ନୂଆପଡ଼ା,୨୪ା୪ (ମକାରୁ ବେମାଲ):ବାଇକ୍ ଦୁର୍ଘଟଣାରେ ଗୋଡ ହରାଇଥିବା ବ୍ୟକ୍ତିଙ୍କୁ କଣ୍ଠଶିଳ୍ପୀ ରକଷ୍ଟାର ରୁକୁ ସୁନା ସହାୟତାର ହାତ ବଢାଇଛନ୍ତି। ବୁଧବାର ସେ ନୂଆପଡ଼ା ଜିଲା ମୁଖ୍ୟ ଚିକିତ୍ସାଳୟରେ ପୀଡିତଙ୍କୁ ଭେଟି ତାଙ୍କ ପରିବାରକୁ ନଗଦ ୧୦ ହଜାର ଟଙ୍କା ପ୍ରଦାନ କରିଛନ୍ତି। ସୂଚନା ଅନୁଯାୟୀ, ନୂଆପଡ଼ା ଜିଲା ତିଖାଳି ମହୋତ୍ସବର ୧୫ ତାରିଖ ସନ୍ଧ୍ୟାରେ କଣ୍ଠଶିଳ୍ପୀ ସୁନାଙ୍କ କାର୍ଯ୍ୟକ୍ରମ ରହିଥିଲା। କୋମନା ବ୍ଲକ ଠିକପାଲି ପଞ୍ଚାୟତ ବାବୁପାଲି ଗଁାର ଦିବାକର ସୁନାନୀ ତାଙ୍କ କାର୍ଯ୍ୟକ୍ରମ ଦେଖିବା ପାଇଁ ବାହାରିଥିଲେ। ବାଇକ୍ରେ ଯାଉଥିବାବେଳେ ଦୁର୍ଘଟଣାର ସମ୍ମୁଖୀନ ହୋଇ ଅଚେତ ହୋଇପଡିଥିଲେ। ସ୍ଥାନୀୟ ଲୋକେ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ନେବା ପରେ ଡାକ୍ତର ଗୋଟିଏ ଗୋଡ ଭାଙ୍ଗିଯାଇଛି ବୁର୍ଲା ବଡ ଡାକ୍ତରଖାନା ନେଇ ଅସ୍ତ୍ରୋପଚାର କରିବାକୁ ପଡିବ ବୋଲି ପରାମର୍ଶ ଦେଇଥିଲେ। ହେଲେ ପରିବାର ଲୋକେ ରାୟପୁରର ଏକ ଘରୋଇ ହସ୍ପିଟାଲକୁ ନେଇଥିଲେ। ସେଠାରେ ଡାକ୍ତର ଲକ୍ଷେ ଟଙ୍କା ଜମା କଲେ ଗୋଡ ଅସ୍ତ୍ରୋପଚାର ହେବ ବୋଲି କହିଥିଲେ। ପରିବାର ଲୋକେ ଜମିବାଡି, ସୁନାଗହଣା ବିକ୍ରୟ କରି ୭୦ ହଜାର ଟଙ୍କା ଦେବାପରେ ଦିବାକରଙ୍କ ଗୋଡ ଅପରେଶନ କରାଯାଇ କାଟି ଦିଆଯାଇଛି। ତାଙ୍କର ସ୍ତ୍ରୀ ଓ ଦୁଇ ପିଲା ଏବେ ଅସହାୟ ହୋଇପଡିଛନ୍ତି। ଏ ନେଇ ଦିବାକର ସାମାଜିକ ଗଣମାଧ୍ୟମରେ ଭିଡିଓ ବାର୍ତ୍ତା ମାଧ୍ୟମରେ ସାହାଯ୍ୟ ଲୋଡିଥିଲେ। ରୁକୁ ସୁନା ଏହା ଜାଣିପାରି ନିଜ ମ୍ୟାନେଜରଙ୍କ ସହ ଜିଲା ମୁଖ୍ୟ ଚିକିତ୍ସାଳୟରେ ପହଞ୍ଚତ୍ଥିଲେ। ସେ ଦିବାକରଙ୍କ ଦ୍ରୁତ ଆରୋଗ୍ୟ କାମନା କରିବା ସହ ନଗଦ ୧୦ ହଜାର ଟଙ୍କା ଆର୍ଥତ୍କ ସହାୟତା ପ୍ରଦାନ କରିଥିଲେ ା
Dharitri – Odisha’s No.1 Odia Daily
