ଷ୍ଟାଇଲିଶ୍ ଏବଂ ଟ୍ରେଣ୍ଡି ଦେଖାଯିବା ପାଇଁ ଯୁବପିଢ଼ି ନୂଆ ନୂଆ ଫ୍ୟାଶନ୍କୁ ଆପଣେଇଥା’ନ୍ତି । ଏହାର ଜ୍ୱଳନ୍ତ ଉଦାହରଣ ସନ୍ଗ୍ଲାସ୍। ସବୁ ସମୟରେ ଏହା ବ୍ୟବହାର ହେଉଥିଲେ ବି ଖରାଦିନେ ଏହାର ଚାହିଦା ସବୁଠୁ ଅଧିକ। ଏହାକୁ ଆଖି ଆଗରେ ରଖି ମାର୍କେଟ୍ରେ ଭଳିକି ଭଳି ଷ୍ଟାଇଲିଶ୍ ସନ୍ଗ୍ଲାସ୍ ଉପଲବ୍ଧ। ଜାଣନ୍ତୁ ଏଭଳି କିଛି ଷ୍ଟାଇଲିଶ୍ ସନ୍ଗ୍ଲାସ୍ ବିଷୟରେ…
ଜିଓମେଟ୍ରିକ୍ ସନ୍ଗ୍ଲାସ୍: ଏହି ସନ୍ଗ୍ଲାସ୍ ଷ୍ଟାଇଲିଶ୍ ଏବଂ ଫ୍ୟାନ୍ସି ଲୁକ୍ ଦେଇଥାଏ। ବ୍ଲାକ୍ କଲର ବ୍ୟତୀତ ବିଭିନ୍ନ କଲରରେ ବଜାରରେ ଉପଲବ୍ଧ। ଏହାକୁ ପିନ୍ଧି କୌଣସି ପାର୍ଟି ଫଙ୍କସନ୍ରେ ମଧ୍ୟ ଆଟେଣ୍ଡ କରିପାରିବେ। ଏହାର ଗ୍ଲାସ୍ ହୋରାଇଜଣ୍ଟାଲ୍ ଏବଂ ରେକ୍ଟାଙ୍ଗଲ୍ ଶେପ୍ର ହୋଇଥାଏ। ରାଉଣ୍ଡ ଶେପ୍ ଫେସ୍କୁ ଏହି ଗ୍ଲାସ୍ ଷ୍ଟାଇଲିଶ୍ ଲୁକ୍ ଦେଇଥାଏ।
କ୍ୟାଟ୍ ଆଇ ସନ୍ଗ୍ଲାସ୍ : ବର୍ତ୍ତମାନ ଟ୍ରେଣ୍ଡରେ ରହିଛି କ୍ୟାଟ୍ ଆଇ ସନ୍ଗ୍ଲାସ୍। ଏହି ଗ୍ଲାସ୍କୁ କ୍ୟାଟ୍ ଗ୍ଲାସ୍ କିମ୍ବା କ୍ୟାଟ୍ ଆଇ ମଧ୍ୟ କୁହନ୍ତି। ଖାସ୍ କରି ଯୁବତୀମାନେ ଏହି ଗ୍ଲାସ୍ ପିନ୍ଧିବାକୁ ପସନ୍ଦ କରୁଛନ୍ତି। ଏହି ଗ୍ଲାସ୍ର ସ୍ମଲ୍ କ୍ୟାଟ୍ ଆଇ ସାଇଜ୍ ଏବଂ ରେଟ୍ରୋ ଲୁକ୍ ଇତ୍ୟାଦି ଭେରାଇଟି ଟ୍ରେଣ୍ଡରେ ଅଛି। ଓଭାଲ ଫେସ୍ ଯୁବତୀଙ୍କୁ ଏହା କୁଲ୍ ଲୁକ୍ ଦେଇଥାଏ।
ମେଟାଲ୍ ରାଉଣ୍ଡ ସନ୍ଗ୍ଲାସ୍ : ଏହି ଗ୍ଲାସ୍ର କ୍ରେଜ୍ ୮୦ ଓ ୯୦ ଦଶକରୁ ଚାଲି ଆସୁଛି। ଏବେ ଏହା ପୁଣିଥରେ ଟ୍ରେଣ୍ଡକୁ ଫେରିଛି। ଯେକୈାଣସି ଆଉଟ୍ଫିଟ୍ରେ ଏହାକୁ ମ୍ୟାଚ୍ କରି ପିନ୍ଧିପାରିବେ। ନିଜ ପସନ୍ଦ ଅନୁଯାୟୀ ବିଭିନ୍ନ କଲର ମଧ୍ୟ ବାଛିପାରିବେ। ଏହା ଲମ୍ବା ଏବଂ ଓଭାଲ୍ ଶେପ୍ ଫେସ୍କୁ ଆଟ୍ରାକ୍ଟିଭ୍ ଲୁକ୍ ଦେଇଥାଏ।
ମାଇକ୍ରୋ ସନ୍ଗ୍ଲାସ୍: ଏହି ଗ୍ଲାସ୍ଗୁଡ଼ିକରେ ଛୋଟ ଫ୍ରେମ୍ ଲାଗିଥାଏ। ଏହାକୁ ପିନ୍ଧି ଆପଣ ଟ୍ରିପ୍ କିମ୍ବା ପିକ୍ନିକ୍ ଯାଇପାରିବେ। ପାର୍ଟିକୁ ଯାଉଥିଲେ ମଧ୍ୟ ଏହାକୁ ଟ୍ରାଏ କରନ୍ତୁ। ଏହି ଗ୍ଲାସ୍ ରାଉଣ୍ଡ ଓ ସ୍କୋୟାର୍ ଶେପ୍ ଫେସ୍କୁ ଭଲ ମାନିଥାଏ।
