ମସ୍କାଟ, ୧୪।୯ : ଓମାନର ମସ୍କାଟ ଅନ୍ତର୍ଜାତୀୟ ବିମାନବନ୍ଦରରେ ବୁଧବାର ଏୟାର ଇଣ୍ଡିଆ ଏକ୍ସପ୍ରେସର ଏକ ବିମାନରୁ ଧୂଆଁ ବାହାରିବା ଆରମ୍ଭ କରିଥିଲା। ବିମାନଟି ରନ୍ଓ୍ବେରେ ଥିବା ସମୟରେ ଏଭଳି ଘଟିଥିଲା। ଓମାନରେ ଅବସ୍ଥିତ ସ୍ଥାନୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ଏହି ଦୁର୍ଘଟଣାରେ ପ୍ରାୟ ୧୬ ଜଣ ଆହତ ହୋଇଛନ୍ତି। ବିମାନରୁ ଧୂଆଁ ବାହାରିବା ପରେ ସ୍ଲାଇଡରେ ଏୟାର ଇଣ୍ଡିଆ ଏକ୍ସପ୍ରେସ ବିମାନରୁ ଯାତ୍ରୀମାନଙ୍କୁ ଟାଣି ବାହାର କରାଯାଇଥିଲା ବୋଲି ଅଧିକାରୀମାନେ କହିଛନ୍ତି। ଅଧିକାରୀମାନେ କହିଛନ୍ତି ଯେ ବିମାନଟି ବୁଧବାର ସକାଳେ କୋଚି ଅଭିମୁଖେ ଯିବାର ଥିଲା କିନ୍ତୁ ଏହା ପୂର୍ବରୁ ଦୁର୍ଘଟଣା ଘଟିଥିଲା।
ଏୟାର ଇଣ୍ଡିଆ ଏକ୍ସପ୍ରେସର ମସ୍କାଟ-କୋଚି ବିମାନ ଉଡ଼ାଣ ସମୟରେ ରନୱେରେ ଥିଲା, ସେତେବେଳେ ଧୂଆଁ ବାହାରିବା ଜଣାପଡ଼ିଥିଲା। ଏହା ପରେ ଯାତ୍ରୀମାନଙ୍କୁ ଜରୁରୀକାଳୀନ ପରିସ୍ଥିତିରେ ସ୍ଲାଇଡ ମାଧ୍ୟମରେ ଟାଣି ବାହାରକୁ ଟାଣି ଅଣାଯାଇଥିଲା। ବିମାନରେ ୧୪୧ ଜଣ ଯାତ୍ରୀ ଏବଂ ୬ ଜଣ କର୍ମଚାରୀ ଥିଲେ। ସମସ୍ତଙ୍କୁ ବାହାର କରାଯାଇଛି ଏବଂ ସେମାନେ ସମସ୍ତେ ସୁରକ୍ଷିତ ଅଛନ୍ତି।
