ପଦ୍ମପୁର,୧୫ା୫(ପ୍ରଦୀପ୍ତ ଦାଶ):ବର୍ତ୍ତମାନ ସାରା ରାଜ୍ୟରେ ଗ୍ରୀଷ୍ମପ୍ରବାହ ବୃଦ୍ଧି ପାଇଥିବା ବେଳେ ପଦ୍ମପୁର ଅଞ୍ଚଳରେ ତାପମାତ୍ରା ୪୦/୪୧ ଡିଗ୍ରୀ ଉପରେ ରହୁଛି। ତାପମାତ୍ରା ବଢ଼ୁଥିବା ବେଳେ ଲୋକଙ୍କୁ ଗୁଳୁଗୁଳି ବିଶେଷ କଷ୍ଟ ଦେଉଛି। ଗରମରୁ ରକ୍ଷା ପାଇବା ପାଇଁ ଲୋକେ ରାସ୍ତା କଡ଼ରେ ବିକ୍ରି ହେଉଥିବା ସରବତ, ସୋଢ଼ା ମସଲା, ତରଭୁଜ, କାକୁଡ଼ି, ଆଖୁପଣା ପ୍ରଭୃତି ଥଣ୍ଡା ଜିନିଷକୁ ଗୁରୁତ୍ୱ ଦେଉଛନ୍ତି। ଏହା ମଧ୍ୟରେ ଏବେ ଗ୍ରାମବାସୀଙ୍କ ଜୀବିକା ପାଲଟିଛି ତାଳସଜ। ବର୍ତ୍ତମାନ ତାଳସଜର ସ୍ବାଦ ସମସ୍ତଙ୍କୁ ଆକର୍ଷଣ କରୁଛି। ପାଟଣାଗଡ଼ ରାସ୍ତାରୁ ପଦ୍ମପୁର ଆସିବା ବାଟରେ ଏବଂ ପଦ୍ମପୁର ଦୈନିକ ବଜାରରେ ଏବେ ତାଳସଜର ପସରା ଦେଖିବାକୁ ମିଳୁଛି। ଯାନବାହନରେ ଯାଉଥିବା ଲୋକେ ବାଟରେ ଅଟକି ତାଳସଜର ମଜା ନେଉଛନ୍ତି। ବର୍ଷକରେ ଥରେ ମିଳୁଥିବା ଏହି ତାଳସଜ ରାସ୍ତାକଡ଼ରେ ତିନୋଟି ତାଳକୁ କାଟି ତାହାର ସଜ ବାହାର କରି ୩୦ଟଙ୍କା ନେଉଥିବା ବେଳେ ଦୈନିକ ବଜାରରେ କେବଳ ତାଳସଜ ୨୫୦ ଗ୍ରାମକୁ ୪୦ ଟଙ୍କାରେ ବିକ୍ରି କରୁଛନ୍ତି। ଏହି ତାଳ ବିଶେଷକରି ପାଟଣାଗଡ ତଥା ପଦ୍ମପୁରର ଗ୍ରାମାଞ୍ଚଳରୁ ଆସୁଥିବା ବ୍ୟବସାୟୀମାନେ କହିଛନ୍ତି ।
Dharitri – Odisha’s No.1 Odia Daily
