ଭୁବନେଶ୍ୱର,୧୭ା୮(ବ୍ୟୁରୋ):: ରାଜ୍ୟରେ ଗୋଟିଏ ଦିନରେ ୫୦ ହଜାରରୁ ଅଧିକ କରୋନା ନମୁନା ପରୀକ୍ଷା କରି କୋଭିଡ୍-୧୯ ବିରୋଧରେ ଓଡିଶା ମାଇଲଖୁଣ୍ଟ ସ୍ଥାପନ କରିପାରିଛି। ସ୍ବାସ୍ଥ୍ୟକର୍ମୀ ଓ କରୋନା ଯୋଦ୍ଧାମାନେ ଟେଷ୍ଟ, ଟ୍ରେସ ଓ ଟ୍ରାକକୁ ଗୁରୁତ୍ୱ ଦେଇ କାର୍ଯ୍ୟ କରୁଥିବାରୁ ଲୋକଙ୍କ ଜୀବନ ବଞ୍ଚୁଛି। ଏଥିଲାଗି ସ୍ବାସ୍ଥ୍ୟକର୍ମୀଙ୍କ ନିରନ୍ତର ପ୍ରୟାସକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଶଂସା କରିଛନ୍ତି। ଏନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି। ଟୁଇଟ୍ରେ ଦର୍ଶାଯାଇଛି, ସ୍ବାସ୍ଥ୍ୟ କର୍ମୀ ଓ କରୋନା ଯୋଦ୍ଧାମାନେ ଟେଷ୍ଟ, ଟ୍ରେସ୍ ଓ ଟ୍ରାକକୁ ଗୁରୁତ୍ୱ ଦେଇ ନିରନ୍ତର ଚେଷ୍ଟା କରୁଥିବାରୁ ବର୍ତ୍ତମାନ ରାଜ୍ୟରେ ଏକ ଭଲ ପରିସ୍ଥିତି ସୃଷ୍ଟି ହେବା ସଙ୍ଗେସଙ୍ଗେ ଲୋକଙ୍କ ଜୀବନ ରକ୍ଷା ହୋଇ ପାରୁଥିବା କୁହାଯାଇଛି। ଏ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେମାନଙ୍କୁ ପ୍ରଶାଂସା କରିଛନ୍ତି।
