ବୁଗୁଡ଼ା,୧୪ା୨(ଡି.ଏନ.ଏ.) ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପରିପ୍ରେକ୍ଷୀରେ ବୁଗୁଡ଼ା ବ୍ଲକର ୨୧ଟି ପଞ୍ଚାୟତର ମୋଟ ୨୮୭ ଟି ବୁଥ୍ ମଧ୍ୟରୁ ୧୪ ପଞ୍ଚାୟତର ୨୦ ବୁଥ୍ ଅତିଶୟ ସମ୍ବେଦନଶୀଳ ବୋଲି ଜଣାପଡିଛି। ଖୋଳଖାଳି ପଞ୍ଚାୟତର ତାଳସାକର ଗ୍ରାମସ୍ଥ ବୁଥ୍ ନଂ୬ ଓ ଖୋଳଖାଳି ଗ୍ରାମର ବୁଥ୍ ନଂ ୧, ପାଙ୍ଗିଡି ପଞ୍ଚାୟତର ବୁଥ୍ ନଂ ୭, କଳମ୍ବ ପଞ୍ଚାୟତର କାଦପଡା ସ୍ଥିତ ବୁଥ୍ ନଂ ୫, ଏ. କରଡ଼ାବାଡ଼ି ପଞ୍ଚାୟତର ସୋରଡ ଗ୍ରାମସ୍ଥ ବୁଥ୍ ନଂ ୧ ଓ ଏ.କରଡ଼ାବାଡ଼ି ଗ୍ରାମସ୍ଥ ବୁଥ୍ ନଂ ୭, ପୋଚାଲୁଣ୍ଡି ପଞ୍ଚାୟତର ପୋଚାଲୁଣ୍ଡି ଗ୍ରାମସ୍ଥ ବୁଥ୍ ନଂ ୧, କରସିଙ୍ଗି ପଞ୍ଚାୟତର ସମଲେଈ ଗ୍ରାମସ୍ଥ ବୁଥ୍ ନଂ ୩ ଓ କରସିଙ୍ଗି ଗ୍ରାମସ୍ଥ ବୁଥ୍ ନଂ ୫, ତାକରଡ଼ା ପଞ୍ଚାୟତର ତାକରଡ଼ା ଗ୍ରାମସ୍ଥ ବୁଥ୍ ନଂ ୧, ବି.କରଡ଼ାବାଡ଼ି ପଞ୍ଚାୟତର ଦଦରାଖୋଲ ଗ୍ରାମସ୍ଥ ବୁଥ୍ ନଂ ୯ ଓ ବି.କରଡ଼ାବାଡ଼ି ଗ୍ରାମସ୍ଥ ବୁଥ୍ ନଂ ୧, ଭଗବାନପୁର ପଞ୍ଚାୟତର ନୂଆଁ ପାଣିକେଶର ଗ୍ରାମସ୍ଥ ବୁଥ୍ ନଂ ୯, ବିରଞ୍ଚିପୁର ପଞ୍ଚାୟତର ଆଦିପୁର ଗ୍ରାମସ୍ଥ ବୁଥ୍ ନଂ ୧୦, ଗୋଳାବନ୍ଧ ପଞ୍ଚାୟତର ଗୋଲାବଞ୍ଜର ଗ୍ରାମସ୍ଥ ବୁଥ୍ ନଂ ୮, ମାଣିତରା ପଞ୍ଚାୟତର ମାଣିତରା ଗ୍ରାମସ୍ଥ ବୁଥ୍ ନଂ ୫, ଗୌଡିଆବୋରଦା ପଞ୍ଚାୟତର କାନସୁକା ଗ୍ରାମସ୍ଥ ବୁଥ୍ ନଂ ୮ ଓ ଗୁଡିପଲ୍ଲୀ ଗ୍ରାମସ୍ଥ ବୁଥ୍ ନଂ ୧୩, ମୋଟାବାଡ଼ି ପଞ୍ଚାୟତର ନାଗିରି ଗ୍ରାମସ୍ଥ ବୁଥ୍ ନଂ ୧ ଓ ମୋଟାବାଡ଼ି ଗ୍ରାମସ୍ଥ ବୁଥ୍ ନଂ ୧୧ ଆଦି ଅତିଶୟ ସମ୍ବେଦନଶୀଳ ମତଦାନ କେନ୍ଦ୍ର ତାଲିକା ଭୁକ୍ତ ହୋଇଥିବା ନେଇ ବୁଗୁଡ଼ା ଥାନା ଆଇଆଇସି ଚିତ୍ତରଞ୍ଜନ ବେହେରାଙ୍କ ଠାରୁ ସୂଚନା ମିଳିଛି। ପ୍ରକାଶ ଯୋଗ୍ୟ, ଯେକ, ଗତ ୨୦୧୭ର ପଞ୍ଚାୟତ ନିର୍ବାଚନ ପ୍ରରିପ୍ରେକ୍ଷୀରେ ପ୍ରଚାର ସମୟରେ ଭାମଶିଆଳି ଗ୍ରାମରେ ସାଙ୍ଘାତିକ ଗଣ୍ଡଗୋଳ ସହ ବୁଗୁଡ଼ା ବ୍ଲକ ଛକରେ ବୋମାମାଡ ଏବଂ ଗୋଲିଆ ପଞ୍ଚାୟତର ସୀତାରାମପଲ୍ଲୀ ଗାଁରେ ଦୁଇ ବିରୋଧୀ ଗୋଷ୍ଠୀ ମଧ୍ୟରେ ପଥର ମାଡ ବେଳେ ପୋଲିସ ଆହତ ହୋଇଥିବା ଘଟଣା ସାଙ୍ଗକୁ ପାଙ୍ଗିଡ଼ି ପଞ୍ଚାୟତର ବେଲପଡା ଗାଁରେ ନିର୍ବାଚନ ହିଂସାକାଣ୍ଡରେ ଜଣଙ୍କର ମତ୍ୟୁ ଘଟିଥିଲା। ତେବେ ଚଳିତ ପଞାୟତ ନିର୍ବାଚନକୁ ହିଂସାମୁକ୍ତ କରିବା ପାଇଁ ସ୍ଥାନୀୟ ପୋଲିସ ପ୍ରଶାସନ ପକ୍ଷରୁ ଗାଁ ଗାଁରେ ଫ୍ଳାଗ୍ ମାର୍ଚ୍ଚ ସାଙ୍ଗକୁ ଜନସଚେତନତା ସୃଷ୍ଟି ଯୋଗୁ ବର୍ତ୍ତମାନ ପ୍ରାକ୍ ନିର୍ବାଚନୀ ପରିସ୍ଥିତି ଶାନ୍ତି ପୂର୍ଣ୍ଣ ରହିଛି।
