ଥାନା ସମ୍ମୁଖ ଡ୍ରେନରୁ ମିଳିଲା ନବଜାତ ଶିଶୁ୍‌କନ୍ୟାର ମୃତଦେହ
12:45 pmNovember 9, 2023November 9, 2023 / 08

ପୁରୁଷୋତ୍ତମପୁର,୯।୧୧(ସିମାଞ୍ଚଳ ମିଶ୍ର): ସରକାର ଶିଶୁ କନ୍ୟାଙ୍କର ସୁରକ୍ଷା ପ୍ରତି ଗରୁତ୍ୱ ଦେଉଥିବା ବେଳେ ଗଞ୍ଜାମ ଜିଲାର ପୁରୁଷୋତ୍ତମପୁରରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ପୁରୁଷୋତ୍ତମପୁର ଥାନା ସମ୍ମୁଖରେ ଥିବା ଏକ ଡ୍ରେନ ମଧ୍ୟରେ ଏକ ଶିଶୁକନ୍ୟାଙ୍କର ମୃତଦେହ ଉଦ୍ଧାର କରାଯାଇଛି। ଦୀର୍ଘ ପାଞ୍ଚ ଘଣ୍ଟାରୁ ଉର୍ଦ୍ଧ ସମୟ ଧରି ଏକ ନବଜାତ ଶିଶୁ କନ୍ୟାର ମୃତଦେହ ଡ୍ରେନରେ ପଡିରହିଥିଲା। ତେବେ ଲୋକେ ରୁଣ୍ଡ ହେବା ପରେ ଘଟଣା ସାମ୍ନାକୁ ଆସିଥିଲା।
ଏନସି ପକ୍ଷରୁ ଲାଗିଥିବା ସିସି କ୍ୟାମେରାରେ କଏଦ ହୋଇଥିବା ଭିଡିଓରୁ ସତ୍ୟତା ଜଣା ପଡି ନ ଥିବାବେଳେ କିଛି ଦୃଶ୍ୟକୁ ନେଇ ସନ୍ଦେହ ପ୍ରକାଶ ପାଇଛି। କ୍ୟାମେରାରେ କଏଦ ଦୃଶ୍ୟ ଅନୁଯାୟୀ, ଏକ ଅଟୋଯୋଗେ ତିନିଜଣ ଯୁବକ ଜଣେ ମହିଳାଙ୍କୁ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ। କିଛି ସମୟପରେ ପୁଣି ସେହି ମହିଳାଙ୍କୁ ସ୍ବାସ୍ଥ୍ୟ କେନ୍ଦ୍ରରୁ ବାହାରକୁ ଆଣି ଏକ ପରିଶ୍ରାଗାରକୁ ନେଇଥିଲୋ ସେଠାରେ ମହିଳା ଜଣଙ୍କ ଶିଶଙ୍କୁ ଜନ୍ମଦେଇଥିବାର ଅନୁମାନ କରାଯଉଛି। ଏହାପରେ ଜଣେ ଯୁବକ ସେହି ପରିଶ୍ରାଗାରକୁ ଯାଇ ଏକ ବାଲଟିରେ କିଛି ଆଣି ଡ୍ରେନରେ ଫୋପାଡି ଦେଇଥିବାର ଭିଡିଓରେ ଦେଖାଯାଇଛି।
ତେବେ ଶିଶୁକନ୍ୟା ଜନ୍ମକୁ ନେଇ ଅଣଦେଖା ନା ଅବୈଧ ସଂପର୍କରୁ ଏଭଳି ଘଟିଛି ନା ମହିଳା ଜଣକ ମୃତ ଶିଶୁକୁ ଜନ୍ମଦେଇ ଏଭଳି ଫୋପାଡି ହେଇଛନ୍ତି ତାହା ଏପର୍ଯ୍ୟନ୍ତ ଜଣାପଡି ନାହିଁ। ପୋଲିସ ଶିଶୁର ମୃତଦେହ ଜବତ କରି ତଦନ୍ତ ଚଳାଇଛି।