କେନ୍ଦୁଝର,୫ା୨(ନରେଶ ଚନ୍ଦ୍ର ପଟ୍ଟନାୟକ): ସୋମବାର ସକାଳେ କେନ୍ଦୁଝର ସହର ସ୍ଥାନୀୟ ଜୁଡ଼ିଆ ନିକଟରେ ଡବ୍ଲ୍ୟୁବି ୫୭ଡି/୬୩୩୪ ନମ୍ବର ବିଶିଷ୍ଟ ଆଇରନ ବୋଝେଇ ଟ୍ରକ୍ ସମ୍ବଲପୁର ଆଡ଼ୁ କେନ୍ଦୁଝର ଦେଇ ଯାଉଥିବା ବେଳେ ବ୍ରେକ୍ ଫେଲ୍ ହୋଇଯିବାରୁ ଅନ୍ୟ ୩ ଟ୍ରକ୍କୁ ଧକ୍କା ଦେଇ ରାସ୍ତାକଡ଼କୁ ଓଲଟି ପଡ଼ିଥିଲା। ଟ୍ରକ୍ଟି ଏକାଧିକ ବାଇକ୍ ଉପରେ ଚଢ଼ିଯିବାରୁ ଚୂରମାର ହୋଇଯାଇଛି। କେନ୍ଦୁଝର ସହର ଜୁଡ଼ିଆ ନିକଟରେ ଏହି ଦୁର୍ଘଟଣା ଘଟିଛି। କେହି ମୃତାହତ ହୋଇ ନ ଥିଲେ ହେଁ ବଡ଼ ଦୁର୍ଘଟଣାରୁ ବର୍ତ୍ତିଯାଇଛି। ସହରରେ ଭାରୀଯାନ ଚଳାଚଳ ଉପରେ କଟକଣା ଥିଲେ ମଧ୍ୟ ଉପଯୁକ୍ତ ତଦାରଖ ଅଭାବରୁ ଏଭଳି ଦୁର୍ଘଟଣା ପ୍ରଶାସନର ଅବହେଳାକୁ ଦାୟୀ କରିଛନ୍ତି। ରାସ୍ତାରେ କିଛି ସମୟ ଯାତାୟାତ ଠପ୍ ହୋଇଥିଲା।
