ପେଟର ନିଆଁ

ନୂଆଦିଲ୍ଲୀସ୍ଥିତ ଜବାହରଲାଲ ନେହେରୁ ବିଶ୍ୱବିଦ୍ୟାଳୟ (ଜେଏନ୍‌ୟୁ) ପୁଣି ଖବରର ଶିରୋନାମା ପାଲଟିଛି। ଦୁଇ ଛାତ୍ର ଗୋଷ୍ଠୀ ମଧ୍ୟରେ ହିଂସା ଯୋଗୁ କ୍ୟାମ୍ପସରେ ଉତ୍ତେଜନା ଦେଖାଦେଇଛି। ମିଳିଥିବା ଖବରରୁ ଜଣାପଡ଼ିଛି ଯେ, ୧୦ ଏପ୍ରିଲ ଶ୍ରୀରାମ ନବମୀ ଥିବାରୁ କାବେରୀ ହଷ୍ଟେଲରେ ଆମିଷ ଖାଇବାକୁ ନେଇ ଗଣ୍ଡଗୋଳ ହୋଇଛି। ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) ପକ୍ଷରୁ ଅଭିଯୋଗ କରାଯାଇଛି ଯେ, ଛାତ୍ରମାନେ ହଷ୍ଟେଲରେ ରାମନବମୀ ଉପଲକ୍ଷେ ପୂଜା କରୁଥିବା ବେଳେ ବାମପନ୍ଥୀ ଛାତ୍ରଗୋଷ୍ଠୀ ଏଥିରେ ବାଧା ସୃଷ୍ଟି କରିଥିଲେ। ଅନ୍ୟପକ୍ଷରେ ବାମପନ୍ଥୀ ଛାତ୍ରମାନେ ଅଭିଯୋଗ କରିଛନ୍ତି, ଆମିଷ ଖାଉଥିବା ବେଳେ ଏବିଭିପି ପକ୍ଷରୁ ସେମାନଙ୍କୁ ରୋକାଯାଇଥିଲା। ଦୁଇ ଗୋଷ୍ଠୀ ମଧ୍ୟରେ କେଉଁଥିପାଇଁ ହିଂସା ଘଟିଲା ତାହା ଏଠାରେ ବସି କହିବା ସମ୍ଭବ ନୁହେଁ। କିନ୍ତୁ ଏହା ସତ୍ୟ ଯେ ଅସହିଷ୍ଣୁତା ସକ୍ରିୟ ରାଜନୀତିରୁ ଗଡ଼ି ଆସି କ୍ୟାମ୍ପସ ପରିବେଶକୁ ନଷ୍ଟ କରିଦେଉଛି। ତେବେ ମନେରଖିବାକୁ ହେବ ଯେ, ଦିଲ୍ଲୀ ଓ ଜେଏନ୍‌ୟୁ ଉଭୟ ବିଶ୍ୱବିଦ୍ୟାଳୟରେ ବାମପନ୍ଥୀ ଓ ଏବିଭିପିର ଝଗଡ଼ା ବହୁ ଦଶନ୍ଧିରୁ ଚାଲିଆସିଛି। ଜେଏନ୍‌ୟୁରେ ବିଶେଷକରି ବାମପନ୍ଥୀମାନଙ୍କର ଉପସ୍ଥିତି ଅଧିକ ରହିଥାଏ, କାରଣ ସେହିଠାରେ ବେଶି ସଂଖ୍ୟକ ପିଲା ପାଠୁଆ ଏବଂ ନିମ୍ନ ମଧ୍ୟବିତ୍ତ ପରିବାରରୁ ଆସିଥାଆନ୍ତି।
