ହାମବର୍ଗ, ୨୫ା୯ (ଏପି)- ସିଜନ ଶେଷ ଗ୍ରାଣ୍ଡସ୍ଲାମ ପ୍ରତିଯୋଗିତା ଫ୍ରେଞ୍ଚ ଓପନ୍ରେ ତାଙ୍କୁ ଖେଳିବା ଲାଗି ଅନୁମତି ମିଳିବ କି ନା ସେ ନେଇ ଅନିଶ୍ଚିତତାରେ ଅଛନ୍ତି ଟେନିସ ଖେଳାଳି ବେନଏଟ୍ ପାଇରେ। କରୋନା ଭାଇରସ୍ ଟେଷ୍ଟରେ ଦୁଇଥର ପଜିଟିଭ ପରେ ନେଗେଟିଭ ହୋଇ ହାମବର୍ଗ ଓପନରେ ଖେଳିବା ଲାଗି କିନ୍ତୁ ଅନୁମତି ପାଇଥିଲେ ଏହି ଖେଳାଳି। ବୁଧବାର କାସ୍ପର ରୁଡ୍ଙ୍କ ବିପକ୍ଷ ଓପନିଂ ରାଉଣ୍ଡ ମ୍ୟାଚରେ ୬-୪, ୨-୦ରେ ପଛୁଆ ରହିଥିବା ବେଳେ ମାନ୍ଦା ଅନୁଭବ କରିବାରୁ ସେ ଖେଳରୁ ଓହରିଯାଇଥିବା ଏଟିପି ଟୁର୍ ସୂତ୍ରରୁ ପ୍ରକାଶ। ସୂଚନାଯୋଗ୍ୟ, ପଜିଟିଭ୍ ଟେଷ୍ଟ ପରେ ପାଇରେ ୟୁଏସ୍ ଓପନ୍ରୁ ଓହରିଯାଇଥିଲେ। ସେ ଏକ ସପ୍ତାହରୁ ଅଧିକ ଦିନ ଧରି ଆଇସୋଲେଶନରେ ରହିଥିଲେ। ପରେ ସେ ଇଟାଲିଆନ ଓପନ୍ରେ ଖେଳିଥିଲେ ଏବଂ ପ୍ରଥମ ରାଉଣ୍ଡରେ ପରାଜିତ ହୋଇଯାଇଥିଲେ।
