ମହାକାଳପଡ଼ା,୧୨ା୮(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ଥାନା ଅଞ୍ଚଳରେ ଏକ ପ୍ରମୁଖ ଶିକ୍ଷାନୁଷ୍ଠାନ ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନଶିକ୍ଷକଙ୍କ ବିରୋଧରେ ଏକ ସଙ୍ଗୀନ ଅଭିଯୋଗ କରିଛନ୍ତି ଛାତ୍ରୀ। ସେହି ବିଦ୍ୟାଳୟର ପଞ୍ଚମ ଶ୍ରେଣୀ ଛାତ୍ରୀଙ୍କୁ ଅସଦାଚରଣ କରିଥିବା ନେଇ ଛାତ୍ରୀ ତାଙ୍କ ଅଭିଭାବକଙ୍କୁ ମଙ୍ଗଳବାର ଫୋନ୍ ଯୋଗେ ଜଣାଇଥିଲେ। ଛାତ୍ରୀଙ୍କ ଅଭିଭାବକମାନେ ରାଜ୍ୟ ବାହାରେ ରୁହନ୍ତି। ପ୍ରଧାନଶିକ୍ଷକଙ୍କୁ ଫୋନ ଜରିଆରେ ଛାତ୍ରୀଙ୍କ ଅଭିଭାବକ ଘଟଣା ସମ୍ପର୍କରେ ପଚାରି ବୁଝିଥିଲେ। ହେଲେ ଶିକ୍ଷକ ଜଣଙ୍କ ଘଟଣାକୁ ଏଡ଼ାଇ ଦେଇଥିଲେ। ତେବେ ଅଭିଭାବକ ପକ୍ଷରୁ ଶିକ୍ଷକଙ୍କ ବିରୋଧରେ ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ବୁଧବାର ଲିଖିତ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତି କରି ଅତିରିକ୍ତ ବ୍ଲକ ଶିକ୍ଷା ଅଧିକାରିଣୀ ମିନତୀ ସେଠୀଙ୍କ ନେତୃତ୍ୱରେ ଏକ ଆଭ୍ୟନ୍ତରୀଣ କମ୍ପ୍ଲେନ କମିଟି ବୁଧବାର ବିଦ୍ୟାଳୟରେ ପହଞ୍ଚି ଅପରାହ୍ନରେ ତଦନ୍ତ ଆରମ୍ଭ କରିଛନ୍ତି। ତଦନ୍ତ ରିପୋର୍ଟକୁ ଆଧାର କରି ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି ନିଜ ନାମ ଗୋପନ ରଖି କହିଛନ୍ତି ଅଧିକାରୀ।
ଏ ସଂକ୍ରାନ୍ତରେ ବ୍ଲକ ଶିକ୍ଷା ଅଧିକାରୀ କୈଳାସ ଚନ୍ଦ୍ର ଦଳାଇଙ୍କ ମତାମତ ନେବାରୁ ଜିଲା କଲେକ୍ଟର ଅଫିସ ମିଟିଂ ଅଛନ୍ତି । ତଦନ୍ତ ରିପୋର୍ଟ ପରେ ବିଭାଗ ପକ୍ଷରୁ ପଦକ୍ଷେପ ଗ୍ରହଣ କରାଯିବ ବୋଲି କୁହାଯାଉଛି।