କିଛିବର୍ଷ ପୂର୍ବେ ଗୋମାଂସ ଓ ଆମିଷ ଭୋଜନକୁ ବିରୋଧ କରି ଦକ୍ଷିଣପନ୍ଥୀମାନେ ଦେଶର ବିଭିନ୍ନ ସ୍ଥାନରେ ଅପ୍ରୀତିକର ପରିସ୍ଥିତି ସୃଷ୍ଟି କରିଥିଲେ। ଉତ୍ତରପ୍ରଦେଶ ଦାଦ୍ରୀର ମହମ୍ମଦ ଅଖଲାକଙ୍କ ହତ୍ୟା ୨୦୧୫ରେ ଦେଶ ଓ ବିଦେଶରେ ଚହଳ ସୃଷ୍ଟି କରିଥିଲା। ବିବିଧତାରେ ପରିପୂର୍ଣ୍ଣ ଭାରତବର୍ଷରେ ବିଭିନ୍ନ ଜାତି ଓ ସମ୍ପ୍ରଦାୟର ବ୍ୟକ୍ତି ନିଜସ୍ବ ସଂସ୍କୃତି, ପର୍ବ, ଚାଲିଚଳଣ, ଖାଦ୍ୟ, ପୋଷାକ ଆଦିକୁ ନେଇ ଚାଲିଥାଆନ୍ତି। ଏକ ଧର୍ମନିରପେକ୍ଷ ରାଷ୍ଟ୍ରରେ କେହି କାହାରି ଉପରେ ଚାପ ପକାଇବା ଉଚିତ ନୁହେଁ ବୋଲି ସମ୍ବିଧାନରେ ଉଲ୍ଲେଖ ରହିଛି। ହେଲେ ଦେଖାଯାଉଛି ଯେଉଁ ଅଞ୍ଚଳରେ ଯିଏ ସଂଖ୍ୟାଗରିଷ୍ଠ ଅଛନ୍ତି, ସେମାନେ ସଂଖ୍ୟାଲଘୁଙ୍କ ଉପରେ ନିଜ ଧର୍ମ ଓ ବିଶ୍ୱାସକୁ ଥୋପି ଦେବାକୁ ଚାହୁଁଛନ୍ତି। ଏଠାରେ ଉଲ୍ଲେଖଯୋଗ୍ୟ ଯେ, ସମ୍ବିଧାନ ଏକ ଜୀବିତ ସତ୍ତା ନୁହେଁ। ସେଥିରେ ଉଲ୍ଲେଖ ଥିବା ପ୍ରତ୍ୟେକଟି ଚିନ୍ତାଧାରାକୁ କାର୍ଯ୍ୟକାରୀ କରାଇବାକୁ ହେଲେ ଉଭୟ ଜନସାଧାରଣ ଓ ସରକାରଙ୍କ ସକ୍ରିୟ ସହଯୋଗ ସବୁବେଳେ ଲୋଡ଼ା।
ଜେଏନ୍‌ୟୁ କଥା ଦେଖିଲେ ଦକ୍ଷିଣପନ୍ଥୀମାନେ ଅଭିଯୋଗ ଆଣିଛନ୍ତି ଯେ, ବାମପନ୍ଥୀ ଚିନ୍ତାଧାରାରେ ବିଶ୍ୱାସ କରୁଥିବା ଛାତ୍ରମାନେ ସେମାନଙ୍କୁ ଶ୍ରୀରାମ ନବମୀ ପୂଜା ପାଳନ କରିବାରେ ବ୍ୟାହତ ସୃଷ୍ଟି କରିଥିଲେ। ଖବରରୁ ଯାହା ଜଣାପଡ଼ିଛି ଏବିଭିପି ଛାତ୍ରମାନେ ଯେଉଁ ଜାଗାରେ ପୂଜାର ଆୟୋଜନ କରିଥିଲେ, ବାମପନ୍ଥୀ ଛାତ୍ରମାନେ ସେହି ଜାଗାରେ ଆମିଷ ଖାଉ ନ ଥିଲେ। କାହାଣୀଟି ସମ୍ପୂର୍ଣ୍ଣ ଭିନ୍ନ ଓ ହସ୍ୟାସ୍ପଦ। ମିଳିଥିବା ଖବର ଅନୁଯାୟୀ, ପ୍ରତ୍ୟେକ ରବିବାରରେ ଜେଏନ୍‌ୟୁର ସବୁ ହଷ୍ଟେଲରେ ରହୁଥିବା ପିଲା ଆମିଷ ଓ ନିରାମିଷ ଖାଦ୍ୟ ବାଛିପାରିବେ। ଏବର୍ଷ ରାମନବମୀ ପଡ଼ିଲା ରବିବାର। ଏବିଭିପିର ବାହୁବଳ ପ୍ରଦର୍ଶନ ମାଧ୍ୟମରେ ଗତାନୁଗତିକ ଖାଦ୍ୟ ଯୋଗାଣକୁ ବଦଳାଇବାର ଚେଷ୍ଟା କରାଯାଇଥିଲା। ପ୍ରଥମେ ମାଂସ ଯୋଗାଉଥିବା କଣ୍ଟ୍ରାକ୍ଟର ଉପରେ ଆକ୍ରମଣ କରାଯାଇ ତାଙ୍କୁ ରୋକିବାର ଉଦ୍ୟମ ହୋଇଥିଲା। ତାହା ବିଫଳ ହେବା ପରେ ମେସ୍‌ କର୍ମଚାରୀମାନଙ୍କ ଉପରେ ଆକ୍ରମଣ ହେଲା ଏବଂ ପରେ ଖାଇବା ଘରେ ବସିଥିବା ଛାତ୍ରଙ୍କ ଉପରେ ମାଡ଼ ଆରମ୍ଭ ହୋଇଗଲା। ଏଥିରୁ ବୁଝିବାକୁ ହେବ ଯେ, ଗୋଟିଏ ଗୋଷ୍ଠୀ ଜୋରଜବରଦସ୍ତ ନିଜର ଇଚ୍ଛାକୁ ଅନ୍ୟମାନଙ୍କ ଉପରେ ଲଦିବାର ପ୍ରୟାସ ହୋଇଥିଲା, ଯାହାକି କୌଣସି ଧାର୍ମିକ ଚିନ୍ତା କିମ୍ବା ଶ୍ରୀରାମଙ୍କ ପାଇଁ ଭକ୍ତି ଯୋଗୁ ହୋଇ ନ ଥିଲା।
ଆଜିର ଭାରତରେ ଧର୍ମ ପ୍ରସଙ୍ଗକୁ ଏଡ଼ାଇବା ସମ୍ଭବପର ହେଉନାହିଁ। ଅନ୍ୟପଟେ ଏହି ସମୟରେ ଏହିଭଳି ସମସ୍ୟା ସୃଷ୍ଟି କରାଇବା ପଛରେ ଲୁକ୍କାୟିତ ଉଦ୍ଦେଶ୍ୟ ମଧ୍ୟ ଥାଇପାରେ। ଅହେତୁକ ଦରଦାମ ବୃଦ୍ଧି, ନିଯୁକ୍ତି ସୁଯୋଗର ଘୋର ଅଭାବ ସହିତ ଅର୍ଥନୈତିକ ଦୁରବସ୍ଥା ଭାରତକୁ ଆଣ୍ଠେଇ ଦେଲାଣି। ଲୋକଙ୍କ ଦୃଷ୍ଟିକୁ ଅନ୍ୟତ୍ର ନେବାକୁ ହେଲେ ଧର୍ମ ଉପରେ ସଙ୍କଟ କିମ୍ବା ଜୋରଜବରଦସ୍ତ ହିନ୍ଦୀ ଭାଷା ବ୍ୟବହାର ଭଳି ଅପ୍ରାସଙ୍ଗିକ ବିଷୟକୁ ଯେତେ ଅଧିକ ପ୍ରଚାର କରିହେବ, ସେତେ ବେଶି ଲୋକ ପେଟର ନିଆଁକୁ ଭୁଲିଯାଇ ଧର୍ମ ପଛରେ ଗୋଡ଼ାଇବେ। ଏହି ଆଶା ଅଧିକ ଶକ୍ତିଶାଳୀ ହୋଇପାରେ। ନଚେତ୍‌ ପେଟର ନିଆଁ ଭାରତୀୟଙ୍କୁ ସଦ୍‌ବୁଦ୍ଧି ଦେଇପାରେ।

