Posted inଖେଳ

ଟୋକିଓ ଅଲିମ୍ପିକ୍ସ ବିଳମ୍ବିତ ହେବାର ମୂଲ୍ୟ ୨ ବିଲିୟନ ଡଲାର

ଟୋକିଓ,୩୦।୧୧(ଏପି): କୋଭିଡ୍‌-୧୯ ମହାମାରୀ କାରଣରୁ ଟୋକିଓ ଅଲିମ୍ପିକ୍ସ ଗୋଟିଏ ବର୍ଷ ବିଳମ୍ବିତ ହୋଇଛି। ତେବେ ଏଥିପାଇଁ ଆୟୋଜକମାନଙ୍କୁ ମୂଲ୍ୟ ଦେବାକୁ ପଡିଛି। ଏହି ମେଗା ଇଭେଣ୍ଟ ବିଳମ୍ବିତ ହେବାର ମୂଲ୍ୟ ପାଖାପାଖି ୨ ବିଲିୟନ ଆମେରିକୀୟ ଡଲାର ବା ୨୦୦ ବିଲିୟନ ୟେନ ବୋଲି ଏକ ରିପୋର୍ଟରୁ ଜଣାପଡିଛି।
ଜାପାନର କିଓଡୋ ନ୍ୟୁଜ୍‌ ଏଜେନ୍ସି ଓ ୟୋମିଉରୀ ଖବରକାଗଜ ଏନେଇ ରବିବାର ରିପୋର୍ଟ ପ୍ରକାଶ କରିଛି। ଅଲିମ୍ପିକ୍‌ ଆୟୋଜକଙ୍କ ନିକତର ଥିବା ଏକ ସୂତ୍ରରୁ ଏ ବିଷୟରେ ଜଣାଯାଇଛି ବୋଲି କୁହାଯାଇଛି। ଟୋକିଓମୋଟ୍ରୋ ସରକାର, ଜାପାନୀ ଜାତୀୟ ସରକାର ଓ ଆୟୋଜକମାନେ ଏହି ମୂଲ୍ୟ କିପରି ଆବଣ୍ଟିତ ହେବ ସେ ନେଇ ଆସନ୍ତାମାସ ରିପୋର୍ଟ କରିବେ। ଅନ୍ତର୍ଜାତୀୟ ଅଲିମ୍ପିକ୍‌ କମିଟି (ଆଇଓସି) ଏହି ମୂଲ୍ୟର ଭରଣା ପାଇଁ ୬୫୦ ମିଲିୟନ ଡଲାର ପ୍ରଦାନ କରିବ ବୋଲି କହିଛି। ଆଇଓଏ ଏନେଇ ସବିଶେଷ ବିବରଣୀ ପ୍ରଦାନ କରିନାହିଁ। ତେବେ ଟୋକିଓ ଅଲିମ୍ପିକ୍ସ ବ୍ୟୟବହୁଳ ହେବ ବୋଲି ଆଇଓଏ ତରଫରୁ କୁହାଯାଇଛି। ଟୋକିଓ ଅଲିମ୍ପିକ୍ସ ଆୟୋଜନ ପାଇଁ ୧୨.୬ ବିଲିୟନ ଆମେରିକୀୟ ଡଲାର ଖର୍ଚ୍ଚ ହେବ ବୋଲି ଆନୁଷ୍ଠାନିକ ଭାବେ ଜଣାଯାଇଛି। କିନ୍ତୁ ଏହି ଖର୍ଚ୍ଚ ଦ୍ୱିଗୁଣିତ ହେବ ବୋଲି ଗତବର୍ଷ ସରକାରଙ୍କ ଏକ ଅଡିଟ୍‌ରୁ ଜଣାପଡିଥିଲା। ଏଥିରୁ ୫.୬ ବିଲିୟନ ଡଲାର ସର୍ବସାଧାରଣଙ୍କର ବୋଲି କୁହାଯାଇଥିଲା।
୨୦୧୩ରେ ଯେତେବେଳେ ଟୋକିଓକୁ ଆୟୋଜନ ଅଧିକାର ମିଳିଥିଲା ସେତେବେଳେ ୭.୩ ବିଲିୟନ ଡଲାର ଖର୍ଚ୍ଚ ହେବ ବୋଲି କୁହାଯାଇଥିଲା। ଏଥିରେ ୨ ବିଲିୟନ ଡଲାର ଯୋଗ ହେବ ବୋଲି ଅକ୍ସଫୋର୍ଡର ଏକ ବିଶ୍ୱବିଦ୍ୟାଳୟ ତା’ର ଏକ ଗବେଷଣା ଚଳିତବର୍ଷ ପ୍ରାରମ୍ଭରେ ଉଲ୍ଲେଖ କରିଥିଲା। ଏହା ଇତିହାସର ସବୁଠାରୁ ବ୍ୟୟ ବହୁଳ ଅଲିମ୍ପିକ୍ସ ସାବ୍ୟସ୍ତ ହେବ ଓ ଏହି ଖର୍ଚ୍ଚ ଦିନିକୁ ଦିନ ବଢିବାରେ ଲାଗିବ ବୋଲି ଏହି ଗବେଷଣା ଉଲ୍ଲେଖ କରାଯାଇଥିଲା। ମହାମାରୀର ପ୍ରକୋପ ଜାରି ରହିଥିବା ବେଳେ ଅଲିମ୍ପିକ୍ସ ନିରାପଦରେ ଆୟୋଜନ ହୋଇପାରିବ ବୋଲି ଆଇଓସି ଓ ଆୟୋଜକମାନେ ସବୁ ପ୍ରାୟୋଜକ ଓ ଜନସାଧାରଣଙ୍କୁ ଅବଗତ କରାଇବାକୁ ପ୍ରୟାସ ଜାରି ରଖିଛନ୍ତି।
୨୦୨୧ ଜୁଲାଇ ୨୩ରୁ ଅଲିମ୍ପିକ୍ସ ଓ ଅଗଷ୍ଟ ୨୪ରୁ ପାରା ଅଲିମ୍ପିକ୍ସ ଆରମ୍ଭ ହେବ। ଏଥିରେ ମୋଟ ଉପରେ ୧୫, ୪୦୦ ଆଥଲେଟ ଓ ୧୦ ହଜାର ଅଫିସିଆଲ, ଜଜ୍‌, ଷ୍ଟାଫ୍‌, ଭିଆଇପି, ପ୍ରାୟୋଜକ, ମିଡିଆ ତଥା ବ୍ରଡକାଷ୍ଟର କର୍ମଚାରୀ ଏହି ମେଗା ଇଭେଣ୍ଟରେ ଯୋଗ ଦେବେ। ଚଳିତ ମାସ ପ୍ରାରମ୍ଭରେ ରାପିଡ୍‌ ଟେଷ୍ଟିଂ ଓ ଭ୍ୟାକ୍‌ସିନ ନେଇ ଆଇଓସି ଅଧ୍ୟକ୍ଷ ଥୋମାସ ବାକ୍‌ ବେଶ୍‌ ଆଶବାଦୀ ଥିବା କଥା କହିଥିଲେ। ତେବେ ଏହା ଦ୍ୱାରରେ କରୋନା ସମସ୍ୟା ସମାଧାନ ହେବ ସେ କଥା କହିହେବ ନାହିଁ ବୋଲି ସେ ସ୍ପଷ୍ଟ କରିଥିଲେ। ଆଥଲେଟମାନଙ୍କୁ ସବୁ ପ୍ରକାର ନୀତିନିୟମ ମଧ୍ୟରେ ରହିବାକୁ ପଡିବ। ଇତି ମଧ୍ୟରେ ଜାପାନ ଅନ୍ୟ ଦେଶ ତୁଳନାରେ କରୋନା ସଂକ୍ରମଣକୁ ନିୟନ୍ତ୍ରଣ କରିବାରେ ସଫଳ ହୋଇଛି ବୋଲି କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଡ୍ୟାନ୍ସ ଜରିଆରେ ସମସ୍ତଙ୍କୁ ଆଶ୍ଚର୍ଯ୍ୟ କଲେ ଏହି କ୍ରିକେଟରଙ୍କ ଭାବି ସ୍ତ୍ରୀ

ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲଙ୍କ ଭାବି ସ୍ତ୍ରୀ ତଥା ପ୍ରସିଦ୍ଧ ୟୁଟ୍ୟୁବର୍‌ ଧନଶ୍ରୀ ବର୍ମା ଆଜିକାଲି ବେଶ୍‌ ଚର୍ଚ୍ଚାରେ ଅଛନ୍ତି। ପ୍ରତିଦିନ ତାଙ୍କ ଭିଡିଓ ଭାଇରାଲ...

ତେନ୍ଦୁଲକର ସ୍ବାର୍ଥ ନିହିତ ମାମଲାରୁ ମୁକ୍ତ

ନୂଆଦିଲ୍ଲୀ, ୨୮ା୫ (ପି.ଟି.)- କ୍ରିକେଟ ଉପଦେଷ୍ଟା କମିଟି (ସିଏସି) ରେ ରହିବେ ନାହି ବୋଲି ସଚିନ ତେନ୍ଦୁଲକର କହିବା ପରେ ସେ ସ୍ବାର୍ଥ ନିହିତ ମାମଲାରୁ...

୨୦ ବର୍ଷୀୟ ଏହି ଭାରତୀୟ କ୍ରିକେଟରଙ୍କ ସରିଲା ନିର୍ବନ୍ଧ

ଏବେ ଚାଲିଛି ବିବାହ ଋତୁ। କ୍ରିକେଟରଙ୍କଠାରୁ ଆରମ୍ଭ କରି ବଲିଉଡ୍‌ ଅଭିନେତ୍ରୀ ଅଭିନେତାମାନଙ୍କୁ ମଧ୍ୟ ଏହି ସିଜିନ୍‌ରେ ବିବାହ କରୁଥିବାର ଦେଖାଯାଇଛି। ଏହି କ୍ରମରେ ସାମିଲ...

ସବୁ ସୀମା ଟିପଲେ ଏହି କ୍ରିକେଟ୍‌ଙ୍କ ସ୍ତ୍ରୀ, ଭିଡିଓ ଶେୟାର କରି କହିଲେ…

ଭାରତୀୟ କ୍ରିକେଟ୍‌ର ମହମ୍ମଦ ଶାମିଙ୍କ ସ୍ତ୍ରୀ ହସିନ ଜାହାନ ପ୍ରାୟତଃ ଚର୍ଚ୍ଚାରେ ରହିଥାନ୍ତି। ହସିନଙ୍କ ସହ ଶାମିଙ୍କ ବିବାଦକୁ ସମସ୍ତେ ମନେ ରଖିଛନ୍ତି। ସୋସିଆଲ ମିଡିଆରେ...

‘ସେ ଟଙ୍କା ନୁହେଁ, ଖେଳିବାକୁ ଚାହାନ୍ତି’

ମୁମ୍ବାଇ,୨୮।୧: ଦୀପକ ହୁଡା ଟଙ୍କା ନୁହେଁ, କ୍ରିକେଟ ଖେଳିବାକୁ ଭଲ ପାଆନ୍ତି। ଯେମିତି ଚକୋଲେଟ୍‌ ପ୍ରତି ଲୋକଙ୍କ ଭଲ ପାଇବା ଥାଏ, ଠିକ୍‌ ସେମିତି ସେ...

୧୦୦ ମିଟର ଫ୍ରି-ଷ୍ଟାଇଲ ରେକର୍ଡ ବଜାୟ ରଖିଲେ ମାନୁଏଲ୍‌

ଗ୍ବାଙ୍ଗଜୁ (ଦକ୍ଷିଣ କୋରିଆ), ୨୬ା୭ (ଏଏଫ୍‌ପି)-ଆମେରିକାର ସିମୋନ୍‌ ମାନୁଏଲ୍‌ ତାଙ୍କ ୧୦୦ ମିଟର ଫ୍ରିଷ୍ଟାଇଲ ବିଶ୍ୱ ଟାଇଟଲ ବଜାୟ ରଖିଛନ୍ତି। ଗ୍ବାଙ୍ଗଜୁରେ ଏହି ଅଲିମ୍ପିକ ଚାମ୍ପିୟନ...

ଟସ୍‌ ପୂର୍ବରୁ ପାରାଟ୍ରୁପର୍ସ ଯୋଜନା ବାତିଲ

କୋଲକାତା,୨୨।୧୧- ବାଂଲାଦେଶ ଓ ଭାରତ ମଧ୍ୟରେ ଐତିହାସିକ ଦିବାରାତ୍ର ଟେଷ୍ଟ ଆରମ୍ଭ ହୋଇଯାଇଛି। ଏହି ମ୍ୟାଚ୍‌ରେ ଟସ୍‌ ପଡ଼ିବା ପୂର୍ବରୁ ହେଲିକ୍ୟାପଟର ଉଡୁଥିବାବେଳେ ଯବାନମାନେ ଗ୍ରାଉଣ୍ଡରେ...

ବାରବାଟୀରେ ହାରିଲା ଟିମ୍‌ ଇଣ୍ଡିଆ

କଟକ ଅଫିସ,୧୨।୬: ସ୍ଥାନୀୟ ବାରବାଟୀ ଷ୍ଟାଡିୟମରେ ରବିବାର ଖେଳାଯାଇଥିବା ଦ୍ୱିତୀୟ ଟି୨୦ ମ୍ୟାଚ୍‌ରେ ଦକ୍ଷିଣ ଆଫ୍ରିକା ୪ ଉଇକେଟରେ ଟିମ୍‌ ଇଣ୍ଡିଆକୁ ହରାଇ ଦେଇଛି। ଏହି...

Advertisement
Archives

Model This Week