ନୂଆଦିଲ୍ଲୀ,୨୧ ।୧୧: ମେଘାଳୟର ପୂର୍ବତନ ରାଜ୍ୟପାଳ ସତ୍ୟପାଲ ମଲିକ ରବିବାର କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହା ମନେରଖିବା ଉଚିତ ଯେ ଶାସନ କ୍ଷମତା ଚିରସ୍ଥାୟୀ ନୁହେଁ ଏହା ଆସେ ଆଉ ଯାଏ । ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରି ସେ କହିଛନ୍ତି, ମୋଦି ଜି ବୁଝି ଯିବା ଦରକାର କି ଶାସନ କ୍ଷମତା ଆସେ ଆଉ ଯାଏ । ଇନ୍ଦିରା ଗାନ୍ଧୀଙ୍କ କ୍ଷମତା ବି ଚାଲିଯାଇଛି, ଯେତେବେଳେ ଲୋକେ କହୁଥିଲେ ତାଙ୍କୁ କେହି ହଟାଇ ପାରିବେ ନାହିଁ, ଗୋଟିଏ ଦିନ ଆପଣ ବି ଚାଲିଯିବେ । ସେଥିପାଇଁ ପରିସ୍ଥିତିକୁ ଏମିତି ବିଗାଡି ଦିଅନ୍ତୁ ନାହିଁ ଯାହାକୁ କେବେ ସଜଡା ଯାଇ ପାରିବ ନାହିଁ ।
ସୂଚନାଯୋଗ୍ୟ, ଜୟପୁରରେ ରବିବାର ମଲିକ ରାଜସ୍ଥାନ ବିଶ୍ୱବିଦ୍ୟାଳୟ ଛାତ୍ର ସଂଘର ଏକ କାର୍ଯ୍ୟକ୍ରମକୁ ସମ୍ବୋଧନ କରିବା ସମୟରେ ଏମିତି କହିଛନ୍ତି । ସେ କହିଛନ୍ତି ଦେଶରେ ବିଭିନ୍ନ ପ୍ରକାରର ଲଢେଇ ଆରମ୍ଭ ହେବାକୁ ଯାଉଛି । କୃଷକ ପୁଣିଥରେ ଆନ୍ଦୋଳନ କରିବେ ତ ଯୁବକ ପୁଣି କେନ୍ଦ୍ର ସରକାରଙ୍କ ବିରୋଧରେ ସ୍ୱର ଉତ୍ତୋଳନ କରିବେ ।
ଅଗ୍ନିପଥ ଯୋଜନାକୁ ନେଇ ବି ଖୁବ୍ ବର୍ଷିଛନ୍ତି ମଲିକ । ସେ କହିଛନ୍ତି, ମୁଁ ଯେତିକି ଜାଣିଛି ଅଗ୍ନିପଥ ଯୋଜନାରେ ଭର୍ତ୍ତି ହେଉଥିବା ସେନା ବ୍ରହ୍ମୋସ ସହିତ ଅନ୍ୟ ମିଶାଇଲକୁ ଛୁଇଁ ପାରିବେ ନାହିଁ । କାରଣ ଏମାନଙ୍କୁ ଅନୁମତି ଦିଆଯାଇ ନାହିଁ । ତେଣୁ ଏହାଦ୍ୱାରା ଅଗ୍ନିପଥ ଯୋଜନା ସେନାକୁ ବି ନଷ୍ଟ କରିଦେବ ବୋଲି ସେ କହିଛନ୍ତି ।
