ଭଞ୍ଜନଗର,୧୦।୧୨(ଡି.ଏନ୍.ଏ.) – ରାଞ୍ଚି-ବିଜୟୱାଡ଼ା କରିଡ଼ର ରାସ୍ତାର ଭଞ୍ଜନଗର ଠାରୁ କଳିଙ୍ଗା ଘାଟି ପର୍ଯ୍ୟନ୍ତ ଜାତୀୟ ରାଜପଥ ନଂ.୧୫୭ କାମ ବହୁଦିନ ହେବ ମନ୍ଥର ଗତିରେ ଚାଲିଛି। ଫଳରେ ରାସ୍ତାର ଅନେକ ସ୍ଥାନରେ ବଡ଼ ବଡ଼ ଖାଲ ହୋଇଗଲାଣି। ଉକ୍ତ ରାସ୍ତାରେ ଯାତାୟାତ ବେଳେ ଚାଳକ ନାହିଁ ନ ଥିବା ଅସୁବିଧା ଭୋଗୁଛନ୍ତି। ସେହିଭଳି ଆସିକା ଠାରୁ ଭଞ୍ଜନଗର ଜାତୀୟ ରାଜପଥର ମଧ୍ୟ ଅନେକ ସ୍ଥାନରେ ବଡ଼ବଡ଼ ଖାଲ ହୋଇଗଲାଣି। ଏଠାରେ ମଧ୍ୟ ଚାଳକ ସମାନ ହଇରାଣ ହେଉଛନ୍ତି। ରାସ୍ତା ଖରାପ ଯୋଗୁ ଦୈନନ୍ଦିନ ଛୋଟବଡ଼ ଦୁର୍ଘଟଣା ସହ ଗାଡି ମଧ୍ୟ ଖରାପ ହେଉଛି। ଏଥିପ୍ରତି ବିଭାଗୀୟ ଉଚ୍ଚ କର୍ତ୍ତୃପକ୍ଷ ଦୃଷ୍ଟିଦେଇ ଆବଶ୍ୟକ ପଦକ୍ଷେପ ନେବା ଆବଶ୍ୟକତା ରହିଛି।
ଭଞ୍ଜନଗର ଆସିକା ରାସ୍ତାର କେନ୍ଦୁପଦର, କେଶରାପଲ୍ଲୀ, ସୁମନ୍ତପଲ୍ଲୀ, ଗୁଣ୍ଠପଡ଼ା, ମୁନିଗାଡ଼ି, କ୍ଷତ୍ରିୟବରପୁର, ଦେଓଭୂମି ପ୍ରମୁଖ ସ୍ଥାନରେ ରାସ୍ତା ଅବସ୍ଥା ଶୋଚନୀୟ ହୋଇପଡ଼ିଲାଣି।
ସେହିଭଳି ଭଞ୍ଜନଗର କଳିଙ୍ଗା ରାସ୍ତାର କଲେଜ ପଡ଼ିଆ ସମ୍ମୁଖ, ଲାଲସିଂ ନର୍ସରୀ ନିକଟ, ଗଣ୍ଡିଶୁଳା ଛକ, ବୁଦୁଲି ନିକଟସ୍ଥ ଆଦି ସ୍ଥାନରେ ରାସ୍ତାରେ ବଡ଼ବଡ଼ ଖାଲ ହୋଇଗଲାଣି। ଗୋଟିଏ ପଟେ ସରକାର ଯାନାବାହାନରେ କାଗଜପତ୍ର ଠିକ୍ ନଥିଲେ ଜରିମାନା ଆଦାୟ କରୁଛନ୍ତି, ଅଥଚ ରାସ୍ତା ମରାମତି ପ୍ରତି ଦୃଷ୍ଟି ଦିଆଯାଉନାହିଁ। ବିଭିନ୍ନ ସମୟରେ ପ୍ରଶାସନ ଓ ବସ୍ ମାଲିକମାନଙ୍କ ମଧ୍ୟରେ ସମନ୍ବୟ ବୈଠକ ହେଲେ ବସ୍ ମାଲିକ ମାନେ ପ୍ରଥମେ ରାସ୍ତା ମରାମତି ଦାବି ଉପସ୍ଥାପନ କରୁଛନ୍ତି। ବୈଠକ ସରିଯିବା ପରେ ପ୍ରଶାସନ ରାସ୍ତା ମରାମତି ପ୍ରତି ଯେତିକି ଦୃଷ୍ଟି ଦେବାକଥା ଦେଉନାହାନ୍ତି। ଜାତୀୟ ରାଜପଥ କର୍ତ୍ତୃପକ୍ଷ ଏନେଇ ତୁରନ୍ତ ଦୃଷ୍ଟି ନଦେଲେ ଆଗାମୀ ଦିନରେ ଆନ୍ଦୋଳନ ହେବାର ସମ୍ଭାବନା ରହିଛି।
ଏନେଇ ଭଞ୍ଜନଗର ଘରୋଇ ବସ୍ ମାଲିକ ସଂଘ ସମ୍ପାଦକ ବିପ୍ରଚରଣ ବାରିକ କହିଛନ୍ତି, ରାସ୍ତା ଖରାପ ନେଇ ବାରମ୍ବାର ବିଭିନ୍ନ ବୈଠକରେ ଦାବି ଉପସ୍ଥାପନ କରାଯାଉଛି। କିନ୍ତୁ ଜାତୀୟ ରାଜପଥ କର୍ତ୍ତୃପକ୍ଷ ଏହାକୁ ଗୁରୁତ୍ୱ ଦେଉନାହାନ୍ତି। ରାସ୍ତା ଖରାପ ଯୋଗୁ ଗାଡ଼ି ଟାୟାର ଅଳ୍ପ ଦିନରେ ନଷ୍ଟ ହେଉଛି, ଦୁର୍ଘଟଣା ମଧ୍ୟ ବଢ଼ୁଛି। ଗୋଟିଏ ପଟେ କରୋନା ଯୋଗୁ ବସ୍ରେ ଆବଶ୍ୟକ ଯାତ୍ରୀ ହେଉ ନଥିବା ଯୋଗୁ ଗାଡ଼ିମାଲିକ କ୍ଷତି ସହୁଥିବା ବେଳେ ଅନ୍ୟପଟେ ରାସ୍ତା ଖରାପ ସମସ୍ୟାକୁ ଦ୍ୱିଗୁଣିତ କରୁଛି। ବିଭାଗୀୟ ଉଚ୍ଚ କର୍ତ୍ତୃପକ୍ଷ ଜାତୀୟ ରାଜପଥ ମରାମତି
