ଦୁବାଇ, ୨୩ା୧୦ (ପି.ଟି)- ମହିଳା ଟି୨୦ ଚ୍ୟାଲେଞ୍ଜରେ ଅଂଶଗ୍ରହଣ କରିବା ଲାଗି ଭାରତର ୩୦ ଶ୍ରେଷ୍ଠ ମହିଳା କ୍ରିକେଟ ଖେଳାଳି ଗୁରୁବାର ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରେ ପହଞ୍ଚତ୍ଛନ୍ତି। ‘ମିନି ଓମେନ ଆଇପିଏଲ୍’ ଭାବେ ପରିଚିତ ଏହି ଟୁର୍ନାମେଣ୍ଟ ଶାରଚାରେ ନଭେମ୍ବର ୪ରୁ ୯ ପର୍ଯ୍ୟନ୍ତ ହେବ। ଗସ୍ତ ପୂର୍ବରୁ ଟି୨୦ ଅଧିନାୟିକା ହରମନପ୍ରୀତ କୌର, ବ୍ୟାଟ୍ସଓମ୍ୟାନ ସ୍ମୃତି ମନ୍ଧାନା ଓ ଜେମିମା ରୋଡ୍ରିଗୁଏଜ୍ଙ୍କ ଭଳି ପୁରୁଖା ଖେଳାଳି ମୁମ୍ବାଇରେ ୯ଦିନ ଧରି କ୍ୱାରାଣ୍ଟାଇନ୍ରେ ରହିସାରିଛନ୍ତି। ସେମାନଙ୍କର ଏକାଧିକ ଥର ଆରଟି-ପିସିଆର୍ ଟେଷ୍ଟ ସରିଛି। ‘ବାୟା-ବବଲ’ରେ ପ୍ରବେଶ ପୂର୍ବରୁ ପୁରୁଷ ଖେଳାଳିଙ୍କ ଭଳି ମହିଳା ଖେଳାଳିଙ୍କୁ ସେଠାରେ ୬ ଦିନ ସଙ୍ଗରୋଧରେ ରହିବାକୁ ପଡ଼ିବ। ସେମାନଙ୍କ ପାଇଁ ପ୍ରସ୍ତୁତ କରାଯାଇଥିବା ଜୈବ ସୁରକ୍ଷିତ ପରିବେଶରେ ପ୍ରବେଶ ପାଇଁ ଅନୁମତି ଦିହାଯିବା ପୂର୍ବରୁ ସୋମାନଙ୍କର ପ୍ରଥମ, ଦ୍ୱିତୀୟ, ତୃତୀୟ ଓ ପଞ୍ଚମ ଦିବସରେ ଟେଷ୍ଟ ଅନୁଷ୍ଠିତ ହେବ। ତିନୋଟି ଦଳର ନେତୃତ୍ୱ ନେବେ ମିଥାଲି ରାଜ, ମନ୍ଧାନା ଓ ହରମନପ୍ରୀତ୍। ଟୁର୍ନାମେଣ୍ଟରେ ଡିଏଣ୍ଡ୍ରା ଡଟିନ୍, ସୋଫି ଏକଲେଷ୍ଟୋନ୍, ଡାନିଲି ୟାଟ୍ ଓ ଚାମରି ଆଟାପାଟୁଙ୍କ ଭଳି ବିଦେଶୀ ଷ୍ଟାର ଖେଳାଳିମାନେ ଭାଗ ନେବେ। କୋଭିଡ୍ ଦେଖାଦେବା ପରଠାରୁ ପ୍ରଥମ ଆନ୍ତର୍ଜାତୀୟ ସିରିଜ ଖେଳିବା ଲାଗି ସେଠାରୁ ଭାରତୀୟ ମହିଳା ଦଳ ଶ୍ରୀଲଙ୍କା ଯାଇପାରେ ବୋଲି ଶୁଣିବାକୁ ମିଳୁଛି।
