବେ ଭାଇରାଲ ହେବାରେ ଲାଗିଛି। ଲୋକମାନେ ତାଙ୍କୁ ‘ଫରେଷ୍ଟ ଗମ୍ପ’ ବୋଲି ଡାକୁଛନ୍ତି। ସେ ୧୯୯୪ରେ ଏକ ଫିଲ୍ମର ହିରୋ ଥିଲେ। ସେତେବେଳେ ସେ ସମଗ୍ର ଆମେରିକାରେ ୧ ହଜାର ମାଇଲ ଦୌଡ଼ିଥିଲେ। ଇଟାଲୀୟ ବ୍ୟକ୍ତିଙ୍କ ଏହି ଅନନ୍ୟ ଯାତ୍ରାରେ ପୋଲିସ ଅପରାହ୍ନରେ ଆଡ୍ରିୟାଟିକ ଉପକୂଳରେ ପାନୋରେ ଅଟକି ଥିଲା। ବ୍ୟକ୍ତି ଜଣକ ଏକ ସପ୍ତାହ ଚାଲି ଚାଲି ଏଠାରେ ପହଞ୍ଚିଥିଲେ। କରୋନା ପାଇଁ ସେତେବେଳେ ଲକ୍ଡାଉନ୍ ଜାରି ହୋଇଥିଲା। ତେବେ କର୍ଫ୍ୟୁ ଉଲ୍ଲଂଘନ କରି ୪୮ ବର୍ଷୀୟ ଏହି ବ୍ୟକ୍ତିଙ୍କୁ ୪୮୫ ଆମେରିକୀୟ ଡଲାର ଜରିମାନା କରାଯାଇଥିଲା।
ଏହି କାହାଣୀ ପ୍ରଥମେ ଇଟାଲୀର ଏକ ଇଂରାଜୀ ଖବରକାଗଜରେ ପ୍ରକାଶ ପାଇଥିଲା। ପରେ ସୋସିଆଲ ମିଡିଆରେ କିଛି ଲୋକ ଉକ୍ତ ବ୍ୟକ୍ତିଙ୍କୁ ହିରୋ ବୋଲି କହିବା ସହ ତାଙ୍କ ଉପରେ ଲାଗିଥିବା ଜରିମାନାକୁ ସମାଲୋଚନା କରିଥିଲେ।
ଜଣେ ୟୁଜର କହିଥିଲେ ତାଙ୍କୁ ଭଲ ଏବଂ ନୂତନ ଜୋତା ନୁହେଁ, ପୁରସ୍କାର ପାଇବା ଉଚିତ୍। ହିଂସା ନୁହେଁ, କ୍ରୋଧକୁ ଶାନ୍ତ କରିବାକୁ ପଦଯାତ୍ରାରେ ଯାଇଥିବାରୁ ଜଣେ ୟୁଜର ତାଙ୍କୁ ଖୁବ୍ ପ୍ରଶଂସା କରିଥିଲେ।
ଯେତେବେଳେ ପୋଲିସ ତାଙ୍କ ଡାଟାବେସରେ ପରିଚୟ ଯାଞ୍ଚ କଲା, ସେତେବେଳେ ସେ ଜାଣିବାକୁ ପାଇଲା ଯେ ତାଙ୍କ ସ୍ତ୍ରୀ ସ୍ବାମୀଙ୍କ ନିଖୋଜ ନେଇ ଅଭିଯୋଗ କରିଛନ୍ତି। ଏହା ପରେ ପୋଲିସ ତାଙ୍କ ସ୍ତ୍ରୀଙ୍କ ସହ ଯୋଗାଯୋଗ କରିଥିଲା। ପରେ ତାଙ୍କୁ ନେବା ପାଇଁ ପାନୋ ଆସିଥିଲା।
ବ୍ୟକ୍ତି ଜଣକ ପୋଲିସକୁ କହିଥିଲେ, ମୁଁ ଏଠାକୁ ଚାଲି ଚାଲି ଆସିଛି। ସେ କହିଥିଲେ ବାଟରେ ଲୋକମାନେ ମୋତେ ଖାଦ୍ୟ, ପାଣି ଓ ଶୀତବସ୍ତ୍ର ଦେଇଥିଲେ। ଦିନକୁ ହାରାହାରି ୬୦ କିଲୋମିଟର ଚାଲୁଥିଲେ। ମୁଁ ଭଲ ଅଛି, ଟିକିଏ ଥକି ଯାଇଛି ବୋଲି କହିଥିଲେ। ପୋଲିସ ତାଙ୍କୁ ରାତିରେ ଖୋଜାଖୋଜି କରିବା ପରେ ଉପକୂଳ ରାଜପଥରେ ଥଣ୍ଡାରେ ଥରୁଥିବା ଦେଖିବାକୁ ପାଇଥିଲା।
