ମୋହାଲି,୨୩।୯: ଭାରତୀୟ କ୍ରିକେଟ ଟିମ୍ ମୋହାଲିରେ ଖେଳାଯାଇଥିବା ପ୍ରଥମ ଦିନିକିଆକୁ ୫ ଉଇକେଟରେ ଜିତି ନେଇଛି। ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ଭାରତକୁ ୨୭୭ ରନ୍ର ଟାର୍ଗେଟ ଦେଇଥିଲା। ଏହାର ଜବାବରେ ଟିମ୍ ଇଣ୍ଡିଆର ଓପନରମାନେ ଦଳକୁ ଭଲ ଆରମ୍ଭ ଦେଇଥିଲେ। ଶୁଭମନ ଗିଲ ଏବଂ ଋତୁରାଜ ଗାୟକଓ୍ବାଡ ପ୍ରଥମ ଉଇକେଟ ଲାଗି ୧୪୨ରନ୍ର ଭାଗିଦାରି କରିଥିଲେ। ପରେ ସୂର୍ଯ୍ୟକୁମାର ଯାଦବ ଏବଂ କେଏଲ୍ ରାହୁଲଙ୍କ ୮୦ ରନ୍ର ଭାଗିଦାରି ବଳରେ ଦଳ ସହଜରେ ହାସଲ କରିଥିଲା। ଗିଲ ୭୪, ଋତୁରାଜ ୭୧, ସୂର୍ଯ୍ୟକୁମାର ୫୦ ରନ୍ ଏବଂ କେଏଲ୍ ଅପରାଜିତ ୫୮ ରନ୍ର ଇନିଂସ କରିଥିଲେ। ଏଭଳି ଭାବେ ଦଳ ମୋହାଲିରେ ୨୭ ବର୍ଷ ପରେ ଅଷ୍ଟ୍ରେଲିଆକୁ ପରାଜିତ କରିଛି।
