ଖେଳ ପଡ଼ିଆରେ ବୟସ ଗୁରୁତ୍ୱପୂର୍ଣ୍ଣ ନୁହେଁ କିନ୍ତୁ ଉତ୍ସାହ ଆବଶ୍ୟକ। ଦକ୍ଷିଣ ଆଫ୍ରିକାର ପୂର୍ବତନ ଅଲରାଉଣ୍ଡର ଜୋହାନ ବୋଥା ଏହି ଉକ୍ତିକୁ ପ୍ରତିପାଦିତ କରିଛନ୍ତି। ଅବସର ନେବା ପରେ ପୁଣି ୩୮ ବର୍ଷ ବୟସରେ କ୍ରିକେଟକୁ ଫେରିବାକୁ ନିଷ୍ପତ୍ତି ନେଇଛନ୍ତି। ବୋଥା ଅଷ୍ଟ୍ରେଲିଆରେ ଚଳିତ ବର୍ଷର ବିଗ ବ୍ୟାସ ଲିଗ (ବିବିଏଲ)ରେ ଖେଳିବେ। ସେ ହୋବର୍ଟ ହରିକାନ୍ସ ଦଳ ପାଇଁ ଖେଳିବେ। ବୋଥା ଏବେ ଅଷ୍ଟ୍ରେଲିଆର ଟାସମାନିଆ ଦଳର କୋଚ। ନିକଟରେ ହୋବର୍ଟ ହରିକାନ୍ସ ତାରକା ସ୍ପିନର ସନ୍ଦୀପ ଲାମିଚାନେ କରୋନା ସଂକ୍ରମିତ ହୋଇଥିଲେ। ତେଣୁ ସେ ଚଳିତ ବର୍ଷ ବିଗ ବ୍ୟାସରେ ଖେଳି ପାରିବେ ନାହିଁ। ଏଭଳି ପରିସ୍ଥିତିରେ ହୋବର୍ଟଙ୍କ ଦଳରେ ୟୋହାନ ବୋଥା ମଧ୍ୟ ସାମିଲ ହୋଇଥିଲେ। ବିଶେଷ କଥା ହେଉଛି ବୋଥା ୨୦୧୬ ମସିହାରେ ଅଷ୍ଟ୍ରେଲିଆର ନାଗରିକତ୍ୱ ପାଇଥିଲେ। ଏଭଳି ପରିସ୍ଥିତିରେ ତାଙ୍କୁ ଖେଳୁଥିବା ଏକାଦଶରେ ଘରୋଇ କ୍ରିକେଟର ଭାବରେ ଅନ୍ତର୍ଭୁକ୍ତ କରାଯିବ। ଏହାପୂର୍ବରୁ ବୋଥା ବିଗ ବସରେ ସିଡନୀ ସିକ୍ସର୍ସ ପାଇଁ ଖେଳିଛନ୍ତି। ଏହା ବ୍ୟତୀତ ସେ ଆଇପିଏଲରେ ରାଜସ୍ଥାନ ରୟାଲ୍ସ ଏବଂ କୋଲକାତା ନାଇଟ ରାଇଡର୍ସର ଏକ ଅଂଶ ମଧ୍ୟ ରହିଛନ୍ତି। ଗତ ବର୍ଷ ଜାନୁଆରୀରେ ବିଗ ଫାଇନାଲରେ ହୋବର୍ଟ ସିଡନୀ ସିକ୍ସର୍ସଙ୍କୁ ପରାସ୍ତ କରିବା ପରେ ହଠାତ୍ ଅବସର ଘୋଷଣା କରିଥିଲେ ବୋଥା। ଏବେ ଅବସରରୁ ଫେରିବା ପ୍ରଶ୍ନରେ ବୋଥା କହିଛନ୍ତି ଯେ ସେ ବର୍ତ୍ତମାନ ଅପେକ୍ଷା ଅଧିକ ଫିଟ ଅଛନ୍ତି। ଦକ୍ଷିଣ ଆଫ୍ରିକା ପାଇଁ ୫ ଟି ଟେଷ୍ଟ, ୭୮ଟି ଏକଦିବସୀୟ ଏବଂ ୪୦ ଟି -୨୦ ଖେଳି ବୋଥା ଜଣେ ଶକ୍ତିଶାଳୀ ଅଫ ସ୍ପିନର ତଥା ଲୋୟର ଅର୍ଡରର ଭଲ ବ୍ୟାଟ୍ସମ୍ୟାନ। ୨୦୦୭ରୁ ୨୦୧୧ ପର୍ଯ୍ୟନ୍ତ ସେ ୪.୫୭ ହାରରେ ୬୬ଟି ଏକଦିବସୀୟରେ ୬୪ ୱିକେଟ ନେଇଥିଲେ। ତାଙ୍କ କ୍ୟାରିଅରରେ ବୋଥାଙ୍କ ବୋଲିଂ ଆକ୍ସନ ଉପରେ ପ୍ରଶ୍ନ ଉଠିଥିଲା। ୨୦୦୯ରେ ତାଙ୍କ ଅଧିନାୟକତ୍ୱରେ ଦକ୍ଷିଣ ଆଫ୍ରିକା ମଧ୍ୟ ଅଷ୍ଟ୍ରେଲିଆ ବିପକ୍ଷ ଏକଦିବସୀୟ ସିରିଜରେ ଜିତିଥିଲା।
