ଲାଉସାନେ (ସୁଇଜରଲାଣ୍ଡ):-ଡୋପିଂ ମାମଲାରେ ଅଷ୍ଟ୍ରେଲିଆର ମହିଳା ସନ୍ତରଣକାରୀ ସାୟନା ଜ୍ୟାକ୍ ଦୋଷୀ ସାବ୍ୟସ୍ତ ହୋଇଛନ୍ତି। ସୋମବାର ତାଙ୍କୁ ଦୁଇ ବର୍ଷ ବାସନ୍ଦ କରାଯାଇଛି। ତେବେ ଏହା ଟୋକିଓ ଅଲିମ୍ପିକ୍ସ ଆରମ୍ଭ ହେବାର କିଛିଦିନ ପୂର୍ବରୁ ଶେଷ ହୋଇଯାଉଛି। ଜ୍ୟାକ୍ ଉଦ୍ଦେଶ୍ୟମୂଳକ ଭାବେ ନିଷିଦ୍ଧ ଦ୍ରବ୍ୟ ଲିଗାଣ୍ଡ୍ରୋଲ୍ ବ୍ୟବହାର କରି ନାହାନ୍ତି ବୋଲି କୋର୍ଟ ଅଫ୍ ଆର୍ବିଟ୍ରେଶନ ଫର୍ ସ୍ପୋଟର୍ସ (କାସ୍)ରେ ପ୍ରମାଣ କରିବାକୁ ଚାହିଁଥିଲେ। ୨୦୧୯ ବିଶ୍ୱ ଚାମ୍ପିୟନଶିପ୍ ବେଳେ ଜ୍ୟାକ୍ଙ୍କର ଡୋପ୍ ଟେଷ୍ଟ ହୋଇଥିଲା ଏବଂ ପଜିଟିଭ ଆସିଥିଲା। ଅଷ୍ଟ୍ରେଲିଆନ ପୂର୍ବରୁ ୪ ବର୍ଷ ବାସନ୍ଦ ଦଣ୍ଡ ପାଇଁ ସୁପାରିସ କରିଥିଲା। ଜ୍ୟାକ୍ ଚାହିଁଲେ ସୋମବାର ରୁଲିଂ ବିରୋଧରେ କାସ୍ରେ ଅନ୍ୟ ଏକ ପ୍ରକ୍ରିୟା ଜରିଆରେ ଅପିଲ କରିପାରିବେ। ଓ୍ବାଲର୍ଡ ଆଣ୍ଟି ଡୋପିଂ ଏଜେନ୍ସି (ଓ୍ବାଡା) ମଧ୍ୟ ଦୀର୍ଘକାଳୀନ ବାସନ୍ଦ ପାଇଁ ଅପିଲ କରିପାରେ। ୨୨ ବର୍ଷୀୟ ଏହି ସନ୍ତରଣକାରୀ ୨୦୧୭ ବିଶ୍ୱ ଚାମ୍ପିୟନଶିପ୍ରେ ରିଲେରେ ୪ଥର ପଦକ ଜିତିଛନ୍ତି। ତାଙ୍କୁ ୨ବର୍ଷ ବାସନ୍ଦ ହେବା ଦ୍ୱାରା ସେ ୨୦୨୧ ଜୁଲାଇ ୧୧ ପର୍ଯ୍ୟନ୍ତ ପ୍ରତିଯୋଗିତାରେ ଅଂଶଗ୍ରହଣ କରିପାରିବେ ନାହିଁ। ବାସନ୍ଦ ଦଣ୍ଡ ଶେଷ ହେବାପରେ ଦୁଇ ସପ୍ତାହରୁ କମ୍ ସମୟ ବ୍ୟବଧାନରେ ଟୋକିଓ ଅଲିମ୍ପିକ୍ସ ହେବ। ଜ୍ୟାକ୍ଙ୍କ ବିରୋଧରେ ହୋଇଥିବା ଡେପିଂ ଅଭିଯୋଗକୁ ସେ ଖଣ୍ଡନ କରିଛନ୍ତି। ସଂକ୍ରମିତ ଖାଦ୍ୟ ଯୋଗୁ ତାଙ୍କର ପଜିଟିଭ ଆସିଥିବା ସେ ସ
