ଭୁବନେଶ୍ୱର,୩।୧୨(ବ୍ୟୁରୋ): ପର୍ଯ୍ୟଟକଙ୍କ ପାଇଁ ଆସନ୍ତା ୪ ଓ ୫ ଦିନ ଶିମିଳିପାଳ ବନ୍ଦ ରହିବ। ଉତ୍ତର ଶିମିଳିପାଳ ଡେପୁଟି ଡାଇରେକ୍ଟର ଏହି ସୂଚନା ଦେଇଛନ୍ତି। ତେବେ ସମ୍ଭାବ୍ୟ ଲଘୁଚାପ ବର୍ଷା ନେଇ ଶିମିଳିପାଳ ବନ୍ଦ ରହିବ।
ନଭେମ୍ବର ୧ରୁ ପର୍ଯ୍ୟଟକଙ୍କ ପାଇଁ ଶିମିଳିପାଳ ଅଭୟାରଣ୍ୟ ଖୋଲିଥିଲା । ସକାଳ ୬ ଟାରୁ ୯ଟା ମଧ୍ୟରେ ପର୍ଯ୍ୟଟକମାନେ ଯଶୀପୁର ପଟୁ କଳିଆଣି ଓ ବାରିପଦା ପଟୁ ପିଠାବଟା ଦେଇ ଥିବା ଦୁଇଟି ତନଖି ଫାଟକ ଦ୍ୱାରା ଶିମିଳିପାଳ ଭିତରକୁ ଯାଉଥିଲେ। ଶିମିଳିପାଳକୁ ଜିରୋ ପ୍ଲାଷ୍ଟିକ୍ ଜୋନ କରିବା ପାଇଁ ନୂଆ ପନ୍ଥା ଆପଣାଯାଇଛି। ପର୍ଯ୍ୟଟକଙ୍କୁ କୌଣସି ପ୍ଲାଷ୍ଟିକ ଉପକରଣ, ପଲିଥିନ କିମ୍ବା ପାଣି ବୋତଲ ନେଇ ଭିତରକୁ ପ୍ରବେଶ କରିବା ଉପରେ କଟକଣା ଜାରି କରାଯାଇଛି ।
