ଅମେଠି,୧୦।୫ : ଉତ୍ତରପ୍ରଦେଶ ପୌର ପରିଷଦ ମତଦାନର ଗୋଟିଏ ଦିନ ପୂର୍ବରୁ ଅମେଠିରେ ଏସପି ବିଧାୟକଙ୍କ ଗାଳିଗୁଲଜ ଘଟଣା ସାମ୍ନାକୁ ଆସିଛି। ଏସପି ବିଧାୟକ ରାକେଶ ପ୍ରତାପ ପୋଲିସର ଉପସ୍ଥିତିରେ ଭାଜପାର ନାଗରିକ ସଂଗଠନ ନିର୍ବାଚନ ପ୍ରାର୍ଥୀଙ୍କ ସ୍ବାମୀ ଦୀପକ ସିଂଙ୍କୁ ନିସ୍ତୁକ ପିଟିଛନ୍ତି। ସମଗ୍ର ଘଟଣା ଗୌିଗଞ୍ଜ ପୋଲିସ ଷ୍ଟେଶନରେ ଘଟିଛି।
ଫଳରେ ମତଦାନର ଗୋଟିଏ ଦିନ ପୂର୍ବରୁ ଗୌରିଗଞ୍ଜ ପୌରପାଳିକାର ପରିବେଶ ଅତ୍ୟନ୍ତ ଉତ୍ତେଜନାପୂର୍ଣ୍ଣ ରହିଛି। ଭାଜପା ପ୍ରାର୍ଥୀଙ୍କୁ ପୋଲିସ ସମର୍ଥନ ଦେଉଥିବା ଅଭିଯୋଗ ଆଣି ଥାନା ବାହାରେ ପୋଲିସ ଷ୍ଟେଶନର ପୋଲିସ ଫୋର୍ସଙ୍କ ଉପସ୍ଥିତିରେ ବିଧାୟକ ପୋଲିସଙ୍କୁ ଧମକଚମକ ଦେବା ସହିତ ତାଙ୍କ ପିସ୍ତଲ ବାହାର କରିବାକୁ ଧମକ ଦେଇଥିଲେ। ସେତେବେଳେ ଭାଜପା ପ୍ରାର୍ଥୀ ରଶ୍ମୀ ସିଂଙ୍କ ସ୍ବାମୀ ଦୀପକ ସିଂ ଷ୍ଟେଶନ ବାହାରକୁ ଯାଉଥିବା ଦେଖିବାକୁ ମିଳିଥିଲା।
ଏସପି ସମର୍ଥକମାନେ ତାଙ୍କୁ ଘେରିଯାଇ ପୋଲିସ ଉପସ୍ଥିତିରେ ତାଙ୍କ କାରକୁ ପିଟିବା ଆରମ୍ଭ କରିଥିଲେ। ଧୀରେ ଧୀରେ ସୁରକ୍ଷିତ ଭାବେ ରକ୍ଷା ପାଇବା ପାଇଁ ଦୀପକ ସିଂ ତାଙ୍କ କାରକୁ ପୋଲିସ ଷ୍ଟେଶନ ଭିତରକୁ ନେଇ ଯାଇଥିଲେ। ଏସପି ବିଧାୟକ ଏବଂ ତାଙ୍କ ସମର୍ଥକମାନେ ଥାନା ଭିତରେ ଭାଜପା ପ୍ରାର୍ଥୀଙ୍କ ସ୍ବାମୀଙ୍କୁ ବଇଦା ଗୋଇଠା ମାରିବା ଆରମ୍ଭ କରିଥିଲେ। ପୋଲିସ କୌଣସି ପ୍ରକାରେ ଭାଜପା ପ୍ରାର୍ଥୀଙ୍କ ସ୍ବାମୀଙ୍କୁ ଟାଣି ନେଇ ତାଙ୍କ ଜୀବନ ରକ୍ଷା କରିଥିଲା।
ଏହା ପରେ ଭଜାପାର କିଛି ସମର୍ଥକ ମଧ୍ୟ ପୋଲିସ ଷ୍ଟେଶନ ଭିତରକୁ ପଶି ଆସିଥିଲେ। ପରିସ୍ଥିତି ବିଗିଡି ଯାଇଥିବାର ଦେଖି କ୍ୟାପଟେନ ଡକ୍ଟର ଏଲାମରନ ଜୀ କେତେକ ପୋଲିସ ଷ୍ଟେଶନର ପୋଲିସଙ୍କ ସହିତ ଗୌରିଗଞ୍ଜ ଥାନାରେ ପହଞ୍ଚିଥିଲେ। କିଛି ଏସପି ର୍ମୀଙ୍କୁ ମଧ୍ୟ ବାହାରେ ମାଡ ଦିଆଯାଇଥିବା ଅଭିଯୋଗ ହୋଇଛି। ମକଦ୍ଦମା ପାଇଁ ଦାବି ଉପରେ ଉଭୟ ପକ୍ଷ ଜିଦ ଧରିଛନ୍ତି। ବର୍ତ୍ତମାନ ପରିସ୍ଥିତି ଅତ୍ୟନ୍ତ ଉତ୍ତେଜନାପୂର୍ଣ୍ଣ ରହିଛି।
