ବେଳେବେଳେ ସୋସିଆଲ ମିଡିଆରେ ବିପଜ୍ଜନକ ପଶୁମାନଙ୍କ ମଧ୍ୟରେ ଲଢ଼େଇ ହେଉଥିବାର ଭିଡିଓ ଦେଖିବାକୁ ମିଳିଥାଏ। ଯଥା ବାଘ, ହାତୀ,କୁମ୍ଭୀର, ନେଉଳ, ସାପ ଆକ୍ରମଣର ଭିଡିଓ ଅନେକ ଦେଖିବାକୁ ମିଳିଥାଏ। ଏବେ ଯେଉଁ ଭିଡିଓଟି ଶେୟାର ହୋଇଛି ତାହା ଦେଖିଲେ ପାଦତଳୁ ମାଟି ଖସିଯିବ। ଭୟରେ ଦେହ ଥରି ଉଠିବ।
Bushes and grasslands are great ally for predators.
-WA forward pic.twitter.com/8NS5C0eDwv
— Dharamveer Meena, IFS🌲 (@dharamveerifs) May 12, 2023
ଭାଇରାଲ ହେଉଥିବା ଏହି ଭିଡିଓରେ, ନଦୀରୁ କିଛି ହରିଣ ପାଣି ପିଇ ଅତି ଆରାମରେ ଚାଲିଚାଲି ଅନ୍ୟ ପାର୍ଶ୍ୱକୁ ଯାଉଛନ୍ତି। ଚାରିଆଡ଼େ ବହୁତ ଶାନ୍ତ ପରିବେଶ ରହିଛି। କିନ୍ତୁ ତା’ପରେ ବୁଦା ଭିତରୁ କିଛି ଶବ୍ଦ ଆସୁଛି ଏବଂ ହଠାତ୍ ସେଠାରୁ ଏକ ବାଘ ବାହାରି ଧିରେ ଧିରେ ବାହାରକୁ ଆସୁଛି। ପରେ ସେ ଗୋଟିଏ ହରିଣ ଉପରକୁ କୁଦି ପଡ଼ୁଛି। ଅନ୍ୟ ହରିଣମାନେ ଭୟରେ ଦୌଡ଼ି ସେଠାରୁ ପଳାଉଛନ୍ତି। ହରିଣଟି ବାଘ ମୁହଁରୁ ଯିବା ପାଇଁ ବହୁତ ଚେଷ୍ଟା କରୁଥାଏ। କିନ୍ତୁ ବାଘଟି ତାକୁ ଛାଡୁ ନ ଥାଏ। ସେମିତି ପାଟିରେ ଧରି ଠିଆ ହୋଇଥାଏ।
ଏହି ଭିଡିଓଟି ଆଇଏଫ୍ଏସ୍ ଧର୍ମବୀର ମୀନା ତାଙ୍କ ଟୁଇଟର ପେଜ୍ @dharamveerifsରେ ମେ’ ୧୨ରେ ଶେୟାର କରିଛନ୍ତି। ଭିଡିଓରେ କ୍ୟାପ୍ଶନ ସେ ଲେଖିଛନ୍ତି, ବୁଦା ଏବଂ ତୃଣଭୂମି ଶିକାରୀମାନଙ୍କର ବହୁତ ଭଲ ସାଥୀ! ଏହି ଭିଡିଓ ବର୍ତ୍ତମାନ ପର୍ଯ୍ୟନ୍ତ ୧୬ ହଜାରରୁ ଅଧିକ ଥର ଦେଖାସରିଲାଣି। ଲୋକମାନେ ଭିଡିଓରେ ନିଜର ପ୍ରତିକ୍ରିୟା ମଧ୍ୟ ଦେଉଛନ୍ତି। ଜଣେ ୟୁଜର ଲେଖିଛନ୍ତି, ଯିଏ ଜିତେ ସେ ସିକନ୍ଦର। ଅନ୍ୟ ଜଣେ ଲେଖିଛନ୍ତି, କି ଜବରଦସ୍ତ ଶିକାର।