ଭୁବନେଶ୍ୱର,୧୧।୬(ବ୍ୟୁରୋ): ନାରୀ ନିର୍ଯାତନାରେ ଓଡ଼ିଶା ଆଜି ଦେଶରେ ପ୍ରଥମ ସ୍ଥାନ ଅଧିକାର କରିଛି ା ମହିଳାଙ୍କୁ ସବୁଠୁ ଅଧିକ ଅତ୍ୟାଚାର ଏବଂ ଭୋଟବ୍ୟାଙ୍କ ପାଇଁ ଅଧିକ ବ୍ୟବହାର କରୁଥିବା ଦଳ ହେଉଛି ବିଜୁ ଜନତା ଦଳ ା ୨୩ ବର୍ଷର ବିଫଳତାକୁ ଲୁଚାଇବା ପାଇଁ ବିଜେଡି ବର୍ତ୍ତମାନ ମହିଳାଙ୍କୁ ଅସ୍ତ୍ର କରିଛି ା ରାଜ୍ୟରେ ଘଟିଯାଉଥିବା ଅଧିକାଂଶ ମହିଳା ଉପତ୍ୀଡ଼ନ କ୍ଷେତ୍ରରେ ଶାସକ ଦଳର ନେତା ଓ ମନ୍ତ୍ରୀଙ୍କ ସମ୍ପୃକ୍ତି ଥିବା କାହାକୁ ଅଛପା ହୋଇ ରହିନାହିଁ ା ବିଜେଡି ନାରୀ ନିର୍ଯାତନାର ଅନ୍ତୁଡ଼ିଶାଳ ହୋଇଛି ବୋଲି ରାଜ୍ୟ ଭାଜପା ସାଧାରଣ ସମ୍ପାଦକ ଲେଖାଶ୍ରୀ ସାମନ୍ତସିଂହାର କହିଛନ୍ତି ା
ସେ କହିଛନ୍ତି ଯେ ବିଜୁ ଜନତା ଦଳର ପ୍ରବକ୍ତାମାନେ ଅତ୍ୟନ୍ତ ନିମ୍ନସ୍ତରକୁ ଓହ୍ଲାଇ ଅରୁଚିକର ଲିଖିତ ବକ୍ତବ୍ୟକୁ ପଢ଼ିଦେଉଛନ୍ତି ା ମହିଳା ସମ୍ମାନ ପ୍ରସଙ୍ଗରେ କାଚଘରେ ରହୁଥିବା ବିଜେଡିର ପ୍ରବକ୍ତାମାନେ ଅନ୍ୟ ଉପରେ ଢେଲା ମାରିବା କାଯର୍ୟରୁ ନିବୃତ୍ତ ରୁହନ୍ତୁ ା ଆଉ ନିଜ ସ୍ଥିତିକୁ ବଜାୟ ରଖିବା ପାଇଁ ବିଜେଡି ନେତାମାନେ ବାଉଳାଚାଉଳା ବକ୍ତବ୍ୟ ଦେଉଛନ୍ତି ବୋଲି ଲେଖାଶ୍ରୀ କହିଛନ୍ତି ା
