ଶପିଂ ମୋହ

ମହିଳାମାନଙ୍କୁ ଶପିଂ କରିବା ପାଇଁ ଭଲ ଲାଗେ। କିନ୍ତୁ ଅନେକ ସମୟରେ ଆବଶ୍ୟକ ନ ଥାଇ ସେମାନଙ୍କର ଶପିଂ କରିବା ଏକ ନିଶାଭଳି ହୋଇ ଯାଇଥାଏ। ସମୟ ପୂର୍ବରୁ ଏନେଇ ସଚେତନ ନ ହେଲେ କେବଳ ଖର୍ଚ୍ଚାନ୍ତ ହେବା ହିଁ ସାର ହୋଇଥାଏ…

ଘର ପରିବାର ସମସ୍ତଙ୍କ ପାଇଁ ଆବଶ୍ୟକ ଜିନିଷସବୁ କିଣିବାର ଦାୟିତ୍ୱ ପ୍ରାୟତଃ ମହିଳାଙ୍କର। ଏଥିପାଇଁ ତ ସେମାନେ ହିଁ ଅଧିକାଂଶ ସମୟରେ ମାର୍କେଟିଂ କରିଥାନ୍ତି। କିନ୍ତୁ ଶପିଂ କରିବା ସମୟରେ ବେଳେବେଳେ ସେମାନେ ଏଭଳି ମାୟାଜାଲରେ ଫଶିଯାନ୍ତି ଯେ ଅନାବଶ୍ୟକ ଖର୍ଚ୍ଚ କରି ବସନ୍ତି। ଦରକାର ନ ଥାଇ ବି ଅନେକଗୁଡିଏ ଜିନିଷ କିଣି ପକାନ୍ତି। ଏଥିପାଇଁ ଖର୍ଚ୍ଚାନ୍ତ ତ ହେବାକୁ ପଡେ ତା’ ସାଙ୍ଗକୁ ଅର୍ଥହାନି ବି ହୁଏ। ଅନ୍ୟପଟେ ଦୋକାନୀମାନେ ଅଧିକ ବିକ୍ରି କରିବା ପାଇଁ ବିଭିନ୍ନ ଅଫର, ଡିସକାଉଣ୍ଟ ଆଦିର ଲୋଭ ଦେଖାଇ ଗ୍ରାହକମାନଙ୍କୁ ଆକୃଷ୍ଟ କରିଥାନ୍ତି। ଆଉ ଦୋକାନୀଙ୍କର ଏଭଳି ଲୋଭନୀୟ ଅଫର ମୋହରେ ବିଶେଷଭାବେ ଆକୃଷ୍ଟ ହୋଇଥାନ୍ତି ମହିଳାମାନେ। ତେଣୁ ଏଭଳି ମାୟାଜାଲରୁ ମୁକୁଳିବା ପାଇଁ ମହିଳାମାନେ ମାର୍କେଟିଂ ସମୟରେ ସତର୍କ ରୁହନ୍ତୁ।
ଶସ୍ତା ସେଲ୍‌: ବେଳେବେଳେ ମହିଳାମାନେ ଅଯଥାରେ କିଣାକିଣି କରିବାକୁ ଯାଆନ୍ତି, କାହିଁକି ନା ସେମାନେ ଖବର ପାଇଥାନ୍ତି ଶସ୍ତାରେ ବିଭିନ୍ନ ସାମଗ୍ରୀ ସେଲ୍‌ ହେଉଛି। ତେଣୁ ଆବଶ୍ୟକତା ନ ଥିଲେ ବି ଅନେକ ସମୟରେ ଏମିତି ଶସ୍ତାରେ ବିକ୍ରି ହେଉଥିବା କହି ସେମାନେ ଅନେକଗୁଡ଼ିଏ ଜିନିଷ କିଣିପକାନ୍ତି। ଏପରି କରିବା ଫଳରେ ଅଯଥାରେ ଖର୍ଚ୍ଚାନ୍ତ ହେବାକୁ ପଡ଼ିଥାଏ, ଯାହା ବଜେଟ ମ୍ୟାନେଜମେଣ୍ଟକୁ ବିଗାଡି ଦେଇଥାଏ।
