ନୂଆଦିଲ୍ଲୀ,୨ା୧- ଦକ୍ଷିଣ ଆଫ୍ରିକୀୟ ପେସର ଡେଲ ଷ୍ଟେଇନ ଚଳିତ ବର୍ଷର ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ)ରୁ ଓହରି ଯାଇଛନ୍ତି। କ୍ରିକେଟରୁ କିଛି ସମୟ ଦୂରେଇ ରହିବାକୁ ନିଷ୍ପତ୍ତି ନେଇଛନ୍ତି ଷ୍ଟେଇନ। ତାଙ୍କ ସହ ୨୦୨୦ ସଂସ୍କରଣରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ଚୁକ୍ତି କରିଥିଲା।
ସମସ୍ତଙ୍କ ପାଇଁ ଏକ ଛୋଟ ମେସେଜ। ମୁଁ ୨୦୨୧ ଆଇପିଏଲରେ ଆରସିବି ପାଇଁ ଉପଲବ୍ଧ ରହିବି ନାହିଁ। ଏହାର ଅର୍ଥ ନୁହେଁ ମୁଁ ଅନ୍ୟ କୌଣସି ଦଳ ପକ୍ଷରୁ ଖେଳିବି। ମୁଁ ଏହି ସମୟରେ ପଡ଼ିଆଠୁ ଦୂରେଇ ରହିବି ବୋଲି ଷ୍ଟେଇନ ଟୁଇଟ୍ କରିଛନ୍ତି। ୨୦୧୯ରେ ଟେଷ୍ଟରୁ ଅବସର ନେଇଥିବା ଷ୍ଟେଇନ ବିଶ୍ୱର ବିଭିନ୍ନ ଲିଗ୍ରେ ଖେଳିବା ଜାରି ରଖିବେ। ଏବେ ସେ ସନ୍ନ୍ୟାସ ନେଉ ନ ଥିବା ପ୍ରକାଶ କରିଛନ୍ତି।
ଉଲ୍ଲେଖଥାଉ କି, ୟୁଏଇରେ ଖେଳାଯାଇଥିବା ଆଇପିଏଲରେ ଆରସିବି ପାଇଁ ମାତ୍ର ୩ ମ୍ୟାଚ୍ ଖେଳି କେବଳ ଗୋଟିଏ ଉଇକେଟ ହାତେଇଥିଲେ ଷ୍ଟେଇନ।