ଏଥିରୁ ବୁଝିବାକୁ ହେବ ଯେ, ଗୋଟିଏ ଗୋଷ୍ଠୀ ଜୋରଜବରଦସ୍ତ ନିଜର ଇଚ୍ଛାକୁ ଅନ୍ୟମାନଙ୍କ ଉପରେ ଲଦିବାର ପ୍ରୟାସ ହୋଇଥିଲା, ଯାହାକି କୌଣସି ଧାର୍ମିକ ଚିନ୍ତା କିମ୍ବା ଶ୍ରୀରାମଙ୍କ ପାଇଁ ଭକ୍ତି ଯୋଗୁ ହୋଇ ନ ଥିଲା।


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ଖରାଦିନ ଆରମ୍ଭରୁ ବେଙ୍ଗାଲୁରୁ ଜଳ ସଙ୍କଟ ଏବେ ଚିନ୍ତାର ବିଷୟ ହୋଇଛି। ପରିସ୍ଥିତି ଏମିତି ଯେ ସେଠାରେ ଲୋକେ ସହର ଛାଡ଼ିବାକୁ ବାଧ୍ୟ ହେଉଛନ୍ତି। ଏହି...

ଅଦୃଶ୍ୟ ଶତ୍ରୁ

ମାୟାଧର ନାୟକ   ସତ୍ୟ, ତ୍ରେତୟା, ଦ୍ୱାପର, କଳିକାଳରେ ଯେତେ ଯୁଦ୍ଧ ହୋଇଯାଇଛି- ଶତ୍ରୁକୁ ଜାଣି ହେଉଥିଲା- କିନ୍ତୁ ଏ ମହାକଳିକାଳରେ ଅଜଣା ରୋଗ ଓ...

ଚୋରକୁ ବୁଦ୍ଧି

ଅଲେଖ ଚନ୍ଦ୍ର ମିଶ୍ର   ‘ଚୋରକୁ ବୁଦ୍ଧି ଶିଖେଇବା’ ଆପ୍ତବାଣୀଟି ଯେଉଁ ପୃଷ୍ଠଭୂମି ଉପରେ ଆଧାରିତ ତାହା ଥିଲା ଏକ ବାସ୍ତବଧର୍ମୀ କାହାଣୀ, ଯାହାର ମର୍ମ...

ଅପ୍ରକାଶ୍ୟ ଋଣ ସମସ୍ୟା

ଗତ କିଛି ବର୍ଷ ମଧ୍ୟରେ କୋଭିଡ୍‌-୧୯ ମହାମାରୀଠାରୁ ଆରମ୍ଭକରି ଉନ୍ନତ-ଅର୍ଥ ବ୍ୟବସ୍ଥାର ସୁଧ ହାର ବୃଦ୍ଧି ଭଳି ଘଟଣା ଭିନ୍ନ ସ୍ଥିତି ସୃଷ୍ଟି କରିଛି। ଏଥିରେ...

ଏଇ ଭାରତରେ

ଦେଶ ଗଠନରେ ଯୁବ ପ୍ରଶାସକଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଅନୁଭବ କରିଛନ୍ତି ୨୦୧୧ ବ୍ୟାଚ୍‌ ଭାରତୀୟ ରାଜସ୍ବ ସେବା(ଆଇଆର୍‌ଏସ୍‌) ଅଧିକାରୀ ରବି କପୁର। ସେ...

ରାମ ରାଜ୍ୟ ସମ୍ଭବ କି

ବୈକୁଣ୍ଠନାଥ ମିଶ୍ର   ଆଜିକାଲି ‘ଜୟ ଶ୍ରୀରାମ’ ଉଚ୍ଚାରଣ କରି ବନ୍ଧୁଙ୍କୁ ପ୍ରଥମ ସାକ୍ଷାତରେ ସମ୍ଭାଷିତ କରିବାର ଅଭିନବ ପରମ୍ପରା ସର୍ବତ୍ର ପରିଦୃଷ୍ଟ। ବନ୍ଧୁଙ୍କୁ ସମ୍ଭାଷଣ...

ମତଦାତାଙ୍କ ବୁଦ୍ଧି ବିମୂଢ଼ତା

ଡ.ଛାୟାକାନ୍ତ ଷଡ଼ଙ୍ଗୀ   ସମ୍ପ୍ରତି ଭାରତ ତଥା ବିଭିନ୍ନ ପ୍ରଦେଶରେ ରାଜନୀତିର ବିଚିତ୍ର ଗତି ଦେଖି ମତଦାତାମାନେ ଉଇଲିଅମ ଜେମ୍‌ସଙ୍କ ଭଳି ସମସ୍ୟାର ସମ୍ମୁଖୀନ ହେଲେଣି।...

ବୁଝିହେଉଛି

ଆମ୍‌ ଆଦ୍‌ମୀ ପାର୍ଟି (ଆପ୍‌) ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ୍‌ କେଜ୍‌ରିଓ୍ବାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗିରଫ କରି ଆସନ୍ତା ୨୮ ତାରିଖ ପର୍ଯ୍ୟନ୍ତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri