ଛତ୍ରପୁର,୧୯ା୯(ଡି.ଏନ.ଏ.):ଆଜାଦୀ କି ଅମୃତ ମହୋତ୍ସବ ପାଳନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହର ଘର ତ୍ରିରଙ୍ଗା କାର୍ଯ୍ୟକ୍ରମ ପାଇଁ ଆହ୍ବାନ ଦେଇଥିଲେ। ସ୍ବାଧୀନତା ଦିବସରେ ପ୍ରତ୍ୟେକ ବ୍ୟକ୍ତି ନିଜ ଘର ଆଗରେ ଜାତୀୟ ପତାକା ଉଡାଇବାକୁ କୁହାଯାଇଥିଲା। ଏହି ପରିପ୍ରେକ୍ଷୀରେ ଲକ୍ଷାଧିକ ଜାତୀୟ ପତାକା ଆବଶ୍ୟକ ପଡିଥିଲା। ଗଞ୍ଜାମ ଜିଲାରେ ବିଭିନ୍ନ ମହିଳା ସ୍ବୟଂ ସହାୟିକା ଗୋଷ୍ଠୀର ପ୍ରଡ୍ୟୁସର ଗ୍ରୁପ (ପିଜି)କୁ ୨ ଲକ୍ଷ ୫୦ ହଜାର ଜାତୀୟ ପତାକା ତିଆରି କରିବା ପାଇଁ ଓଡିଶା ସରକାର ଦାୟିତ୍ୱ ଦେଇଥିଲେ। ଗୋଷ୍ଠୀ ସଭ୍ୟାମାନେ ଉକ୍ତ ଲକ୍ଷ୍ୟ ଲକ୍ଷ୍ୟ ପୂରଣ କରିଛନ୍ତି। ଷ୍ଟିଚଂ ସହ ଏହା ଏମାନେ ବିଭିନ୍ନ ଅଞ୍ଚଳକୁ ପଠାଇଥିଲେ। ଭୁବନେଶ୍ୱରରୁ ଡାକରା ପାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏହି ଗ୍ରୁପର ମୁଖ୍ୟମାନେ ଭେଟିଥିଲେ। ସଫଳତା ପାଇଁ ମୁଖ୍ୟମନ୍ତ୍ରୀ ସେମାନଙ୍କୁ ପ୍ରଶଂସା କରିଛନ୍ତି । ସୂଚନାଯୋଗ୍ୟ, ମିଶନ ଶକ୍ତି ଅଧୀନ ମହିଳା ସ୍ବଂୟ ସହାୟିକା ଗୋଷ୍ଠୀର ସଦସ୍ୟା ତଥା ପିଜି ଗ୍ରୁପର ୬୦ଟି ଟେଲରିଂ ୟୁନିଟ୍ ତ୍ରିରଙ୍ଗା ପ୍ରସ୍ତୁତିରେ ସାମିଲ ହୋଇଥିଲେ। ସେଥିମଧ୍ୟରେ ଆସିକା, ବେଗୁନିଆପଡା, ବେଲଗୁଣ୍ଠା, ବୁଗୁଡା, ଜଗନ୍ନାଥପ୍ରସାଦ, ଖଲ୍ଲିକୋଟ, ପୁୁରୁଷୋତ୍ତମପୁର, ସାନଖେମୁଣ୍ଡି, ଶେରଗଡ ଓ ସୋରଡା ବ୍ଲକର ୨ଟି ଲେଖାଏ, ବ୍ରହ୍ମପୁରର ୩, ଭଞ୍ଜନଗର, ଧରାକୋଟ, କବିସୂର୍ଯ୍ୟନଗର, କୁକୁଡାଖଣ୍ଡି, ପାତ୍ରପୁର, ପୋଲସରା ବ୍ଲକର ୩ଟି ଲେଖାଏ, ଛତ୍ରପୁର ବ୍ଲକର ୪ଟି ଏବଂ ଗଂଜାମ ବ୍ଲକର ୫ଟି ପିଜି ଟେଲରିଂ ୟୁନିଟ୍ ତ୍ରିରଙ୍ଗା ପ୍ରସ୍ତୁତି ଲକ୍ଷ୍ୟ ପୂରଣ କରିଥିଲେ। ପ୍ରତ୍ୟେକ ୟୁନିଟ୍କୁ ୪୧୬୭ ଲେଖାଏ ତ୍ରିରଙ୍ଗା ପ୍ରସ୍ତୁତ କରିବାକୁ ଦାୟିତ୍ୱ ଦିଆଯାଇଥିଲା।
