ରିଷିଡ଼ା,୧୬ା୪(ସୁଶାନ୍ତ ମଲ୍ଲିକ): ଗତ କିଛିଦିନ ହେଲା କର୍ଲାମୁଣ୍ଡା ବ୍ଲକ ଅଞ୍ଚଳରେ ତାପମାତ୍ରା ବୃଦ୍ଧି ପାଇବାରେ ଲାଗିଛି। ଗୁରୁବାର ଏଠାରେ ତାପମାତ୍ରା ୪୩ ଡିଗ୍ରୀ ଛୁଇଁଛି। ପ୍ରବଳ ଗୁଳୁଗୁଳି ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇପଡିଛି।
ଏହାର ପ୍ରଭାବ ରିଷିଡା, ଗଜବାହାଲ, ପୌରକେଲା, ରାଜପୁର, ତେରେସିଂହା, ରିଞ୍ଜା ରାଜପୁର, ରେଗେଡା, ସ.ମାଲପଡା, ଯୋରାଡ୍ରୋବରା, ସାପଲହରା ଆଦି ପଞ୍ଚାୟତରେ ଦେଖିବାକୁ ମିଳିଛି। ଜରୁରୀ କାମ ନ ଥିଲେ ଲୋକେ ପୂର୍ୱାହ୍ନ ୧୦ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ଘରୁ ବାହାରୁ ନ ଥିବା ଦେଖାଯାଉଛି।
ଗୁରୁବାର ଏହି ସମୟରେ ରାସ୍ତାଘାଟ ଶୂନଶାନ ରହିଥିଲା। ଗ୍ରୀଷ୍ମପ୍ରବାହ ଯୋଗୁ ନଈନାଳ, ପୋଖରୀ ଆଦି ଶୁଖିବାକୁ ବସିଛି। ଜଳସ୍ତର ହ୍ରାସ ଯୋଗୁ କେତେକ ସ୍ଥାନରେ ପାନୀୟ ଜଳ ସମସ୍ୟା ଦେଖାଦେଇଛି।