କ୍ରେଡିଟ୍‌ କାର୍ଡ ଶପିଂ: କ୍ରେଡିଟ କାର୍ଡରେ କିଛି ଜିନିଷ କିଣିବାର ଅର୍ଥ ଋଣ ବା ଧାର କରି କିଣିବା। ବିଶେଷକରି ଶପିଂ କରିବା ସମୟରେ କ୍ରେଡିଟ କାର୍ଡ ଆବଶ୍ୟକ ହୋଇଥାଏ। ବେଳେବେଳେ ସଉକରେ ମହିଳାମାନେ ନିଜ ପାଇଁ ସୁନାଗହଣା ହେଉ କିମ୍ବା ଲୁଗାପଟା ଅବା ଘର ପାଇଁ କିଛି ଜିନିଷ କ୍ରେଡିଟ କା଼ର୍ଡରେ କିଣି ଦେଇଥାନ୍ତି। କିନ୍ତୁ ଏକଥା ଭୁଲି ଯାଇଥାନ୍ତି ଯେ କ୍ରେଡିଟ କାର୍ଡରେ ଅର୍ଥ ଶୁଝିବା ସମୟରେ ଅନେକ ସମୟରେ ଟ୍ୟାକ୍ସ ବି ଅଧିକ ଦେବାକୁ ପଡ଼ିଥାଏ। ତେଣୁ କ୍ରେଡିଟ କାର୍ଡରେ ଅଧିକ କିଣାକିଣି କରିବା ଫଳରେ ତାହା ଆର୍ଥିକ ସ୍ଥିତି ଉପରେ ପ୍ରଭାବ ପକାଇଥାଏ। ତେଣୁ ଲଗ୍‌ଜୁରୀ ଶପିଂ ନିମନ୍ତେ କ୍ରେଡିଟ କାର୍ଡ ବ୍ୟବହାର କରିବା ଉଚିତ ନୁହେଁ।
ଡିସକାଉଣ୍ଟ ପାଇବାକୁ : ଅଧିକ ଜିନିଷ କିଣାକିଣି କରିବା ପାଇଁ ଗ୍ରାହକଙ୍କୁ ଆକୃଷ୍ଟ କରିବା ଉଦ୍ଦେଶ୍ୟରେ ଦୋକାନୀମାନେ ଡିସ୍‌କାଉଣ୍ଟର ଲୋଭ ଦେଖାଇଥାନ୍ତି। ଆଉ ଗ୍ରାହକମାନେ ବି ଏହି ଡିସକାଉଣ୍ଟ ଜାଲରେ ଫଶି ଯାଆନ୍ତି। ତିନୋଟି କିଣିବା ପରେ ଗୋଟିଏ ଫ୍ରି କିମ୍ବା ୩ ହଜାର ଟଙ୍କାର କିଣିବା ପରେ ପାଞ୍ଚ ଶହ ଟଙ୍କାର ଫ୍ରି ଏମିତି ଅଫରରେ ଆକୃଷ୍ଟ ହୋଇ ମହିଳାମାନେ ଆବଶ୍ୟକ ନ ଥାଇ ଅଧିକ କିଣାକିଣି କରି ଦିଅନ୍ତି। କିନ୍ତୁ ଏମିତି କରିବା ଫଳରେ ଆବଶ୍ୟକଠାରୁ ଅଧିକ ପଇସା ଖର୍ଚ୍ଚ ହୋଇଯାଏ।
ଅନଲାଇନ୍‌ ଶପିଂ ଡିଲ୍‌ :
ବେଳେବେଳେ ଅନ୍‌ଲାଇନ୍‌ ଶପିଂ ଡିଲ୍‌ ଦେଖି ମହିଳାମାନେ କିଣାକିଣି କରିଥାନ୍ତି। ସୋସିଆଲ ମିଡିଆରେ ଦେଖିବାବେଳେ କିଛି ଜିନିଷ ଶସ୍ତାରେ ବିକ୍ରି ହେଉଥିବା ଦେଖି ସେମାନେ ଜିନିଷ କିଣି ଦେଇଥାନ୍ତି। ଶପିଂ ନିମନ୍ତେ ମୁଡ୍‌ ନ ଥିଲେ ବି ଅନଲାଇନ୍‌ ସେଲ୍‌ ଦେଖି ସଙ୍ଗେ ସଙ୍ଗେ କିଣିବାକୁ ଇଚ୍ଛା ହୁଏ। ଆବଶ୍ୟକ ନ ଥିଲେ ବି ମାତ୍ର ଦୁଇ କିମ୍ବା ତିନି ଦିନ ପାଇଁ ଶପିଂ ଡିଲ୍‌ ରହିଥିବା ଦେଖି ବହୁତଗୁଡିଏ ଜିନିଷ କିଣି ଦେଇଥାନ୍ତି। ତେଣୁ ଏଭଳି ଅଭ୍ୟାସ ଫଳରେ ବି ଅଯଥାରେ ଖର୍ଚ୍ଚ ହୋଇଯାଏ।

