ବଲିଉଡ ଅଭିନେତା ସୋନୁ ସୁଦଙ୍କ ନାମ ଏବେ ସବୁଠି ଚର୍ଚ୍ଚା। ଲକଡାଉନ ସମୟରେ ଲୋକମାନଙ୍କୁ ସାହାଯ୍ୟ କରିବା ପାଇଁ ସେ ଯେଉଁଭଳି ଭାବରେ ହାତ ବଢ଼ାଉଛନ୍ତି, ତେଣୁ ଲୋକମାନେ ତାଙ୍କୁ ରିଲ ହିରୋ ପରିବର୍ତ୍ତେ ରିୟଲ୍ ହିରୋ ଆଖ୍ୟା ଦେଇଛନ୍ତି। ନିକଟରେ ସେ ୨୦୨୦ ପାଇଁ ଗ୍ଲୋବାଲ ଏସୀୟ ସେଲିବ୍ରିଟି ଭାବରେ ମନୋନୀତ ହୋଇଛନ୍ତି। ଗ୍ଲୋବାଲ ଏସୀୟ ସେଲିବ୍ରିଟି ତାଲିକାର ସର୍ବାଗ୍ରେ ଅଛନ୍ତି ସୋନୁ। ସେ ଅନେକ ବଲିଉଡ ସେଲିବ୍ରେଟିଙ୍କ ପଛରେ ପକାଇ ଏହି ଟାଇଟେଳ ହାସଲ କରିଛନ୍ତି। ପରାସ୍ତ କରିଛନ୍ତ। ସୂଚନା ଅନୁଯାୟୀ, ବ୍ରିଟେନରେ ଅବସ୍ଥିତ ଇଷ୍ଟର୍ନ ଆଇ ଖବରକାଗଜ ଦ୍ୱାରା ପ୍ରକାଶିତ ୫୦ ଏସୀୟ ସେଲିବ୍ରିଟିଙ୍କ ମଧ୍ୟରେ ସୋନୁ ସୁଦ ଶୀର୍ଷରେ ରହିଛନ୍ତି। ନିଜ କାର୍ଯ୍ୟ ସହିତ ସମାଜରେ ଏକ ସକରାତ୍ମକ ଚିହ୍ନ ସୃଷ୍ଟି କରଥିବା ତଥା ଲୋକଙ୍କୁ ପ୍ରେରଣା ଯୋଗାଉଥିବା ଲୋକଙ୍କୁ ଏହି ପୁରସ୍କାର ଦିଆଯାଏ। ଏପରି ପୁରସ୍କାର ପାଇବା ପରେ ସୋନୁ ସୁଦ କହିଛନ୍ତି, ମୋର ଉଦ୍ୟମକୁ ସ୍ବୀକୃତି ଦେଇଥିବାରୁ ସମସ୍ତଙ୍କୁ ଧନ୍ୟବାଦ। ମହାମାରୀ କରୋନା ଆସିବା ମୁଁ ଅନୁଭବ କଲି ଯେ ମୋର ଦେଶବାସୀଙ୍କୁ ସାହାଯ୍ୟ କରିବା ମୋର କର୍ତ୍ତବ୍ୟ। ମୁଁ ଜଣେ ଭାରତୀୟ ଭାବରେ ମୋର ଦାୟିତ୍ୱ କଲି ଏବଂ ଶେଷ ନିଶ୍ୱାସ ପର୍ଯ୍ୟନ୍ତ ଏହି କାମ ବନ୍ଦ କରିବି ନାହିଁ ବୋଲି ସେ କହିଛନ୍ତି।
ଗ୍ଲୋବାଲ ଏସୀୟ ସେଲିବ୍ରିଟି ତାଲିକାରେ ଥିବା ବଲିଉଡ୍ ସେଲିବ୍ରିଟି
ଅରମାନ ମଲିକ ପଞ୍ଚମ ସ୍ଥାନ
ପ୍ରିୟଙ୍କା ଚୋପ୍ରା ଜୋନାସ ଷଷ୍ଠ ସ୍ଥାନ
ତେଲୁଗୁ ସୁପରଷ୍ଟାର ପ୍ରଭାସ ସପ୍ତମ ସ୍ଥାନ
ଆୟୁଷ୍ମାନ ଖୁରାନା ଏକାଦଶ ସ୍ଥାନ
ଦିଲଜିତ ଦୋସାଞ୍ଜ ୧୪ତମ ସ୍ଥାନ
ଶାହନାଜ ଗିଲ ୧୬ ତମ ସ୍ଥାନ
ଅମିତାଭ ବଚ୍ଚନ ୨୦ ତମ ସ୍ଥାନ
ପଙ୍କଜ ତ୍ରିପାଠୀ ୨୩ତମ ସ୍ଥାନ
ଆସିମ ରିଆଜ ୨୫ ତମ ସ୍ଥାନ
ଡିଜାଇନର୍ ମାସାବା ଗୁପ୍ତା ୩୨ତମ ସ୍ଥାନ
ହାସ୍ୟ ଅଭିନେତା ସଲୋନି ଗୌର ୩୬ତମ ସ୍ଥାନ
ଧାୱାନି ବଚୁଶାଲି ୪୨ ତମ ସ୍ଥାନ
ହେଲି ଶାହା ୪୭ ତମ ସ୍ଥାନ
ଅନୁଷ୍କା ଶଙ୍କର ୫୦ର ସ୍ଥାନ
