ନୂଆଦିଲ୍ଲୀ,୧୮।୧: ବଡ ଭାଇ ୟୁସୁଫ ପଠାନଙ୍କ ବଲରେ ଏକ ଶକ୍ତିଶାଳୀ ଛକା ମାରି ଇରଫାନ ପଠାନ ତାଙ୍କ ଦଳକୁ ବିଜୟ ଦେଇଥିଲେ, କିନ୍ତୁ ଛକା ମାରିବା ପରେ ଇରଫାନ ତାଙ୍କ ବଡ଼ ଭାଇ ୟୁସୁଫଙ୍କୁ ପଡିଆ ଭିତରେ ହିଁ ଆଲିଙ୍ଗନ କରିଥିଲେ। ଘଟରା ହେଲା, ଏକ ଚ୍ୟାରିଟି ମ୍ୟାଚରେ ଇରଫାନ ଏବଂ ୟୁସୁଫ ପଠାନ ବିଭିନ୍ନ ଦଳରୁ ପରସ୍ପର ବିପକ୍ଷରେ ଖେଳୁଥିଲେ। ମ୍ୟାଚରେ ଏପରି ପରିସ୍ଥିତି ସୃଷ୍ଟି ହୋଇଥିଲା ଯେ ଇରଫାନ ଭାଇ ୟୁସୁଫଙ୍କ ବଲରୁ ଛକା ମାରିବାକୁ ବାଧ୍ୟ ହୋଇଥିଲେ।
ୱାନ ୱାଲର୍ଡ ଏବଂ ୱାନ ଫ୍ୟାମିଲି ମଧ୍ୟରେ ଚାରିଟି ମ୍ୟାଚ ଖେଳାଯାଇଥିଲା। ଏହି ମ୍ୟାଚରେ ଇରଫାନ ପଠାନଙ୍କ ୱାନ ୱାଲର୍ଡ ଦଳ ଶେଷ ୨ବଲରେ ୩ରନ ଆବଶ୍ୟକ କରିଥିଲା। ଷ୍ଟ୍ରାଇକରେ ଇରଫାନ ଉପସ୍ଥିତ ଥିଲେ ଏବଂ ତାଙ୍କ ବଡ ଭାଇ ୟୁସୁଫ ପଠାନ ଓ୍ବାନ ଫ୍ୟାମିଲି ତରଫରୁ ବୋଲିଂ କରୁଥିଲେ। ଇରଫାନ ଭାଇ ୟୁସୁଫଙ୍କ ବଲରେ ପାଦ ଦେଇ ଏକ ଚମତ୍କାର ହିଟ କରି ୱାନ ୱାଲର୍ଡକୁ ମ୍ୟାଚର ବିଜେତା କରିଥିଲେ। କିନ୍ତୁ ଏହି ଛକା ମାରିବା ପରେ ଇରଫାନ ଯାଇ ୟୁସୁଫ ପଠାନଙ୍କୁ ଆଲିଙ୍ଗନ କରିଥିଲେ, ଯାହାର ଭିଡିଓ ସୋସିଆଲ ମିଡିଆରେ ଖୁବ ଶୀଘ୍ର ଭାଇରାଲ ହେଉଛି।
ଭାଇରାଲ ଭିଡିଓରେ ଏହା ଦେଖିବାକୁ ମିଳେ ଯେ ଇରଫାନ ପଠାନ ତାଙ୍କ ବଡ଼ ଭାଇଙ୍କ ବଲରେ ପାଦ ରଖି ଆଗ ପାର୍ଶ୍ୱରେ ଏକ ଶକ୍ତିଶାଳି ଛକା ମାରିଥିଲେ। ଏହି ୬ ମାରିବା ପରେ ଇରଫାନ ହସି ହସି ୟୁସୁଫ ପଠାନଙ୍କ ନିକଟକୁ ଯାଇ ତାଙ୍କୁ ଆଲିଙ୍ଗନ କଲେ। ଆଲିଙ୍ଗନ କରିବା ପରେ, ୟୁସୁଫ ତାଙ୍କ ସାନଭାଇଙ୍କ ପିଠିଥାପୁଡାଇ ଦେଇଥିଲେ। ଏହା ପରେ ମ୍ୟାଚ ଶେଷ ହେଲା ଏବଂ ସମସ୍ତ ଖେଳାଳି ଡ୍ରେସିଂ ରୁମ ଆଡକୁ ଗଲେ । ଏହି ସମୟରେ ମନ୍ତବ୍ୟ ଦେଉଥିବା ଆକାଶ ଚୋପ୍ରା କହିଛନ୍ତି ଯେ ଦୁଇ ଭାଇଙ୍କ ମଧ୍ୟରେ ବହୁତ ଭଲପାଇବା ଅଛି।
https://twitter.com/Priteshjoshi100/status/1747897958673133648?ref_src=twsrc%5Etfw%7Ctwcamp%5Etweetembed%7Ctwterm%5E1747897958673133648%7Ctwgr%5E3c01cad46859e476073f9474d82c2840486f2888%7Ctwcon%5Es1_&ref_url=https%3A%2F%2Fwww.abplive.com%2Fsports%2Fcricket%2Firfan-pathan-hugged-yousuf-pathan-after-hitting-six-in-his-bowling-in-charity-match-interesting-and-loveable-video-viral-2588935