 

ଏମାନେ କ’ଣ କହନ୍ତି…

ଶସ୍ତା ଥିଲାବେଳେ କିଣିଲେ ଲାଭ
ଶସ୍ତା ଥିଲେ ମୁଁ ଅଧିକ ଜିନିଷ କିଣି ଦେଇଥାଏ। ଅନ୍‌ଲାଇନରେ ବି ଶସ୍ତାରେ ଜିନିଷ ଦେଖିଲେ ମୁଁ କିଣିବା ପାଇଁ ଚେଷ୍ଟା କରିଥାଏ। କାହିଁକିନା ଘର ପାଇଁ ଜିନିଷ ତ ଦରକାର ପଡିବ ନା। ଅବଶ୍ୟ ଏବେ ଦରକାର ନ ଥିଲେ ଆଗକୁ ତ ନିଶ୍ଚୟ ଦରକାର ହେବ। ସେଥିପାଇଁ ଶସ୍ତା ଥିବାବେଳେ କିଣିଲେ ଲାଭ ହିଁ ହୋଇଥାଏ।
-ଅରୁନ୍ଧତୀ ମହାନ୍ତି
ଚୂଡ଼ାମଣି, ବାସୁଦେବପୁର, ଭଦ୍ରକ
ଆଗକୁ ଦରକାର ହୁଏ
ଶସ୍ତା ଥିବାବେଳେ ଜିନିଷ କିଣି ମୁଁ ଟଙ୍କା ବଞ୍ଚାଇଥାଏ। କାହିଁକିନା ଆଗରୁ କିଣି ରଖିଥିଲେ ଦରକାର ସମୟରେ କିଣିବାକୁ ପଡି ନ ଥାଏ। ସେଥିପାଇଁ ମୋ ପାଇଁ ଆଉ ପିଲାମାନଙ୍କ ଲାଗି ଆଗରୁ ହିଁ ଡ୍ରେସ କିମ୍ବା ଅନ୍ୟ ଜିନିଷ କିଣି ରଖିଥାଏ। ବେଳେବେଳେ ଘରକୁ କେହି ଆସିଲେ ସେମାନଙ୍କୁ ଉପହାର ବି ଦେଇଥାଏ। ତେଣୁ ଥରେ ଖର୍ଚ୍ଚ କରି ମୁଁ ଭବିଷ୍ୟତ ପାଇଁ ସେଭିଂ କରିଥାଏ। ଅବଶ୍ୟ ମୋର ଏମିତି କିଣାକିଣି ଅଭ୍ୟାସକୁ ମୋ ସ୍ବାମୀ ଅଯଥା ଖର୍ଚ୍ଚ କହିଥାନ୍ତି, କିନ୍ତୁ ମୋ ମତରେ ଏମିତି ଶପିଂ କରିବା ଲାଭଦାୟକ।
-ପୁଷ୍ପାଞ୍ଜଳି ଗୋଚ୍ଛି
ଶିକ୍ଷୟିତ୍ରୀ, ବମିଖାଲ, ଭୁବନେଶ୍ୱର
ଡିସକାଉଣ୍ଟରେ କିଣିଲେ
ବହୁତ ଖୁସି ଲାଗେ
ମତେ ଶପିଂ କରିବାକୁ ବହୁତ ଭଲଲାଗେ। ସେଥିପାଇଁ ତ ଯେଉଁଠି ବି ସେଲ କିମ୍ବା ଅଫର ଥାଏ ମୁଁ ସେଠାକୁ ଯାଇ ବୁଲି ଆସିଲେ ମତେ ବହୁତ ଭଲ ଲାଗେ। ତା’ଛଡ଼ା ଯଦି ବହୁତ ଶସ୍ତାରେ ଜିନିଷ ମିଳୁଥିବା ଅନୁଭବ କରେ ତା’ହେଲେ କିଛି କିଣାକିଣି ବି ନିଶ୍ଚୟ କରେ। ଆଉ ଏଥିପାଇଁ ସ୍ବାମୀଙ୍କୁ ବିଭିନ୍ନ କଥା କହି ଟଙ୍କା ନେବାକୁ ପଡ଼ିଥାଏ। ସେ ଯାହା ହେଉ ଡିସକାଉଣ୍ଟରେ କିଣିଲେ ମନ ବହୁତ ଖୁସି ହୋଇଯାଏ।
-ଦୀପ୍ତିମୟୀ ନାୟକ, ଦଶପଲ୍ଲା, ନୟାଗଡ଼


