ପୁଣେ,୨୦ ।୨: ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଶିବସେନାର ନାମ ଓ ନିର୍ବାଚନ ଚିହ୍ନ ମିଳିବା ପରେ ପ୍ରଥମ ଥର ଏହି ପ୍ରସଙ୍ଗକୁ ନେଇ ଖୋଲା ଖୋଲି ଭାବେ ତାଙ୍କ ପ୍ରତିକ୍ରିୟା ରଖିଛନ୍ତି । ଏକ କାର୍ଯ୍ୟକ୍ରମରେ ସେ କହିଛନ୍ତି, ତାଙ୍କୁ ‘ଧନୁ-ତୀର’ ଚିହ୍ନ ଛତ୍ରପତି ଶିବାଜୀ ମହାରାଜଙ୍କ ଆଶୀର୍ବାଦରୁ ମିଳିଛି ।
ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ଦ୍ୱାରା ପୁଣେରେ ଶିବାଜୀ ମହାରାଜଙ୍କ ଜୀବନୀ ଉପରେ ଆଧାରିତ ଏକ ଥିମ ପାର୍କ ‘ଶିବସୃଷ୍ଟି’ର ପ୍ରଥମ ଭାଗର ଉଦ୍ଘାଟନ ସମୟରେ ଶିନ୍ଦେ ଆଉ ଏକ କଥା କହିଛନ୍ତି । ସେ କହିଛନ୍ତି ଆମେ ‘ଶିବସୃଷ୍ଟି’ ପରିଯୋଜନା ପାଇଁ କୌଣସି ଅଭାବ ରଖିନାହୁଁ । ଅମିତ ଶାହା ଆଜି ଏଠି ଅଛନ୍ତି, ଆଉ ଆପଣମାନଙ୍କ ମଧ୍ୟରୁ ଅନେକେ ଜାଣି ନ ଥିବେ କି ସେ ଶିବାଜୀ ମହାରାଜଙ୍କ ପରମ ଭକ୍ତ । ସେ ମରାଠା ଶାସକ ଓ ଶିବାଜୀ ମହାରାଜଙ୍କ ଉପରେ ବହୁତ ଅଧ୍ୟୟନ କରିଛନ୍ତି । ସେ ଶିବାଜୀ ମହାରାଜଙ୍କ ଉପରେ ଏକ ପୁସ୍ତକ ବି ଲେଖୁଛନ୍ତି ଯାହା ଖୁବଶୀଘ୍ର ପ୍ରକାଶିତ ହେବ ।
ସୂଚନାଯୋଗ୍ୟ, ନିର୍ବାଚନ କମିଶନଙ୍କ ପକ୍ଷରୁ ଶୁକ୍ରବାର ମହାରାଷ୍ଟ୍ର ମୁଖ୍ୟମନ୍ତ୍ରୀ ଶିନ୍ଦେଙ୍କ ନେତୃତ୍ୱ ବାଲା ଗୋଷ୍ଠୀଙ୍କୁ ‘ଶିବସେନା’ ନାମ ଓ ତାଙ୍କର ଚିହ୍ନ ‘ଧନୁ-ତୀର’ ପ୍ରଦାନ କରିଥିଲେ । ଏହାପରେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଓ ଶିବସେନା ଉଦ୍ଧବ ବାଲାସାହେବର ନେତା ଉଦ୍ଧବ ଠାକରେ ଭାରତୀୟ ଜନତା ପାର୍ଟି(ଭାଜପା) ଓ ଏକନାଥ ଶିନ୍ଦେଙ୍କ ଉପରେ ନିର୍ବାଚନୀ ଆକ୍ରମଣ ଜାରି ରଖିଛନ୍ତି ।
