ରୁଷୀୟ ଗଣମାଧ୍ୟମରେ ଏବେ ଡେନିସ ଭାସୁରିନ୍ ଜଣେ ବହୁ ପରିଚିତ ନାମ। ସେ ପରିଚୟ ପାଇଛନ୍ତି ତାଙ୍କର ଅବିଶ୍ୱସନୀୟ ଶରୀର ପାଇଁ। ଅର୍ଥାତ୍ ୧୯୮୭ ମସିହାରେ ଜନ୍ମିତ ଡେନିସ୍ ଦେଖିବାକୁ ଜଣେ ୧୨-୧୩ ବର୍ଷର ପୁଅ ଭଳି। ଛୋଟ ପିଲାଙ୍କ ପରି ମୁହଁ, ଶରୀରର ଉଚ୍ଚତା ବି ପିଲାଙ୍କ ଭଳି। ତେଣୁ ତାଙ୍କୁ ଦେଖିଲେ, ଯେକେହି ସ୍କୁଲ ପିଲା ବୋଲି ଭାବନ୍ତି। ପିଲାଦିନେ ଡେନିସ୍ ବହୁତ ଚାଲାକ୍ ଓ ବୁଦ୍ଧିମାନ ଥିଲେ। କିନ୍ତୁ ତାଙ୍କ ମାତା ପିତା ଲକ୍ଷ୍ୟ କରିଥିଲେ ଯେ, ସେ ଅନ୍ୟ ପିଲାଙ୍କଠୁ ବହୁତ ଛୋଟ ଦେଖାଯାଉଥିଲେ। ଏମିତିକି ଗ୍ରାଜୁଏସନ୍ ଫଟୋରେ ବି ସେ ତାଙ୍କ ଯୁବ ସାଙ୍ଗମାନଙ୍କ ଭିତରେ ଏକ ଛୋଟ ପିଲା ପରି ଦେଖାଯାଉଥିଲେ। ଛୋଟ ପିଲାଙ୍କ ପରି ଦେଖା ହେଲେ ହେଁ ବୟସରେ ସେ ଯୁବକ। ତେଣୁ ତାଙ୍କର ଏକ ଗର୍ଲଫେଣ୍ଡ ଅଛି। ତେବେ ଅନେକ ସମୟରେ ସେ ନିଜର ଛୋଟ ପିଲା ପରି ଲୁକ୍ ପାଇଁ ହଇରାଣ ହୋଇଛନ୍ତି। ଆଉ ତାଙ୍କୁ ବୟସର ପ୍ରମାଣ ଦେବାକୁ ପଡିଛି। ଡାକ୍ତରଙ୍କୁ ସେ ନିଜର ଏହି ସମସ୍ୟା ବିଷୟରେ ଜଣାଇଛନ୍ତି। କିନ୍ତୁ ସେମାନେ ଏହାର କୌଣସି ସମାଧାନ କରିପାରି ନାହାନ୍ତି।