Enter your email to get our daily news in your inbox.

All Right Reserved By Dharitri.Com

ୱାର୍ମ-ଅପ ମ୍ୟାଚରେ ନ ଖେଳିବା ସତ୍ତ୍ୱେ ପନ୍ତଙ୍କ ଉପରେ ଆସ୍ଥା ଅକ୍ଷୁର୍ଣ୍ଣ ରହିଛି; ଟେଷ୍ଟ ସିରିଜ ପୂର୍ବରୁ ଟିମ ମ୍ୟାନେଜମେଣ୍ଟର ଗୁରୁତ୍ୱପୂର୍ଣ୍ଣ ନିଷ୍ପତ୍ତି

ନୂଆଦିଲ୍ଲୀ,୧୭।୧୧: ବିଶ୍ୱର ସବୁଠାରୁ ଅଧିକ ପବନ ବହୁଥିବା ସହରରେ ବଞ୍ଚିରହିବା ଏକ କଠିନ କାମ ଅଟେ। କେତେବେଳେ ପବନ ଏତେ ପ୍ରବଳ ହୋଇଯାଏ ଯେ ଲୋକମାନେ ମଧ୍ୟ…

ବିଳମ୍ବିତ ରାତିରେ କେନ୍ଦ୍ର ସରକାର ନେଲେ ବଡ଼ ନିଷ୍ପତ୍ତି: ହଠାତ୍‌ ବଢିଲା….

ନୂଆଦିଲ୍ଲୀ,୧୭।୧୧: ତେଲ କମ୍ପାନୀଗୁଡ଼ିକୁ ନେଇ କେନ୍ଦ୍ର ସରକାର ଏକ ବଡ଼ ପଦକ୍ଷେପ ନେଇଛନ୍ତି। ସୋମବାର ବିଳମ୍ବିତ ରାତିରେ ସରକାର ଡିଜେଲ ଓ ବିମାନ ଇନ୍ଧନ (ATF) ରପ୍ତାନି…

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ମୋଦିଙ୍କୁ ବିବାହ ନିମନ୍ତ୍ରଣ ପତ୍ର ଦେଲେ ରିଙ୍କୁ ସିଂହ; ଏହି ସାଂସଦଙ୍କ ହାତ ଧରିବେ କ୍ରିକେଟର

ନୂଆଦିଲ୍ଲୀ,୧୭।୧୧: ଭାରତୀୟ କ୍ରିକେଟ ଦଳର ବ୍ୟାଟର ରିଙ୍କୁ ସିଂହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିଜ ବିବାହ ପାଇଁ ନିମନ୍ତ୍ରଣ କରିଛନ୍ତି। ଏହା ପୂର୍ବରୁ, ରିଙ୍କୁ ଉତ୍ତର ପ୍ରଦେଶର…

ନ୍ୟୁଜିଲାଣ୍ଡରେ ପହଞ୍ଚୁ ପହଞ୍ଚୁ ଭୟଭୀତ ହୋଇଗଲେ ରବୀନ୍ଦ୍ର ଜାଡେଜା: କହିଲେ, ମୋ ଘୋଡ଼ା ବି…

ନୂଆଦିଲ୍ଲୀ,୧୭।୧୧: ଭାରତୀୟ କ୍ରିକେଟ ଦଳର ଷ୍ଟାର୍‌ ଅଲରାଉଣ୍ଡର ରବୀନ୍ଦ୍ର ଜାଡେଜା ନ୍ୟୁଜିଲାଣ୍ଡ ଗସ୍ତରେ ଟେଷ୍ଟ ସିରିଜ ପାଇଁ ଜୋରଦାର ପ୍ରସ୍ତୁତି କରୁଛନ୍ତି। ନେଟ୍ସରେ ଘଣ୍ଟା ଘଣ୍ଟା ଧରି…

ଗିଲ୍‌ କଲେ ବଡ଼ ଘୋଷଣା, ୪ ଦ୍ରୁତ ବୋଲରଙ୍କ ସହ ମଇଦାନକୁ ଓହ୍ଲାଇବ ଟିମ ଇଣ୍ଡିଆ, ଜାଣନ୍ତୁ ସେମାନେ କିଏ…

ନୂଆଦିଲ୍ଲୀ,୧୭।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ୱେଲିଂଟନରେ ଖେଳାଯିବ। ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଆରମ୍ଭ ନଭେମ୍ବର ୧୯ ତାରିଖରୁ ହେବ।…

QUAD ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି-ଟ୍ରମ୍ପଙ୍କ ମଧ୍ୟରେ ଗୁରୁତ୍ୱପୂର୍ଣ୍ଣ ବୈଠକ, ଚାଇନାକୁ ଲାଗିପାରେ ଝଟକା

ନୂଆଦିଲ୍ଲୀ,୧୭।୧୧: ଆମେରିକା, ଚାଇନା ଏବଂ ରୁଷିଆକୁ ନେଇ ହେବାକୁ ଥିବା ଉଚ୍ଚସ୍ତରୀୟ ବୈଠକଗୁଡ଼ିକ ପୂର୍ବରୁ, ‘କ୍ୱାଡ’ (Quad) ସଦସ୍ୟ ରାଷ୍ଟ୍ରଗୁଡ଼ିକର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବାକୁ…

ଶତକ ମାରିବା ପରେ ପକେଟରୁ ଚିଠି ବାହାର କଲେ ଏହି କ୍ରିକେଟର: ଚିଠି ପଢିଲେ ହୋଇଯିବେ ଭାବବିହ୍ବଳ

ଜୋହାନ୍ସବର୍ଗ,୧୭।୧୧: କ୍ରିକେଟ ପଡ଼ିଆରେ ଅନେକ ଖେଳାଳି ନିଜ ଅନନ୍ୟ ଅନ୍ଦାଜରେ ଶତକ ପାଳନ କରିଥାନ୍ତି। କିନ୍ତୁ ବାଂଲାଦେଶର ଉଇକେଟ୍‌କିପର ବ୍ୟାଟର ଲିଟନ ଦାସ ଏଥର ନିଜ ଶତକକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?