ପୋଲିସ ଡ୍ୟୁଟି ସହଜ ନୁହେଁ। ଅନ୍ୟର ଜୀବନ ସୁରକ୍ଷିତ କରିବା ପାଇଁ ନିଜ ଜୀବନକୁ ବାଜି ଲଗାଇ ଦେଇଥାନ୍ତି ପୋଲିସ କର୍ମଚାରୀ। କରୋନା ଯୋଗୁ ମଧ୍ୟ ସେମାନଙ୍କ କାର୍ଯ୍ୟ ଆହୁରି ବଢିଯାଇଛି। ଘରଠାରୁ ଦୂରରେ ରହି ପୋଲିସ କର୍ମଚାରୀ ଅନ୍ୟର ସହାୟତା କରି ନିଜେ ଆକ୍ରାନ୍ତ ହୋଇପଡୁଛନ୍ତି। ଏବେ ସୋସିଆଲ ମିଡିଆରେ ଇନ୍ଦୋର ପଲାସିଆ ଥାନା ଏସଏଚଓ ବିନୋଦ ଦୀକ୍ଷିତ କାର୍ଯ୍ୟ ଭାଇରାଲ ହୋଇଛି। ଏବେ କରୋନା ଯୋଗୁ ସ୍କୁଲ ବନ୍ଦ ଥିବାରୁ ପିଲାମାନେ ଅନ୍ଲାଇନ୍ ପଢୁଛନ୍ତି। ଯେଉଁମାନଙ୍କ ପାଖରେ ସ୍ମାର୍ଟଫୋନ ନାହିଁ ସେମାନଙ୍କ ସହାୟତା ପାଇଁ ଆଗେଇ ଆସିଛନ୍ତି ବିନୋଦ। ଦିନେ ପ୍ୟାଟ୍ରୋଲିଂ କରୁଥିବାବେଳେ ରାଜ ନାମକ ଜଣେ ଗରିବା ପିଲାଟିକୁ ଦେଖିଥିଲେ। ରାଜ ଭବିଷ୍ୟତରେ ଜଣେ ପୋଲିସ ହେବାର ଇଚ୍ଛ ପ୍ରକାଶ କରିଥିଲେ। କିନ୍ତୁ ଘରର ଆଥିକ ଅବସ୍ଥା ଭଲ ନ ଥିବାର ସେ ପାଠ ପଢି ପାରୁ ନାହାନ୍ତି। ସ୍କୁଲ ଫି’ ମଧ୍ୟ ଦେଇ ପାରୁନାହାନ୍ତି। ଏହା ଶୁଣି ବିନୋଦ ତାଙ୍କୁ ପଢାଇବେ ବୋଲି କହିଥିଲେ। କାର୍ଯ୍ୟ ସାରି ଫେରିବା ପରେ ପ୍ରତିଦିନ ରାଜଙ୍କୁ ଇଂରାଜୀ ଏବଂ ଗଣିତ ପାଠ ପଢାନ୍ତି ବିନୋଦ। ଏଭଳି କାର୍ଯ୍ୟ ଯୋଗୁ ତାଙ୍କୁ ବେଶ୍ ପ୍ରଶଂସା ମଧ୍ୟ ମିଳିଛି।
