ମୁମ୍ବାଇ, ୮।୯: କରୋନା ସଂକ୍ରମଣ ଯୋଗୁ ସ୍କୁଲ କଲେଜ ବନ୍ଦ ରହିଛି। ଏପରିସ୍ଥଳେ କେତେକ ସ୍କୁଲ ପକ୍ଷରୁ ଅନ୍ ଲାଇନ୍ ପାଠପଢ଼ା ଜାରି ରହିଛି। ତେବେ ଯେଉଁ ପିଲାଙ୍କ ପାଖରେ ସ୍ମାର୍ଟଫୋନ୍ ନାହିଁ ସେମାନେ କିଭଳି ପାଠ ପଢ଼ିବେ। ଏହି ସମସ୍ୟାର ସମାଧାନ ପାଇଁ ମହାରାଷ୍ଟ୍ରରେ ଗରିବ ସ୍ମାର୍ଟଫୋନ୍ ନ ଥିବା ପିଲାଙ୍କୁ ପାଠ ପଢ଼ାଇବା ପାଇଁ ‘ସ୍ପିକର ଟିଚର’ ବ୍ୟବସ୍ଥା କରାଯାଇଛି। ରାଜ୍ୟର ୩୫ଟି ଗାଁରେ ଏଭଳି ଶିକ୍ଷକଙ୍କ ଦ୍ୱାରା ପାଠପଢ଼ା ଜାରି ରହିଛି। ପାଲଘର ଜିଲାର ମୋଖାଡ଼ା ତହସିଲ୍ରେ ଏହି କାର୍ଯ୍ୟକ୍ରମ ଦ୍ୱାରା ପିଲାଙ୍କୁ ସାମାଜିକ ଦୂରତା ବଜାୟ ରଖି ପାଠପଢ଼ା ଯାଉଛି। ଶିକ୍ଷକ ଲାଉଡ୍ ସ୍ପିକର ଧରି ପାଠପଢ଼ାଉଛନ୍ତି। ଇତିମଧ୍ୟରେ ସମ୍ପୃକ୍ତ ଗାଁଗୁଡ଼ିକର ୧୨ ଶହରୁ ଅଧିକ ପିଲା ପାଠପଢ଼ା କାର୍ଯ୍ୟକ୍ରମରେ ଯୋଗଦେଇଛନ୍ତି। ଏହି କାର୍ଯ୍ୟକ୍ର ଦିଗନ୍ତ ସ୍ବରାଜ ଫାଉଣ୍ଡେଶନ ପକ୍ଷରୁ କରାଯାଉଛି। ଏହାଦ୍ୱାରା ପିଲାମାନେ ଉପକୃତ ହେଉଥିବା ଫାଉଣ୍ଡେଶନର ନିର୍ଦ୍ଦେଶକ ରାହୁଲ ଦିବରେକର ସୂଚନା ଦେଇଛନ୍ତି। ପ୍ରତିଦିନ ସକାଳେ ଅଢ଼େଇ ଘଣ୍ଟା ଶିକ୍ଷାଦାନ କରାଯାଉଥିବା ସେ କହିଛନ୍ତି।
